Te Otinako 22:23 - Te B'aib'ara

²³ Ngkana kam karaoa anne, ao ane a na buubutiai buokaia, ao N na roko ni kamaiuia.

Te Otinako 22:23 ပူးပေါင်းရင်းမြစ်များ

Iobi 34:28

A imanonoia aomata aika kainano b'a a na tang nakon te Atua, ao E ongo b'anaaia ni kan buokiia.

Iobi 35:9

Ngkana a karawawataaki aomata, a ngirangira; ao a tangira temanna b'a e na buokiia.

Taian Areru 10:14

Ko taratara; ao Ko noori kabuanib'ai ma kaangaanga nako ao Ko tauraoi ni buobuoki n taai nako. E mwioko iroum ane kananoanga; b'a Ko buobuoka ane akea tamana.

Taian Areru 140:12

Ara UEA, I ataiko b'a Ko ko tei i bukiia aika akea mwengaia ao ko taraa te motiraoi nakoia aika a maiu ni kainano.

Taian Areru 145:19

E kareke baika a kai nanoia iai akana a karinea; E ongo tangiia ao E kamaiuia.

Taian Areru 18:6

Ngke e kai nanou, ao I wetea te UEA, ae Atuau b'a E na buokai. E ongo b'anaau man ana tembora, ao E ongora n tangu.

Taian Areru 68:5

Te Atua, are maeka n ana Tembora are tabu, boni Ngaia ae tabeakiniia akana aki tabeakinaki irouia aia karo. Ngaia naba ae tei i bukiia aine akana mate buia.

Te Otinako 22:27

b'a bon ti anne rabunan te aomata ae maiu ni kainano are e na rabunna iai ngkana e matu n te tairiki. Bon te Atua Ngai ae I akoi, ao ngkana arona b'a a weteai, ao N na bon roko ni buokiia.

B'aeb'aeti 5:3

A mate ara karo irouia ara kairiribai, ao a akea buia tinara.

Ruka 18:7

Ao te Atua, tiaki E na iri taangaia ake a rineaki i Rouna, ake a tangitangira buokaia ni ngaina ao ni bong? E na kamanna n aki kaekai tangitangiia?

Te Tua-Kaua 10:18

E teetei te UEA i bukiia ataei aika akea aia karo, ao aine aika a mate buuia. E kakawakiniia iruwa ma n anganganiia kanaia ao kunnikaia.

Te Tua-Kaua 15:9

Kam na taratara raoi b'a kam na aki kaangai i nanomi, Ae a kaan te kaitiua n ririki, ao ae e na aki okirai au m'ane. E na rangi n rawaawata ami bure ngkana kam karaoa anne, ao ngkana kam rangi n nanonrang naba n aki kan anganiia aika kainano buokaia. Bon am koraki, ao ngkana ko rawa ni buokiia, ao e aki ngkoa ao a butia naba te UEA, b'a E na baairei taekami b'a kam bure iai ke kam aki. Ao ane a na tua b'a kam bure.

Te Tua-Kaua 24:15

Kam na kabooia n te bongina, i bukina b'a a maiu ni kainano ao a tangira te m'ane i bukin maiuia. B'a ngkana kam aki kabooia n te tai ae riai, ao ane a na ngurengure nakon te UEA i bukimi, ao E na katuaaingkami te UEA.

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.