Te Otinako 23:12 - Te B'aib'ara

¹² Kam na m'akuri ni bong ake onobong n te wiiki, ao kam na motirawa ma ni katoki kuami n te kaitiua ni bong. E na aki ti b'ainaki te tua aei i roumi, ma irouia naba ami kaomm'aane, aati, ao ami toro, ai uana naba ma iruwa akana a maeka i buakomi.

Te Otinako 23:12 ပူးပေါင်းရင်းမြစ်များ

Neemia 13:16

Ao a manga uoti taian ika ao b'aai riki tabeua nako ikekei ni kabooi nako n te Taabati, aomata ake a m'aing nako Ierutarem man te kaawa are i Turo.

Te Otinako 16:23

ao e taku nako ia, “E a tia n tua te UEA b'a bon te bong ni motirawa nakon te ingabong. Te bong ae katabuaki i bukina. Kam'ai n te bong aei, akana kam tangiri ni kaburoi, ao nikiraia kam na kaawakin i bukin te ingabong.”

Te Otinako 23:11

ma kamotirawaa te aba n te kaitiua n ririki. A na am'arake aomata aika maiu ni kainano man ami tawaana, ao katikui nikirana nakoia maan aika aki manana.

Te Otinako 34:21

Kam na karaoa ami m'akuri i nanon onobong ao kam na motirawa n te kaitiua ni bong, e aoria naba ngkana e b'akara nanon bongin te ununiki ma te tai.

Te Otinako 35:2

Onobong ami bong ni m'akuri. Ma kam na tabua te bong ae te kaitiua ni bong b'a au b'ai, Ngai ae te UEA, b'a te bong ni motirawa. A na tiringaki aomata akana a m'akuri n te Taabati.

Te Otinako 35:3

Kam na aki kaura ain kanami ni mwengami n te Taabati.

Itaia 58:3

Kam mimi b'a e aera te UEA ngkai e aki kan tabe ngkana kam aki am'am'arake ma ara nanorinano. Ma ni bon te bong naba akanne, ngke kam a katoka ami aki am'aam'arake, kam bon ti iangoingkami i bon iroumi ma ni kabuakakaia ami taani m'akuri.

Nakoaia Ibonga 23:3

Iai onoua ami bong ae kam kona ni karaoi ami m'akuri iai, ma e tabu te kaitiua ni bong ni katoa wiiki i bukina b'a bon au bong. E aki akaaka b'a kam mena ia, ma kam riai ni motirawa n te Taabati ao ni bootaki n taromauri iai. E na tai bitaki te tua aei.

Mareko 2:27

Ao E taku nako ia, “E karaoaki te Taabati i bukin te aomata, ma e aki karaoaki te aomata i bukin te Taabati;

Ruka 13:14

Ao e un te tia taua taekani m'aneabaia I-Iutaia iroun Iesu ngke E kamaiu n te Taabati, ao e taku nakoia aomata, “Iai boong aika onoua ake a riai ni karaoaki m'akuri iai; rooko ni boong akanne b'a kam na kamaiuaki iai, ma tiaki n te bong ae te Taabati.”