Te Otinako 22:21 - Te B'aib'ara

²¹ Kam na aki kabuakakaia Iruwa aika maeka i buakomi. Uringnga b'a bon iruwa ngkami i Aikubita.

Te Otinako 22:21 ပူးပေါင်းရင်းမြစ်များ

Iobi 6:27

Ane kam na karaoa te katekeraoi i aoia ataei aika akea aia karo i bukin anaakia b'a ami toro, ao kam na karekea kaub'aimi mairouia raoraomi ni koaua!

Taian Areru 146:9

E kakawakiniia iruwa akana maeka i abara; E buokiia aine akana a mate buia, ma ataei akana a mate tamaia; Ma E katekebuakaia akana buakaka.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 23:9

Kam na aki kateibuaka nakoia iruwa. Bon iruwa ngkami ngkoa i Aikubita, ao kam bon noora arona.

Itaia 1:17

ao reireiningkami ni maiuakina te raoiroi. Kakoaua raoi b'a e na karaoaki te babaaire ae e eti. Teei i bukiia aine aika a tia ni mate buuia ao ataei aika akea aia karo ao buokiia aika a tangira buokaia.”

Ieremia 22:3

A a tia n riki aomata aika akea aia bure b'a konan ami m'akuri n tiritiri, ao tabeman mai buakoia a tia n tiringaki. Ma I tuangkami ngkai b'a kam na karaoa ae e raoiroi ao ni kakoaua b'a e karaoaki te motiraoi. Kamaiuia aomata nako akana a karawaawataaki n te motibuaka.

Ieremia 7:6

Katoka karawaawataia iruwa, ma ataei aika a akea aia karo, ao aine aika akea buuia. Kam na aki tiringiia aika akea aia bure. Ao katoka taromauriaia anti tabem'aang.

Etekiera 22:7

Bon akea maibuakomi ae e karinea ana karo, ao kam m'am'anaia iruwa, ataei aika akea tamaia, ao aine aika a mate buuia.

Nakoaia Ibonga 19:13

Tai iraa ke tao ni kam'anea temanna, ao tai toki ni kab'akai booia ami taani m'akuri ni katoa tokin te bong.

Nakoaia Ibonga 19:33

Tai kaebuiia iruwa akana a maeka i abami.

Nakoaia Ibonga 19:34

Ma karaoa ae e raoiroi nakoia n ai aron ae ko karaoia nako ia kaain te aba, ao tangiriia n ai aron tangiram. Uringnga, bon te naa n iruwa ngkami ngkoa n te aba are Aikubita. Boni Ngai te UEA ae Atuami.

Nakoaia Ibonga 25:35

Ngkana iai i buakomi aika a kainano aika aki kona ni kamaiuia i bon i rouia, kam riai ni buokiia, n ai aron ae kam riai ni buokiia iruwa aika a maeka i buakomi.

Tekaria 7:10

Kam na aki karaoa ae e aki raoiroi nakoia aine aika a mate buuia ke ataei aika a akea aia karo ke iruwa ke temanna ae e maiu ni kainano, ao katoka iangoan m'akuri n iowawa temanna nakon temanna.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Te Tua-Kaua 1:16

Ao tabeman naba, a riki b'a taani moti. I angania taani moti tuua aikai: “Ngkana kam ongoraai taian tangitang, ao kam na karaoa raoi te babaaire ae eti. Kam na katitebooi aron ami babaaire nakoia aomata ni kabane aika Iteraera, ke iruwa akana a maeka i buakomi.

Te Tua-Kaua 10:18

E teetei te UEA i bukiia ataei aika akea aia karo, ao aine aika a mate buuia. E kakawakiniia iruwa ma n anganganiia kanaia ao kunnikaia.

Te Tua-Kaua 10:19

Ao kam bon riai naba ni kaawakiniia, b'a bon taiani iruwa naba ngkoa ngkami i Aikubita.

Te Tua-Kaua 15:15

I mwiokoingkami b'a kam na ongotaeka iroun te UEA b'a kauringakimi b'a bon tooro ngkoa ngkami i Aikubita i m'aain kainaomataakimi i rouna.

Te Tua-Kaua 23:16

Ma, kam na anganiia te inaomata n rinea te kaawa teuana man ami kaawa b'a e na maeka iai. Kam na aki karaoa te m'akuri n iowawa nakoia tooro aika birinako.

Te Tua-Kaua 23:7

Ma kam na aki ribaia kaain Etom b'a bon ami koraki, ao kam na aki ribaia naba kaain Aikubita b'a kam maeka ngkoa n iruwa i abaia.

Te Tua-Kaua 24:17

Kam na riai ni kakoauaa b'a kam bon kakaraoa ae raoiroi nakoia ataei aika akea aia karo, ao iruwa. Ngkana kam anga te m'ane nakon te aine ae mate buuna, man taua ana b'ai teuana b'a kakoauaan ana taarau are riai ni kab'ara, ao kam na aki ana teuana man ana kunnikai.