Te Otinako 22:22 - Te B'aib'ara

²² Kam na aki karaoa ae e aki raoiroi nakoia aine aika a mate buuia ke ataei aika akea aia karo.

Te Otinako 22:22 ပူးပေါင်းရင်းမြစ်များ

Iobi 31:16

I bon tuai man rawa ni buoka te aomata ae kananoanga, ao I aki naba kariaia aine aika akea buuia b'a a na kainano,

Iobi 34:28

A imanonoia aomata aika kainano b'a a na tang nakon te Atua, ao E ongo b'anaaia ni kan buokiia.

Taian Areru 10:14

Ko taratara; ao Ko noori kabuanib'ai ma kaangaanga nako ao Ko tauraoi ni buobuoki n taai nako. E mwioko iroum ane kananoanga; b'a Ko buobuoka ane akea tamana.

Taian Areru 34:7

A kakawakinaki akana karinea te UEA iroun ana anera, Ao e kamaiuia man taiani kaangaanga.

Taeka n Rabakau 22:23

Bon te UEA te tia tei i bukiia, ao te b'ai are kam karaoia nakoia, e na manga karaoia nakoimi.

Taeka n Rabakau 23:10

Tai kam'ainga te tia ke n anaa te aba ae aban te teei ae akea tamana ma tinana.

Taeka n Rabakau 23:11

E mena te Atua ae Moan te M'aaka ikanne ni kaawakiniia ao ni kaitarako.

Itaia 1:17

ao reireiningkami ni maiuakina te raoiroi. Kakoaua raoi b'a e na karaoaki te babaaire ae e eti. Teei i bukiia aine aika a tia ni mate buuia ao ataei aika akea aia karo ao buokiia aika a tangira buokaia.”

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 10:2

are kam na karaoa iai ae e aki raoiroi nakoia aomata aika a maiu ni kainano aika a tangira buokaia ao aine aika a tia ni mate buuia ao ataei aika akea aia karo.

Ieremia 7:6

Katoka karawaawataia iruwa, ma ataei aika a akea aia karo, ao aine aika akea buuia. Kam na aki tiringiia aika akea aia bure. Ao katoka taromauriaia anti tabem'aang.

Ieremia 7:7

Ao i mwiina, N na kakukureingkami ni maiu n te aba aei ae I anganiia ami bakatibu.

Etekiera 22:7

Bon akea maibuakomi ae e karinea ana karo, ao kam m'am'anaia iruwa, ataei aika akea tamaia, ao aine aika a mate buuia.

Tekaria 7:10

Kam na aki karaoa ae e aki raoiroi nakoia aine aika a mate buuia ke ataei aika a akea aia karo ke iruwa ke temanna ae e maiu ni kainano, ao katoka iangoan m'akuri n iowawa temanna nakon temanna.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 23:14

A na reke kaimi, taani koroboki ma B'aritaio, aika taani m'am'ana-te-aba! B'a kam kurib'ai aia auti aine, ao kam kaananau ami tataro b'a kam aonga n taraaki iai; ma ngaia ae kam na anganaki tuaami ae korakora riki.

Te Tua-Kaua 10:18

E teetei te UEA i bukiia ataei aika akea aia karo, ao aine aika a mate buuia. E kakawakiniia iruwa ma n anganganiia kanaia ao kunnikaia.

Te Tua-Kaua 15:9

Kam na taratara raoi b'a kam na aki kaangai i nanomi, Ae a kaan te kaitiua n ririki, ao ae e na aki okirai au m'ane. E na rangi n rawaawata ami bure ngkana kam karaoa anne, ao ngkana kam rangi n nanonrang naba n aki kan anganiia aika kainano buokaia. Bon am koraki, ao ngkana ko rawa ni buokiia, ao e aki ngkoa ao a butia naba te UEA, b'a E na baairei taekami b'a kam bure iai ke kam aki. Ao ane a na tua b'a kam bure.

Te Tua-Kaua 24:17

Kam na riai ni kakoauaa b'a kam bon kakaraoa ae raoiroi nakoia ataei aika akea aia karo, ao iruwa. Ngkana kam anga te m'ane nakon te aine ae mate buuna, man taua ana b'ai teuana b'a kakoauaan ana taarau are riai ni kab'ara, ao kam na aki ana teuana man ana kunnikai.

Te Tua-Kaua 24:18

Bon tooro ngkoa ngkami ngke kam mena i Aikubita ni karokoa E kamaiungkami te UEA ae Atuami. Ao bon aei bukina ngkai I anganingkami iai tuua aikai.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.