Te Otinako 2:25 - Te B'aib'ara

²⁵ ao i bukina naba ngke E ataa te b'ai ae e riki nako ia Ana aomata, ao E nanoangaiia.

Te Otinako 2:25 ပူးပေါင်းရင်းမြစ်များ

2.Tamuera 16:12

Ma I taku b'a ngkana e ongo te UEA taeka ni kamaraia aikai ma n noora te kangaanga ae I a mena i nanona, ao I taku b'a E na bon nanoangaai ao N na aki maraia.

Iobi 33:27

Ane a na taetae i mataia aomata ni kaangai, “I a tia ni bure, I a tia ni karaoa te b'ai ae aki raoiroi, ma e aki katuaaeai te Atua ngke I bon riai ni katuaeaki.

Taian Areru 1:6

A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.

Taian Areru 10:14

Ko taratara; ao Ko noori kabuanib'ai ma kaangaanga nako ao Ko tauraoi ni buobuoki n taai nako. E mwioko iroum ane kananoanga; b'a Ko buobuoka ane akea tamana.

Taian Areru 31:8

Ko aki anga ngai nako nanoni baiia taan ribaai; Ko a tia ni kainaomataai b'a N na nako ike I kan nako iai.

Taian Areru 55:22

Ko na kaaki rawawatam i aon te UEA, ao E na buokiko; E na buokiia akana raoiroi b'a a na teimatoa.

Te Otinako 1:8

Ao akea b'a e a uea i aon Aikubita te aomata ae aki ataa Ioteb'a

Te Otinako 18:8

Ao e a karakini b'aai ni kabane Moote nakon Ietero ake E karaoi te UEA nakon uean Aikubita, ao kaain Aikubita i bukin kamaiuaia Iteraera. E boni kaongoraea naba taiani kangaanga ake a kaaitibo ma ngaai aomata i aoni kawaia, ma aron te UEA ni kamaiuia.

Te Otinako 3:9

A tia ni buubuti Au buobuoki Au aomata, ao I a tia n noora te m'akuri ni iowawa mairouia kaain Aikubita nako ia.

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Mataio 7:23

Ao Ngai N na kangai nako ia, Bon te akea reitakiu ma ngkami; naako mai Rou, ngkami aika kam tuai mani karaoa nanon te Atua.

Ruka 1:25

“E karaoa ae aron aei te Uea nako iu ni boong ake E nanoangaai iai, b'a E na kaki mai rou te b'ai ae I mamaa iai irouia aomata!”

M'akuri 7:34

I noori raoi aroni b'ainikirinaia au botannaomata ake a mena i Aikubita, ao I ongo ngirangiraia, ao I a ruo b'a N na kamaiuia. Ao ngkai, nako mai, b'a N na kanakoko nako Aikubita.”

Te Tua-Kaua 26:7

Ti tang ni kakaea buokara nakoim, te UEA ae Atuaia ara bakatibu. Ko ongo tangira; ao Ko ataia ae ti a reke n te kangaanga ma te b'ainikiriinaki.

1.Tamuera 1:11

“Te UEA ae Moan te M'aaka, bon am toro ngai, ae I bon rangi n rawawata! Taiaoka karekea natiu te m'aane. I berita b'a N na anganiko b'a Am b'ai n aron ab'ab'akin maiuna, ao e na aki kokoreaki iran atuuna.”