Te Otinako 22:9 - Te B'aib'ara

⁹ Ngkana arona b'a iai uoman aomata aika uneakina te kao ke te tiibu ke te kunnikai ae ti teuana. A na iangoa te kangaanga aei taani moti, ao te aomata are e reke n te bure, e na kataboroa m'aitin te b'ai anne nakon are bon oin ana b'ai.

Te Otinako 22:9 ပူးပေါင်းရင်းမြစ်များ

Karikani B'aai 31:39

E ngae ngkana e tiringaki am maan aika kawakawa irouia maan aika kawakawa aika moaanti, ao I boni kabooa naba mwiina. I aki uotia nakoim i bukina ngke bon tiaki au bure. Ko bon tangira naba boona ae b'anin e ngae ngkana tao a iraeaki ni bon te ngaina ke te bong.

1.Uea 8:31

Ngkana tao arona b'a iai ae e bukina temanna n te bure teuana, ao teuare e bukinaki e tei i matan te Atiniberita i nanon te Tembora ao e taku, I bon tuea b'a I bon aki karaoa te bure.

2.Rongorongo 19:10

Ane a na uoti taiani kangaanga nako imi kaain Iuta aika a irekereke ma taian tua, aika a reke ma aekakin bure nako, n ikotaki ma te tiriaomata. Kam na karaoi kangaanga aikai ao kam na tuangiia aomata b'a a na riai ni katoka te bure nakon te UEA, b'a e aonga n aki un ke ni katuaaea Iuta. Uringnga ngkana kam karaoi nanon taiani kaetieti aikai, ao kam na bon aki bukinaki iai ngkana iai baika a riki.

Te Otinako 22:10

Ngkana arona b'a iai kaain rarikim ae na m'ananga moa nakon te tabo teuana ao e butiiko b'a ko na kaawakina ana aati ke te kao mm'aane ke te tiibu ke maan riki tabeua, ao e a ti mate naba ke e ikoaki ke e kimoaaki ngke akea ae e nooria.

Te Otinako 22:28

Kam na aki taekina ae e buakaka nakon Iu ke nakon ami tia kairiiri.

Te Otinako 22:4

Ngkana arona b'a ko bure n tiringa te tia kimoa ae e ninia am auti ngke e a roo, ao ko aki bure iai. Ao ngkana ko tiringa te aomata ae e ninia am auti n te ngaina, ko na reke n te bure n tiritiri iai.

Nakoaia Ibonga 6:5

E na kabane ni kabooi mwiin b'aai nakon teuare e bure nako ina n reitaki ma te uabwi ni betienti.

Mataio 18:15

Ngkana e bure tarim nako im, ao ko na nako ni kaota ana bure nako ina n te tai ae ti ngkoe iai ma ngaia. Ngkana e ongo i roum, ao kam a manga okiri aromi n tari.

Mataio 18:35

Ao anne naba aron are E na karaoia nako imi Tamau are i karawa ngkana kam aki kab'ara aia bure tarimi mai nanomi.

Te Tua-Kaua 25:1

Ngkana ko i bukibuki ma te aomata temanna n te bowi, ao ko kuneaki irouia taani moti b'a ko reke n te bure, ao ngkana tuuam te kataereaki n te kainikataere, ao e na tuangko temanna te tia moti b'a ko na wene, ao ko na anganaki kaim n aron are e bon riai n reke iroum.