Te Otinako 20:20 - Te B'aib'ara

²⁰ Ao e taku Moote, “Kam na aki maaku, E bon ti roko te Atua ni kan kataingkami ma ni karaoingkami b'a kam na teimatoa n ongotaeka i Rouna, b'a kam aonga n aki bure.”

Te Otinako 20:20 ပူးပေါင်းရင်းမြစ်များ

Karikani B'aai 20:11

Ao e kaeka Aberaam, “I taku ngai b'a akea ae karinea te Atua ikai, ao I maaku iai b'a kam rawa n tiringai, ao kam anaa buu.

Karikani B'aai 22:1

Ao i mwiin te tai ae aki maan, ao E a kataa Aberaam te Atua; ao E weteia ni kaangai, “Aberaam!” Ao e kaeka Aberaam, “Aio ngai!”

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Neemia 5:15

Taian kowana ni kabane ake i m'aaiu a bon karawaawataia aomata ni karaoia aomata b'a a na kabooi kanaia ma nimaia ao a tangira abwi te m'ane te tirewa ni katoa bong. Ao bon taian mataniwi naba aika a karawaawataia aomata. Ma I karinea te Atua, ao I taku b'a e aki riai te karawaawataia aomata.

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 16:6

Ngkana ti tangira te Atua ma nanora ni koaua ao a na kab'araaki ara bure; ngkana ti kaota karineana, ao ti na kararoaira man te bure.

Taeka n Rabakau 3:7

Ko na tai iangoia n taai nako b'a ko rangi ni wanawana, ma ko na karinea te UEA ao kararoako man taian buakaka.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:13

Bon Ngai te UEA ae te Atua. I tautaua baim, ma ngaia are, ko na aki maaku. I roko ikai b'a N na buokiko.

Itaia 8:13

Bon ti Ngai ae ko riai ni maakua mani karinea. Bon te Atua ae e tabu Ngai, te Atua ae Moan te M'aaka!

Te Tua-Kaua 10:12

Kaain Iteraera, tera te b'ai ae tangiria te UEA mairoumi? E tangiria te UEA b'a kam na karinea ma n iria, ao n tangiria ma ni m'akuri i bukina ma nanomi ao tamneimi ni kabane,

Te Tua-Kaua 13:3

Kam na aki ongo iroun te burabeti ngkana e taekini taeka aikai. B'a E na taratara te UEA ae Atuami n nooringkami b'a kam tangiria ma nanomi ao tamneimi ni kabane ke kam aki.

Te Tua-Kaua 4:10

Kam uringa te tai are kam tei iai i matan te UEA n te Maunga are Tinai? Ao E taku te UEA, Kairiia mai Iteraera nako ikai. I tangiria n taetae nakoia b'a a aonga n ongotaeka nako Iu i nanon aia tai ni maiu, ao a na manga reireiniia aia ataei b'a a na ongotaeka naba i Rou.

Te Tua-Kaua 6:2

Ao ngkana kam tangiria ni kaananau maiumi ma kanoami, ao kam na taromauria te UEA ma n ongotaeka n ana Tua.

Te Tua-Kaua 6:24

Ao bon anne bukina are E tangiria iai b'a ti na ongotaeka nakon ana Tua ma n taromauriia ma te maaku ao te ruru.

Te Tua-Kaua 8:16

Ao E anganingkami naba te maana, te aekaki n am'arake ae a tuai ma ongongo taekana ami bakatibu. E kataingkami te UEA b'a kam aonga n onimakinna, b'a E aonga ni karaoa ae raoiroi nakoimi rimwi.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

Iotua 24:14

E a manga taku riki Iotua, “Ma ngaia ae ngkai, kam na karinea te UEA, tooro i rouna ma te koaua ao te kakaonimaki. Tai manga taromauriia anti n aroia ami bakatibu ngkoa i Metobotamia ao i Aikubita. Ma kam na taromauriia te UEA n ti ngaia.

1.Tamuera 12:20

Ao e taku Tamuera: E ngae ngke kam a tia ni karaoa te bure ma kam na aki maaku. Ma kam na ti iriira nanon te UEA n taai nako ao kam na taromauriia ma nanomi ni kabane.