Te Otinako 20:5 - Te B'aib'ara

⁵ Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Te Otinako 20:5 ပူးပေါင်းရင်းမြစ်များ

2.Tamuera 21:1

Bon tenua taian ririki aike akea iai kanaia te botannaomata ae Iteraera n ana tai n uea Tawita. Ma ngaia are, e buubutiia te UEA teuare Tawita buokaia, ao E kaeka te UEA ni kaangai, “E bure Tauro ma ana utu i bukin te tiriaomata, i bukina ngke e tiringiia kaain Kibeon.”

2.Tamuera 21:6

Anganiira itiman mairouia ana kariki. Ti na kabaei roroaia m'aane aikai i rarikin te tabo are E taromauriaki iai te UEA i Kibea, are ana kaawa Tauro, are e rineia te UEA b'a e na uea.” Ao e taku Tawita, “N na anganingkami.”

1.Uea 19:10

Ao e taku Eria, “Te UEA ae Moan te M'aaka, I aki toki ni kakabanea korakorau n ongongotaeka iroum. Ma a tia am Aomata n urui aia berita nakoim. A tia n urui am Baonikarea ao a tiringiia am Buraabeti, ao bon ti nikiraia ngai. Ao ngkai ae a boni kataia naba ni kan tiringai.”

1.Uea 21:29

“Ko noora raraoman Aaba n te b'ai ae e a tia ni karaoia? N na aki katuaiia ana utu ngkai e maiu. N na tataninga ni karokoa te tai are e uea iai natina te m'aane.

2.Uea 17:35

N te tai arei ngke E a tia te UEA ni karaoa ana Boraraoi ae e matoa ma ana Aomata ake Iteraera, ao E taku nakoia: Kam na aki taromauriia anti tabem'aang. Kam na aki bobaraaki nakoia ke n angakarea nakoia.

2.Uea 17:41

A taromauria te UEA, ma a bon taromauri naba oin aia bouananti. Bon ti te bo naba ma are a karaoia aia kariki.

2.Uea 23:26

Ma E bon teimatoa naba te UEA ni maraki nanona irouia kaain Iuta i bukin b'aai aika a bati ake e a tia Manate ni karaoi are E un iai.

2.Uea 5:18

I tataro b'a e na kab'arai au bure te UEA ngkana I nako n rin n ana tembora te anti are Rimmon ma ni bobaraaki nako ina ikekei ma uean Turia.

2.Uea 5:27

I bukin te b'ai ae ko a tia ni karaoia, ao e na manga ewekiko ngkai reeberan Naaman, ao a na ewekaki naba kanoam n aki toki.” Ao n te tai naba arei, ao e mainaina kunna n te reebera, ao e taonnako.

2.Rongorongo 25:14

I mwiin konaakiia kaain ana taanga ni buaka Etom iroun Amatia, ao e a okirikaaki nako Ierutarem. E uoti rikaaki bouanantin antiia kaain Etom ao e a manga katei. Ao i mwiina, e bobaraaki ao e anga ana karea nakoia.

2.Rongorongo 7:19

Ma ngkana ko aki ongotaeka ngkoe ke temanna mai rouia Iteraera ke ni manga waakina taromauriakiia anti ianena,

Iobi 21:19

Kam taku b'a E katuaaia ataei i bukin aia bure tamaia. Tiaki ngaia anne! Ke E bon katuaaia taani bure te Atua n oin aia bure; ke E bon kaotia b'a E karaoa aei i bukin aia bure.

Iobi 5:4

ao ni katikuia natiia n akea ae kani kamaiuia i nanon taian kabowi.

Taian Areru 109:14

E bia aki kona te UEA ni m'anuokin taekan aia bure ana bakatibu, ke temanna irouia ana utu

Taian Areru 78:58

A rangi ni kauna te Atua i bukin ae a nako ni bangota ao a taromauri bouananti ake iai.

Taian Areru 79:8

Ko na tai kareke kaira i bukin aia bure ara bakatibu. Ko na nanoangaira ngkai; a mamaara nanora.

Taian Areru 81:15

A na bobaraaki i matau ma te maaku te koraki akana ribaai; A na karawaawataaki n aki toki.

Te Otinako 23:24

Kam na aki taromauri antiia ke ni kakairi n aia katei. Ma, kam na kamaunai aia bouannanti ma ni kamaenikuni aia atiibu ake taian banna.

Te Otinako 34:14

I rangi ni kainanoa ami kakaonimaki ni kabane--kam riai n aki taromauri anti tabem'aang!

Taeka n Rabakau 8:36

Ma ngkana kam aki kuneai, ao kam bon kammarakiko i bon iroum, ao ngkana ko ribaai, ao kam tangira te mate.

Itaia 44:15

A kamanenaaki tabeua taiani kai i bukin ain te kabuebue ke te kuuka. E karaoaki m'akoron te kai teuana b'a te bouannanti, ao e boobaraaki te tia korobanna n te kai nako iai ao e taromauriia.

Itaia 44:19

Bon akea kanoan aia iango n ataa ae e kaangai, “I kauraa te ai ni iteran te kai ao I kuukana kanau te kariki ao te irikomaiu i aona. Ao I a manga karaoa te b'ai ae akea manenana ni m'akorona are teuana. Ao e aera ngkai I taromauria te m'akoro ni kai?”

Ieremia 2:9

N na kateingkami n te boowi ao ni bukiningkami ma ami kariki

Ieremia 32:18

Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.

Etekiera 18:19

Ko na mimi b'a e aera ngkai e aki katuaaeaki natina te m'aane i bukin ana bure tamana. I bukina b'a e karaoa ae e raoiroi ao e ongotaeka nakon au Tua nako.

Etekiera 18:2

Etekiera, I ongo b'anaaia aomata b'a a kamanenaa te taeka nikawai ae e kaangai, “Te kureebe ae e maai ae e kanaki irouia kaaro e katuka te maai i nanon wiia natiia.

Etekiera 20:7

I tuangiia b'a a na kaaki aia bouannanti aika a rangi n ribaaki ao a na aki manga bure n taromauriia antiia kaain Aikubita. I kauringiia b'a bon te UEA Ngai ae Atuaia,

Etekiera 39:25

Ngkai N nang kaota Au nanoanga nakoia Iteraera ma ni kaokiia mairouia ianena ake a maeka i buakoia. Bon kanoan Iakob'a ngaiia, ma ngaia ae, N na kakab'aiaia ma ni kaotia b'a I tabu.

Etekiera 8:3

E kaaenakoa te b'ai ae kaanga ai aron bain te aomata n taua irau. Ao i nanon miiu arei E a uotai rake Tamnein te UEA nako karawa ma ni uotai nako Ierutarem. E uotai te Tamnei nakon mataroan katawanangin te Tembora are i meaang ike e mena iai te bouannanti are e rangi n ribaia te UEA ao e rangi ni un iai.

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.

Taniera 3:18

E ngae ngke e aki naba kamaiura, ma ti na bon teimatoa naba n aki taromauria antim, ao ti na bon aki naba bobaraaki nakon te bouananti te koora are ko kateia.”

Nakoaia Ibonga 20:5

ma ngai I bon aki kariaia. Ngkana iai i buakomi ae e taromauria naba Moreka, ao N na bon ekinakoa ma ana utu ni kabane, ao N na bon aki kariaia b'a kam na riki b'a raoia au Aomata.

Nakoaia Ibonga 26:1

E taku te UEA, “Boni Ngai te UEA ae Atuami. Ma ngaia are, tai karaoa ke n taromauria te bouannanti teuana ke katotoongan b'aai tabeua.

Nakoaia Ibonga 26:29

Ao ni bon arona, ane kam na bon rangi ni kainano i bukin kanami n te aro ae kam na kaniia oin natimi.

Naum 1:2

E aki kariaia te UEA ae te Atua taiani buaka; E katuaaia aika a kakaitaraa. E kabooa mwin aia bure n unna.

Warekaia Iteraera 14:18

b'a Ko tangiria ni kaota te akoi ma te nanoanga. Ao Ko taku naba b'a Ko rangi n taotaonakinano, ma Ko bon katuaaia naba aika a tia n karaoa te m'akuri ae bure, tiaki ti ngaia ma Ko katuaaia naba natiia, ao natin natiia.

Warekaia Iteraera 14:33

A na tiotio nako natimi i nanon te rereua aei i nanon abwi te ririki, n rawawata i bukin ami bure n karokoa te tai are kam bane ni mate iai ngkami aikai.

Warekaia Iteraera 25:11

“N na bon tia ni kamaunaia Iteraera ngke tao arona b'a e aki kakaonimaki Bineati nako Iu.

Mataio 4:9

ao e taku nako Ina, “N na anganiko baikai ni kabane ngkana Ko katorobubua ni bobaraaki n taromauriai.”

Ioane 15:18

“Ngkana e ribaingkami te aba, ao kam na ataia b'a e a tia n ribaai i m'ain ae e ribaingkami.

Ioane 7:7

Akea bukin ae kam na ribaaki iai irouia aomata nako; ma iai bukin ribakiu i rouia, b'a I aki toki n tuangiia b'a a bubuaka aia m'akuri.

Ioane 9:2

A titirakinna ana reirei ao a taku, “Te Tia Reirei, antai ae bure ngkae e bungiaki ni matakii teuaei? Ngaia ke ana karo?”

I-Rom 1:30

taani bukibuki, taan ribaa te Atua, taan taetaebuaka, taani kainikatonga, taani kamoamoaia, taani kariki iango aika bubuaka, taan aki iri nanoia aia karo,

I-Rom 8:7

B'a nanon te rab'ata bon te riba te Atua, b'a e aki mena i aan ana tua te Atua, ao e bon aki kona;

1.I-Korinto 10:22

Ke ti tangira ae E na un te UEA? Ti korakora riki nako Ina?

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.

Te Tua-Kaua 32:41

N na karaoa te irantaanga nakoia kairiribai aika ribaaki. N na kakangiia au kabaang ao e na raaiti kaanga te iti.

Te Tua-Kaua 4:24

E na un te UEA ngkana kam taromauri atua tabeman, ao E kona n riki b'a te ai n tiring b'aai ni kabane ake i m'aain kawaina.

Te Tua-Kaua 5:10

Ma ngkana kam tangirai ma n ongotaeka nakon Au tua, ao N na akoia ami utu ni karokoa tengaa te roro.

Te Tua-Kaua 5:9

Kam na aki bobaraaki n taromauriia taiani bouananti. Bon te Atua ngai ae Atuami, ao I tangiria b'a kam na kabanea nanomi nako Iu. Ngkana kam aki kubarai ma n taromauriia taiani bouananti, ao N na katuaaia kanoami ni karokoa te katenroro ma te kaaroro.

Te Tua-Kaua 6:15

Ngkana kam taromauriia atua tabeman, ao E na rangi n un te UEA iroumi, ao E na kamaunaingkami mai aon te aonnaba. E mena iroumi te UEA ae Atuami,

Te Tua-Kaua 7:10

Ma ngkana kam a manga kaitaraa te UEA, ao E na bon waekoa n tiringingkami.

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.

Iotua 23:16

E na bon orei ngkami te UEA ao kam na waekoa ni mauna nako n akea nikirami n tiku n te aba ae raoiroi aei, ae E a tia n anganingkami, ngkana kam aki kaawakina ami raoiroi ma te UEA ae Atuami, ao ngkana kam taromauriia naba anti tabem'aang.”

Iotua 23:7

ao kam na aki rangi n reitaki ma koraki akanne, ao kam na aki naba m'anewei araia antiia, ke n te tuea n araia, ke n taromauriia, ke ni boobaraaki nakoia.

Iotua 24:19

E taku Iotua nakoia, “Tiaki te b'ai ae beebete te kakaonimaki nakon te UEA, b'a bon te Atua ae tabu ae tangira te kakaonimaki. E aki manga kab'araa ana bure ane e aki kakaonimaki nakoina.

Tani Motiki-taeka 2:19

Ma rimwi riki, a na rikirake ni bure Iteraera nakoia aia bakatibu. A tangingabono Iteraera, a aki katoka aroia n tataromauria atua riki tabeman ke n ongo aia reirei aaro tabeua.