Te Otinako 20:23 - Te B'aib'ara

²³ Kam na aki karaoa atuami man te tirewa, ke te koora, b'a kam na manga taromauriia i rarikiu.

Te Otinako 20:23 ပူးပေါင်းရင်းမြစ်များ

2.Uea 17:41

A taromauria te UEA, ma a bon taromauri naba oin aia bouananti. Bon ti te bo naba ma are a karaoia aia kariki.

Te Otinako 32:31

Ao e okirikaaki Moote nakon te UEA ao e taku, “A tia aomata ni karaoa te bure ae rangi ni kakamaaku. A tia ni karaoa te koora b'a te bouannanti are e na riki b'a antiia.

Te Otinako 34:17

Kam na aki karaoi bannan antiia man taian biti.

Etekiera 20:39

Waaki nako n taromauria ami bouannanti n te tai aei, ngkoe ae Iteraera, b'a N nang karaoiko b'a ko na aki karineai n te tai ae e aki maan b'a ko nang anga b'aintangira nakoia.

Etekiera 43:8

A katei aia bareti uean Iteraera ni katenaia ma au Tembora ae e tabu n te aro are ti te bo marenaia ma Ngai. Ao i mwiina, a kamatauningaai n aia m'akuri aika a buakaka, ao I kamaunaia ni korakoran uniu.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Taniera 5:4

ao a neboa te anti are e karaoaki man te koora, ma te tirewa, ma te buraonti, ma te biti, ma te kai, ao te atiibu.

Nakoaia Ibonga 19:4

ao tai karaoi bouannanti ke katotoongan te b'ai teuana. Bon te UEA Ngai ae Atuami.

Teb'ania 1:5

N na kamaunaia ake a tam'arakei taubukin aia auti man taromauriia taai, nam'akaina, ao taian itoi. N na kamaunaia naba ake a taromauriai man berita b'a ana kakaonimaki nako iu, ao a manga rairaki nakon te anti are Marekam.

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.

Tani Motiki-taeka 17:3

Ao e kaoki taian tirewa Mika nakon tinana, ao e taku tinana, N na anga taian tirewa aikai nakon te UEA b'a e aonga ni kamanena natiu ni karaoa te bouananti mai iai. Ao e rairaki neierei nakon natina ao e taku, Mika, anai tirewa aikai b'a am b'ai. Ma e a manga kaokia Mika nakon tinana. Ao neierei, e anai 200 m'akoro n tirewa ao e angan te tia m'akuri n te tirewa, are e a manga karaoi b'a te bouananti. Ao a kaawakina te bouananti n ana auti Mika.