Te Otinako 21:6 - Te B'aib'ara

⁶ ao e na tei i rarikin mataroan ke bouan te mataroa n te tabo n taromauri, ao e na ewara taningana teuare e b'aib'ai i rouna n te biti ae kakang tabona. Te aro aei are e na riki iai b'a te toro ni kabane maiuna.

Te Otinako 21:6 ပူးပေါင်းရင်းမြစ်များ

1.Uea 12:7

Ao a taku, “Ngkana ko tangiriia b'a a m'akuri man ongotaeka iroum, ao ira nanon ane a butiiko n te bong aei. Tuangiia b'a ko na kabebetea aia m'akuri.”

Taian Areru 82:1

E tekateka te Atua b'a te tia babaire n te bootaki ni kauntira i karawa; E anga ana moti n aia bootaki taian atua.

Te Otinako 12:12

N na ri nanon te aba are Aikubita nakon te tairiki, n tiringiia karimoa mm'aane; natiia aomata ma maan, ao N na katuaaia antin Aikubita. Bon te UEA Ngai.

Te Otinako 21:22

Ngkana arona b'a e ikoaki te bikoukou i mwiin unna ma temanna. Ngkana arona b'a e ikoaki korakora, e na kabooa mwiin ana kaikoaki n aron are e tangiria buun te aine are e ikoaki ao ni kaineti naba ma are a tia n ri nanona taani moti.

Te Otinako 21:5

Ngkana arona b'a e rangi n tangira buuna ma natina te mm'aane n te aro are e aki konaa ni kiitaniia,

Te Otinako 21:7

E na bon aki konaa naba ni karekea te inaomata te nati ae e kaboaki nako iroun tamana n aron te mm'aane anne.

Te Otinako 22:28

Kam na aki taekina ae e buakaka nakon Iu ke nakon ami tia kairiiri.

Itaia 1:26

Ierutarem, N na rinea te tia motikitaeka ao te tia iango aika ai aron ake mai m'aaina. Arami ae e boou bon “Te Eti ma te Kakaonimaki.”

Nakoaia Ibonga 25:23

Akea te aba ae na kabooaki ni karekeaki raoi, ke ni kabooaki nako raoi. Abau ni kabane, tiaki abami, b'a kam ti maeka iai i nanon te tai ae e uarereke.

Nakoaia Ibonga 25:40

Kam riai ni karikiia b'a taani m'akuri, ma tiaki tooro. N Ririkin te Iubire ao a na kainaomataaki,

Teb'ania 3:3

A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.

Te Tua-Kaua 1:16

Ao tabeman naba, a riki b'a taani moti. I angania taani moti tuua aikai: “Ngkana kam ongoraai taian tangitang, ao kam na karaoa raoi te babaaire ae eti. Kam na katitebooi aron ami babaaire nakoia aomata ni kabane aika Iteraera, ke iruwa akana a maeka i buakomi.

Te Tua-Kaua 15:16

Ngkana e kaangai temanna ami toro, I tangiriko ma am utu, ao I maiu riki ngkana I tiku iroum. Ma ngaia are, I butiiko b'a ko na aki kanakoai.

Te Tua-Kaua 15:17

Kaira te toro anne kaaniia nakon mataroan am auti, ao karina te biti ae kakang i reben taningana ni kanimm'a nakon te mataroa. A na riki tooro akanne b'a am toro ni karokoa tokin maiuia, a aoria ngkana m'aane ke aine.

Te Tua-Kaua 16:18

Ngkana kam a tia n tekateka raoi n ami kaawa ake kam karekei mairoun te UEA ae Atuami, ao a na rinei aia taani moti ma aia aobitia kaawa n tatabeua nako. Ao ngkami akana kam riki b'a taani moti kam na riai ni babaire raoi ngkana kam kanakoa ami moti, e ngae ngkana te aomata ae kakannato. A na aki mara atomi iroun temanna n te aro are kam na anga te moti ae bure. Te kamaraato e karekea te matakii irouia aika wanawana man nooran te koaua ao e bitiia aomata aika raoiroi b'a taani kewe.

1.Tamuera 1:22

Ma e aki iri Nei Anna b'a e a tia n taetae nakon buuna ni kaangai, “E na aki roko Tamuera n Ana auti te Atua ni karokoa e matoa raoi, ao I a tib'a anga nakon te UEA, ao e kona n tiku i Tiro ni karokoa tokin maiuna.”

1.Tamuera 27:12

Ma e onimakina Tawita Akiti ao e taku i bon i nanona, “E rangi n ribaaki irouia oin ana aomata aika Iteraera ao e na bon m'akuri ibuku ni kabane maiuna.”

1.Tamuera 28:2

Ao e kaeka Tawita ni kaangai, “Eng, ti bon koaua. Bon am toro ngai ao ko na bon nooria ni matam te b'ai ae N na karaoia.” E taku Rakiti, “E tamaroa! N na karikiko b'a te tia tararuai ae e matoa.”