Te Otinako 20:13 - Te B'aib'ara

¹³ “Ko na aki tiriaomata.

Te Otinako 20:13 ပူးပေါင်းရင်းမြစ်များ

2.Uea 21:16

E bure Manate ngkai e karekeia kaain Iuta n te bure ao te aki ongotaeka nakon te UEA. E rawa naba ni kamaiuia aomata aika akea aia bure. A m'aiti aika bon akea aia bure ake e kariaia naba tiringakiia, ao e a on kawain nanon Ierutarem raraaia.

2.Rongorongo 24:22

Ao ngke e nang mate Tekaria ao e taku, “Bon au tataro b'a E noori baikai te UEA ao E na bon katuaaingkami ni kabane.”

Te Otinako 21:12

Tuaan te tiriaomata bon te manga tiringaki.

Te Otinako 21:14

Ao ngkana arona b'a kam a kaman iaiangoa tiringan te aomata temanna, ao bon akea maiumi, kam aki maiu naba ngkana arona b'a kam nimta te baonikarea. Kam na katikitikaki nako ma n tiringaki.

Te Otinako 21:20

Tuaan te aomata ae e oroia ana toro ni karokoa mateia bon te tiringaki.

Te Otinako 21:29

Ngkana arona b'a e aki toki ana man te kao temanna n unun nakoia aomata, ao e rawa te aomata are ana man ni karinna n te o. Ngkana arona b'a iai konan te kao anne ae e tiringnga, ao a na kaai ni karebanaaki n te atiibu te kao ma te aomata are ana man ni karokoa mateia.

Te Otinako 23:7

Kam na aki anga te tuua ae e kairua nakoia aomata nako ke n anga motikan te aomata ae akea ana bure b'a e na tiringaki. N na bon aki kab'araa ami bure ngkana kam karaoa aei.

Taeka n Rabakau 1:11

ngkana a kaangai, “Nakomai! Ti a katea ara kaeng ao ti a tiringiia aomata b'a ti na ngare iai!

Taeka n Rabakau 1:18

A ikoikotaki n tiringa te aomata ma bon taani m'ane rimoa ngaiia.

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

Ieremia 26:15

Ma ngkana kam kamateai, ao a na bane n reke kaain Ierutarem n te bure n tiringa te aomata ae akea ana bure, i bukina b'a bon mai roun te UEA b'aai ni kabane aika I taekin.

Nakoaia Ibonga 24:17

Te mate bon tuaan te tia tiriaomata,

Nakoaia Ibonga 24:21

E kona ni kabooaki n te m'ane booni mwiin ana man te tia maniman ae e mate ana man, ma te mate bon tuaan te tia tiritiri.

Mataio 19:18

E taku nakon Iesu, “Aika tuua ra?” Ao E taku Iesu, “Ko na tai kamateia aomata, Ko na tai wene ni bure, Ko na tai ira, Ko na tai anga am kaotioti ae kairua b'a taekan temanna,

Mareko 10:19

Ko atai taian tua: ‘Ko na aki kamateia aomata; Ko na aki wene ni bure; Ko na aki kimoa; Ko na aki anga am kaotioti ae kairua b'a taekan temanna; Ko na aki babakanikawai; Ko na karinea tamam ma tinam.’ ”

Ruka 18:20

Ko atai taian tua ake a kangai, ‘Ko na kakaonimaki n tuan te mare, Ko na aki kamateia aomata, Ko na aki kimoa, Ko na aki anga am kaotioti ae kaairua b'a taekan temanna, Ko na karinea tamam ma tinam.’ ”

M'akuri 16:28

Ma e kanenea b'anaana B'auro n taetae nakoina ni kaangai, “Tai karaoa ae buakaka nako im, b'a ti bane ni mena ikai!”

M'akuri 28:4

Ngke a nora te naeta n tinetine ni baini B'auro, ao a i taetae irouia kaain te tabo arei, ni kaangai, “Bon te koaua b'a te tia tiritiri te aomata aei: b'a e ngae ngke e reke maiuna mai tari, ma e aki kariaia antin te kaetitaeka b'a e na maiu.”

I-Rom 13:9

B'a aikai tuua, “Ko na tai wene ni bure; Ko na tai kamateia aomata; Ko na tai ira; Ko na tai mataai” ao ngkana tao iai riki, ao a bane i nanon te tua ae kaangai, “Ko na tangira raom n ai aron tangiram i bon i roum.”

I-Karatia 5:21

taiani bakantang, te momooi manging, taiani bobotaki ni kukurei ni kammaira, ma baika ai aroni baikai; ao I a manga tuangngkami ngkai, n ai arou naba ngke I tuangngkami ngkoa, b'a a aki kona ni karekea uean te Atua akana karaoi baikai.

Te Tua-Kaua 5:17

Kam na aki tiriaomata.

1.Timoteo 1:9

ngkae e ata te Tua b'a e aki karaoaki i bukin te aomata ae e raoiroi, ma e karaoaki i bukiia aomata aika akiako ma aika aki ongeaba, ao i bukiia aika aki itiaki ma aika eekaanako nanon te Atua ma taani bure, ao i bukiia aika akea karinean te Atua i rouia ma taani kam'araei ana b'ai te Atua, ao i bukiia taan tiringiia tamaia ma taan tiringiia tinaia, ma taan tiringiia aomata,

Iakobo 2:11

B'a Teuare kaangai, “Ko na tai wene ni bure,” ao boni Ngaia naba ae kaangai, “Ko na tai kamateia aomata.” Ngkana ko aki wene ni bure, ma ko kamatea te aomata, ao ko riki iai b'a te tia ri aon te Tua.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.