Te Otinako 2:3 - Te B'aib'ara

³ Ao ngke e a aki konaa ni karabaa, e a karaoa te b'aene man te uteute ao e kabiria n te taa. Ao e kaaki te ataei i nanon te b'aene arei ao e kaaki i buakon taian uteute aika a ab'ab'aki i mataniwiin te Karaanga are te Naire.

Te Otinako 2:3 ပူးပေါင်းရင်းမြစ်များ

Karikani B'aai 11:3

A kabooi nanoia ao a taku, “Bane mai b'a ti na karaoi buriki aika matoatoa. Ma ngaia are, a reke aia buriki are a na kateitei iai, ao te taa are a na kanimwi iai.”

Karikani B'aai 14:10

Ao e onrake te m'arua arei n taian nib'anib'a n taa, ma ngaia are, ngke a kataia ni birinako uean Tootom ma Komora man te bo ni buaka, ao a b'aka i nanon taian nib'anib'a akekei; ao uea ake teniman, a reke birinakoia nakoni maunga.

Karikani B'aai 6:14

Ko na karaoa am kaibuke man te kai ae e raoiroi; karaoi taian ru i nanona, ao kabira nanona ma tinanikuna n te taa.

Te Otinako 1:22

Ao n tokina ao e kanakoa ana katanoata te uea nakoia ana aomata ni kaangai, “Anaia naati mm'aane ni kabane aika a tib'a bungiaki, aika Ebera, ao karenakoia nako nanon te Naire, ma kam na kamaiuia aine.”

Itaia 18:2

E kanakoia ana taan uarongorongo Aikubita ni waerake n te Karaanga are te Naire i aon taiani kaibuke aika a karaoaki n taiani uteute. Ni kawaekoaia nako Itiobia, are a ab'ab'aki kaaina ao a maratirati kuniia. E korokoreaki abaia n taiani karaanga; a korakora ao a iowawa, ma ni maakaki ni kabutaa te aonnaba.

Itaia 19:6

Ane a na m'aung karaangana ake a uarereke, E na akea te ran i Aikubita, ao ane a na rai taiani maunei ma tain uteute ake a ab'ab'aki.

Itaia 35:7

Ane e na manga onikaki te tano ae e a b'atata nakon te neinei n ran, e na taorake te tano ae e m'autakataka n taiani koburake n ran. A na rikirake uteute n te tano ae m'aim'ai, ike a karaoa iai mwengaia nanai ni kamea aika a aki manana.

Mataio 2:13

Ao i mwina ngke a tia n nako, ao noria, e kaoti ana anera te Atua nakon Ioteb'a n te mii, ao e taku, “Tei rake ao kaira te merimeri ma tinana ni biri nako Aikubita, ao mena iai ni karokoa tuangam i Rou; b'a ane e na ukoukora te merimeri Erote b'a e na kamatea.”

Mataio 2:16

Ngke e ataia Erote b'a e a tia ni m'am'anaaki irouia taan rabakau, ao e rangi n un. E kanakoa ana taeka b'a a na bane n tiringaki ataei aika mm'aane i Betereem ma kaawa ake i rarikina ake kaka uoua aia ririki i bukina ngke e a tia n ataia mairouia taan rabakau b'a e a tia ni koro uoua te ririki man te tai are a moa n nora iai te itoi.

M'akuri 7:19

E burebureia ara koraki, ao e b'ainikiriniia ara bakatibu ni kairiia ma te matoa b'a a na kaakiia aia merimeri mani mwengaia, b'a a aonga ni mate.