Te Otinako 20:11 - Te B'aib'ara

¹¹ I karaoa aonnaba, karawa, taari, ao b'aai ni kabane ake i nanoia Ngai ae te UEA i nanon onobong. Ao bon anne bukina Ngai ae te UEA are I karaoa te Taabati ma n tabuia.

Te Otinako 20:11 ပူးပေါင်းရင်းမြစ်များ

Karikani B'aai 1:28

ao E kakab'aiaia, ao E taku, “Karikiia natimi aika m'aiti, b'a a aonga ni kaona te aonnaba kanoami ma n taua taekan te aonnaba. I anganingkami te tautaeka i aoia ika, mannikiba, ma maan ni kabane aika aki manana.”

Karikani B'aai 1:31

Ao E noori b'aai ni kabane te Atua ake E a tia ni kariki, b'a a raoiroi. E tairiki, ao e ngaina ao bon te kaonoua ni bong.

Te Otinako 31:17

E riki te bong aei n taai nako b'a te tia kauring, nako Iu ao nako ia naba Iteraera, b'a I karaoi taiani karawa ma aonnaba i nanon onobong, ao I motirawa ma ni katoka kuau n te kaitiua ni bong.

Te Otinako 8:22

N na kamaiuia kaain te aono are Koten, ike a maeka iai au aomata, b'a e na akea te nango iai. N na karaoa aei b'a ko aonga n ataia b'a I bon mena naba n te aba aei Ngai ae te UEA.

Te Otinako 9:29

E taku Moote nako ina, “N na tabeka baiu ma n tataro nakon te UEA bon n te tai naba are ti otinako man te kaawa aei iai. E na toki te baa ao e na akea riki te karau te aiti, b'a ko aonga n ataia b'a bon ana b'ai te UEA te aonnaba.

Itaia 42:10

Tuanga te aonnaba ni kabane b'a e na anenea te anene ae e boou nakon te UEA! Tuangiia akana a ieie i marawa ao akana a maeka n taabo aika a raroa b'a a na ira te nebonebo.

Itaia 48:13

I karika te aonnaba n oin baiu ao n taakina nako karawa. A ongotaeka n taeka ni kabane.

M'akuri 14:15

ni kaangai, “Mm'aane, Kam aera ngkai kam karaoi baikai? Bon aomata naba ngaira aika ai aromi! Ao ti tuangngkami te rongorongo ae e raoiroi, b'a kam na rairaki mani baika akea bonganaia nakon te Atua are maiu, are karaoa karawa ma aonnaba, ma marawa, ma b'aai ni kabane ake a mena i nanoia.

M'akuri 20:7

Ngke ti botaki n am'arake n i raorao ni moani bongin te wiiki are te moa ni bong, ao e anga ana taeka n reirei B'auro i bukina ngke e nangi nako n te ingabong; ao e waaki n taetae ni karokoa e nukanibong.

M'akuri 4:24

Ao ngke a ongo, ao a kabo b'anaaia n tataro nakon te Atua, ao a kaangai, Te UEA, boni Ngkoe are Ko karika karawa, ma aonnaba, ma marawa, ma b'ai ni kabane ake a mena i nanoia;

Te Tua-Kaua 5:15

E na kauringngkami te bong ni motirawa aei arou ngke I kanakoa baiu ae m'aaka ni kamaiungkami man te toronaki i Aikubita.

Ebera 4:4

B'a E taekina te kaitibong n te tabo teuana ni kangai: “E motirawa te Atua n te kaitibong man ana m'akuri ni kabane.”

Te Kaotioti 10:6

ao e taetae n tuea n aran Teuare maiu n aki totoki, are karaoa karawa ma baike i nanona, ao te aba ma baike i aona, ao marawa ma baike i nanona, ao e taku b'a akea kamaanan riki te tai.