Te Otinako 20:26 - Te B'aib'ara

²⁶ Kam na aki karaoa te baonikarea are iai kaintam'arakena nako iai; b'a ngkana kam karaoa anne, ao ai aron ae kam bon katereterei raoi ngkami iai.

Te Otinako 20:26 ပူးပေါင်းရင်းမြစ်များ

Taian Areru 89:7

E korakora makakim irouia kaain te kauntira i karawa; Ko kakamaaku nakoia ake a mena i rarikim.

Te Otinako 28:42

Karaoa aia kawaerake man te riinen ae kororo b'a man koreaia nakon toan rangaia, b'a a aonga n raba rab'ataia.

Te Otinako 28:43

A na riai ni karin aia kawaerake kororo aikai, ngkana a rin n te Um'antabunrianna ke ni m'akuri n te baonikarea ngkana a rin n te Tabo are e Tabu, b'a a kaawa n reke n te bure ao a mate. E na b'ainaki naba te tua aei nakoia aia kariki nako akana a m'akuri b'a ibonga ngaiia.

Te Minita 5:1

Taratara raoi n te b'ai ae ko karaoia ngkana ko rin n ana Tembora te Atua. Iai tabeman aomata aika a nanobaba aika a nako ikekei n angakarea, e ngae ngkana bon akea aia bure. Ma e raoiroi riki ngkana ko ti kakauongo ngkana ko nako n taromauri.

Etekiera 43:17

E bon b'aoki naba m'akorona are mai nuuka, 7 te miita n iterana n tatabeua nako, ma mataniwiina mai tinaniku ae 25 te mirimiita rietana. (Kainikawawaana bon 50 te miirimiita rababana.) E mena kaintam'araken te baonikarea man iterana are mainiku.

Nakoaia Ibonga 10:3

Ao e taku Moote nakon Aaron, “Aio te b'ai are e nanonna te UEA ngke E kaangai, “A na bane ni karinea tabuu akana a m'akuri i Rou; N na kaota mimitongiu nako ia au aomata; ma e aki kakarongoa Aaron.

1.Betero 1:16

B'a e koreaki ae kaangai, “Kam na itiaki b'a I itiaki Ngai.”