Te Otinako 22:24 - Te B'aib'ara

²⁴ Ae N na bon rangi n un n te aro are N na tiringiia ami mm'aane ao ni karikiia buuia b'a aine aika a mate buuia ao natiia b'a ataei aika akea tamaia.

Te Otinako 22:24 ပူးပေါင်းရင်းမြစ်များ

Neemia 5:7

Ma ngaia are, I a manga karaua ni iangoia, ao I taku nakoia taani kairiiri ao mataniwi, “Kam na kanga n tuangiia aika bon ami aomata b'a a na kab'aka te raka nakoimi?” Ma ngaia are, I a tewea te maungatabu ao I bukiniia taani kairiiri

Iobi 31:23

I bon aki kona ni karaoa aei, i bukina b'a I maaka Ana katuua te Atua.

Taian Areru 109:2

A eekainako akana buakaka ma akana m'am'anaa te aba. A kewe n aia taeka i buku,

Taian Areru 109:9

A bia riki natina n aroia ataei aika akea tamaia, ao buuna b'a te aine ae e a tia ni mate buuna!

Taian Areru 15:5

A karaoi aia katangom'ane n akea aia bakao ia, man aki karaoi aia babakanikawai iai ni karawawataia aika aki ataib'ai. Uake a karaoi baikai ni kabane ana bon tei n nene.

Taian Areru 69:24

Kaota unim nakoia; Kakioia ngkana e korakora unim ao a na reke iroum.

Taian Areru 76:7

Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Taian Areru 90:11

Ai antai ae a tia n namakina aroni korakoran unim, ke n ataa kakamaakuna?

Ieremia 15:8

A m'aiti riki aine aika a mate buuia i aon Iuta nakon tanon te bike. E na roko buakanakimi ae kamimii n te tawanou! Ao tiina i Ierutarem ana tang i bukiia natiia.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

B'aeb'aeti 5:3

A mate ara karo irouia ara kairiribai, ao a akea buia tinara.

Nakoaia Ibonga 25:35

Ngkana iai i buakomi aika a kainano aika aki kona ni kamaiuia i bon i rouia, kam riai ni buokiia, n ai aron ae kam riai ni buokiia iruwa aika a maeka i buakomi.

Nakoaia Ibonga 25:36

Tai karekeia b'a b'aai ni kareke raka n te aro are e na anaaki te bakao mai rouia, ke tao ni kabooa nako te am'arake nakoia ni karekea te raka iai.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Ruka 6:38

B'aina te angaanga, b'a te Atua e na bon manga anganiko; ane e na kanoaaki rabin kunnikaimi ni kaonrakeaki. E na kaibeaki, e na ioioaki, ao e na taonako kanoana. B'a te baire are kam anga ao ane kam na manga anganaki.”

Te Tua-Kaua 23:20

Kam ti kona n anai bakaon aia taarau ianena. B'a ngkana kam bakaoni aia taarau Iteraera tabeman, ao E na aki anganingkami te tetekeraoi te UEA n te aba ae kam nang abanna.

Te Tua-Kaua 23:21

Kaain Iteraera, ngkana kam karaoa te berita ae tabu b'a kam na anga ami b'aintangira nakon te UEA, ao kam na karaoia naba n te tai ae waekoa, b'a ngkana E roko te UEA ni kakaea te b'aintangira are ko berita iai, ao ko na bure n urua te berita ngkana ko tuai n anga am b'aintangira.

Ebera 10:31

Te b'ai ae kakamaaku te b'akara nanoni bain te Atua ae maiu.