Te Otinako 20:10 - Te B'aib'ara

¹⁰ ma te kaitiua ni bong, bon te bong ni motirawa ae katabuaki b'a au b'ai. Bon akea temanna ae na m'akuri n te bong anne. Kam na aki m'akuri iai ngkami ma ami ataei, ami toro, ami man ke ami iruwa akana maeka i abami.

Te Otinako 20:10 ပူးပေါင်းရင်းမြစ်များ

Neemia 10:31

Ti aki kaboob'ai n te Taabati ke ni kabooa naba te uita n te Taabati ke ni boong riki tabeua aika a tabu, ao ti aki kariaia naba taian ianena b'a a na boob'ai ni boong akanne. Ti kakamotirawai ara tawaana ni katoa itiua te ririki, ao ti kamaunai taian taarau ni kabane.

Te Otinako 16:26

Kam na rikorikoi kanami i bukin onobong te bong, ma bon akea n te kaitiua ni bong are te bong ni motirawa.”

Te Otinako 31:13

Bon au b'ai te Taabati. I tuangkami ngkai ma ami kariki nako b'a kam na ongotaeka n taai nako nakon tuan nako te Taabati. I bukin karaoan aei i Rou, b'a kam aonga n ataia b'a I a tia n rineingkami b'a au aomata ni koaua.

Te Otinako 34:21

Kam na karaoa ami m'akuri i nanon onobong ao kam na motirawa n te kaitiua ni bong, e aoria naba ngkana e b'akara nanon bongin te ununiki ma te tai.

Te Otinako 35:2

Onobong ami bong ni m'akuri. Ma kam na tabua te bong ae te kaitiua ni bong b'a au b'ai, Ngai ae te UEA, b'a te bong ni motirawa. A na tiringaki aomata akana a m'akuri n te Taabati.

Etekiera 14:7

Ngkana tao temanna mairoumi Iteraera ke te ianena ae e maeka i Iteraera ae e rawa irou ma ni manga moana taromaurian taiani bouannanti. Ao i mwiina, ko a manga nako ni kawara te burabeti b'a ko na ongora n au taeka, ao Ngai N na kaekako

Nakoaia Ibonga 23:3

Iai onoua ami bong ae kam kona ni karaoi ami m'akuri iai, ma e tabu te kaitiua ni bong ni katoa wiiki i bukina b'a bon au bong. E aki akaaka b'a kam mena ia, ma kam riai ni motirawa n te Taabati ao ni bootaki n taromauri iai. E na tai bitaki te tua aei.

Ruka 23:56

A oki ngkanne, ao a karaoi baika boiarara ma kabira. A motirawa n te Taabati n ai aron taekana n te tua.