Kam na m'akuri ni bong ake onobong n te wiiki, ao kam na motirawa ma ni katoki kuami n te kaitiua ni bong. E na aki ti b'ainaki te tua aei i roumi, ma irouia naba ami kaomm'aane, aati, ao ami toro, ai uana naba ma iruwa akana a maeka i buakomi.
Onobong ami bong ni karaoi ami m'akuri, ma Au b'ai te Taabati, ao e na riai n tiku b'a te bong ni motirawa. Kam na aki atongaki b'a Au aomata ngkana kam m'akuri n te Taabati, ao kam na kamateaki.
Onobong ami bong ni m'akuri. Ma kam na tabua te bong ae te kaitiua ni bong b'a au b'ai, Ngai ae te UEA, b'a te bong ni motirawa. A na tiringaki aomata akana a m'akuri n te Taabati.
E taku te UEA: E na riai ni kainiinaki mataroan te katawanang are i nanoaa, are mataroana are mai mainiku i nanon bongi ni m'akuri ake onobong n te wiiki koraki. Ma e na riai ni kaukaki n te Taabati ao n te Toa ae Moan Otin Nam'akaina.
Iai onoua ami bong ae kam kona ni karaoi ami m'akuri iai, ma e tabu te kaitiua ni bong ni katoa wiiki i bukina b'a bon au bong. E aki akaaka b'a kam mena ia, ma kam riai ni motirawa n te Taabati ao ni bootaki n taromauri iai. E na tai bitaki te tua aei.
Ao e un te tia taua taekani m'aneabaia I-Iutaia iroun Iesu ngke E kamaiu n te Taabati, ao e taku nakoia aomata, “Iai boong aika onoua ake a riai ni karaoaki m'akuri iai; rooko ni boong akanne b'a kam na kamaiuaki iai, ma tiaki n te bong ae te Taabati.”