Te Otinako 22:29 - Te B'aib'ara

²⁹ Kam na kakaonimaki n anga te karea are te uita ao te wain ake bon au b'ai. Kam na katabuia natimi mm'aane b'a au b'ai

Te Otinako 22:29 ပူးပေါင်းရင်းမြစ်များ

2.Uea 4:42

Temanna te m'aane man te kaawa are B'aaratiaritia are e uoti tabeua taiani uita aika a tib'a koreaki, ao 20 taiani kariki aika a karaoaki man moani uaan te b'aare ake a taiaki. Ao e taku Eritai, “Anganiia aomata b'a a aonga n am'arake.”

2.Rongorongo 31:5

Ao n te tai are a bon tib'a ongo iai aomata te b'ai are e tangiria te uea, ao a uoti naba kabwian aia b'ai ni kabane, n reitaki ma aia kabanea n raoiroi n uita, wain, b'aan te oriwa, ana karewe te manibeeru, ao uaan aia tawaana riki tabeua.

Te Otinako 13:12

ao kam na anga ami man karimoa aika mm'aane b'a Ana b'ai te UEA. A na bane ami man aika karimoa mm'aane n riki b'a ana b'ai te UEA,

Te Otinako 13:2

“Ko na katabuia karimoa ni kabane aika nati mm'aane b'a au b'ai b'a a na riki karimoa aika m'anen Iteraera ma aia man naba aika karimoa mm'aane b'a au b'ai.”

Te Otinako 23:15

Kam na karaoa te Toa are te Kariki are Aki Karikaki ngkana kam kana te kariki are e aki karikaki, n aron are I a tia ni mwiokoingkami iai. Kam na karaoa aei n taina raoi n te nam'akaina are Abibi,

Te Otinako 23:16

Kam na karaoa te Toa ae M'anganikaai ni katoa taai ngkana e a kaan banen bongin te aumeaang ngkana kam moana taian ami uita, ngkana kam karaoa te Toa ae M'anganikaai.

Te Otinako 23:19

Kam na katoa ririki ni uota m'akoron ami moa ni uaa aika kabanea n raoiroi nakon te tabo n taromauri. Kam na aki kaburoa te bun ni kooti i nanon mirikin tinana.

Te Otinako 34:19

Au b'ai karimoa mm'aane man ami utu nako ao ami nanai n tiibu ao ami nanai ni kao.

Te Otinako 34:20

Kam konaa ni katokaa kain te aati ni kareana te tiibuteteei; ao ngkana kam aki, ao kam riai n otea roroan te aati. Kam riai ni kamaiuia karimoa mm'aane ni kabane.

Etekiera 20:40

ngkana e roko te bong anne, a na bane n taromauriai Iteraera i aon te Maunga are Tion, are Au maunga are e tabu i Ierutarem. N na manga atongingkami riki b'a Au b'ai, ao N na manga butim'aai ami angab'ai ma ami karea nako.

Nakoaia Ibonga 22:27

Kao aika a tib'a bungiaki, te tiibuteteei, ke kooti a riai ni mena i rarikin tinaia itiua te bong, ao n te kawani bong, kam riai n anganai n te kabuane, ao N na butim'aia iai b'a te karea.

Mika 7:1

E a kab'ara nano! Kaanga ai aron te aomata ngai are I kakaea kanau ma bon akea teuana uaan te aroka n tiku, ao akea naba uaan te kureebe n tiku. B'a a bane n tia n anaaki kaai ma uaa aika a kangkang.

Warekaia Iteraera 18:13

Ao ami b'ai naba moa ni uaa n arokan aia katawanang ma aia nne ni kureebe. A na anga baikai aomata nako Iu, ao a na kona n anai tabeua mai iai kaain ami utu akana a itiaki.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

I-Rom 8:23

Ma tiaki ti baika karikaki ae e reke aei i rouia, b'a ngaira naba, aika iai iroura te Tamnei are te moanib'ai n ana b'ai n tituaraoi te Atua: ti ngirangira i nanora ni kaantaninga te natinaki ao kainaomatan rab'atara ni kabane.

Te Tua-Kaua 15:19

Ngkana te karimoa te m'aane natin te kao ke te tiibu ke te kooti, ao e na riai n anganaki te UEA. Kam na aki anaia karimoa m'aane aika kao b'a ami man ni m'akuri, ke ni koroburaea te karimoa te tiibu ae te m'aane.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.