Bon I-Iutaia naba ngaira n ai aroia, ao bon ti te bo naba raoiroia ara ataei ma aia ataei. Ma ti bon kaakabooi nako ara ataei b'a taian toro, ao a tia n tauaki natira aine tabeman. Bon akea buokara; ao a tia naba n anaaki mairoura ara tawaana ma nnen arokara kureebe.”
Ko taratara; ao Ko noori kabuanib'ai ma kaangaanga nako ao Ko tauraoi ni buobuoki n taai nako. E mwioko iroum ane kananoanga; b'a Ko buobuoka ane akea tamana.
Ko na ongo tangiia ni kani buokaki akana kananoanga ma akana akea aia karo; ao Ko na nanoangaiia n am Babaaire nako, b'a e aonga n toki aia m'akuri taani bangaomata.
Ao ngkami tooka, kam na karaoi baikai naba nakoia, ao tai kakamakuia; ngkai kam ata aia Toka, are ami Toka naba, b'a E mena i karawa, ao akea ae E nanoniia irouia aomata.