Te Otinako 22:30 - Te B'aib'ara

³⁰ ao moan natiia naba ami kao ma ami tiibu. Katikuia maan i rarikin tinaia i nanon itiua te bong, ao te kawani bong kam na anganai, Ngai ae Atuami.

Te Otinako 22:30 ပူးပေါင်းရင်းမြစ်များ

Karikani B'aai 17:12

Kam na bane ni korotabonim'aneaki, ao bon aei kanikinaeana i aon rab'atami b'a boni iai te boraraoi i marenami ma Ngai.

Te Otinako 13:12

ao kam na anga ami man karimoa aika mm'aane b'a Ana b'ai te UEA. A na bane ami man aika karimoa mm'aane n riki b'a ana b'ai te UEA,

Etekiera 4:14

Ao I taku, “Te Atua, taiaoka Ko na aki kariaia b'a N na karaoa anne! I bon tuai man kang am'arake aika N na riki iai n aki tau i matam. I tuai man kang b'aai aika a mate i bon irouia ke n tiringaki irouia maan aika a aki manana ke aika ko taku b'a a aki itiaki.”

Nakoaia Ibonga 11:44

I tabu Ngai ae te UEA ae Atuami. Ma ngaia are, kam riai n tabuingkami naba.

Nakoaia Ibonga 11:45

Boni Ngai te UEA ae I kaotinakoingkami mai Aikubita, b'a I aonga n riki b'a Atuami. Kam na riai n tabuingkami b'a I tabu.

Nakoaia Ibonga 12:3

E na korotabonim'aneaki te ataei n te kawani bong.

Nakoaia Ibonga 17:15

Ngkana iai aomata n aki akaaka, te Iteraera ke te iruwa ae kana irikon te man ae e boni mate i rouna, ke ni mate iroun raona ni man, e riai n teboki moa kunnikaina, e na tebotebo, ao n tataningaa te tairiki ike e a itiaki iai.

Nakoaia Ibonga 22:27

Kao aika a tib'a bungiaki, te tiibuteteei, ke kooti a riai ni mena i rarikin tinaia itiua te bong, ao n te kawani bong, kam riai n anganai n te kabuane, ao N na butim'aia iai b'a te karea.

Nakoaia Ibonga 22:8

I tuangngkami b'a kam na tai kang maan aika a kamateaki irouia maan ni kaakaang, ke ni boni mate bon i rouia. Kam na riki ni kam'araa iai. Bon te UEA Ngai.

Nakoaia Ibonga 7:23

i bukiia Iteraera, Akea nenean te kao, te tiibu, ke te kooti ae na kanaki.

Nakoaia Ibonga 7:24

E na aki kanaki nenean te man aika kawakawa ae e mate i bon i rouna ke e tiringaki irouia mannikaakang, ma e konaa ni kabonganaaki i bukin te iango teuana.

Nakoaia Ibonga 7:26

N taabo nako ike a maeka iai Iteraera, a na aki roko n te kamanenaa raraan te mannikiba ke te man i bukin te am'arake.

Te Tua-Kaua 14:21

Kam na b'ainaki iroun te UEA ae Atuami, ma ngaia are, ngkana kam kuba ni kunea te man ae mate, ao kam na aki kana irikona. Kam na anganiia ianena ake a maeka i abami, ke kabooa nakoia ianena akana roko i abami. Kam na aki kaburoa te kooti teteei i nanon rannimamman tinana.

Te Tua-Kaua 15:19

Ngkana te karimoa te m'aane natin te kao ke te tiibu ke te kooti, ao e na riai n anganaki te UEA. Kam na aki anaia karimoa m'aane aika kao b'a ami man ni m'akuri, ke ni koroburaea te karimoa te tiibu ae te m'aane.