Te Otinako 2:23 - Te B'aib'ara

²³ A bon teimatoa naba Iteraera ni ngurengure i mwiin maten uean Aikubita i bukina ngke a kairoroaki b'a a na riki b'a tooro. Ao a tang ni buubuti buokaia,

Te Otinako 2:23 ပူးပေါင်းရင်းမြစ်များ

Karikani B'aai 16:11

E na riki natim te mm'aane, ao ko na aranna b'a Itimaera, b'a e a tia n ongo tangim te UEA.

Karikani B'aai 4:10

Ao E a manga taku te UEA, “E aera ngkai ko karaoa te m'akuri ae rangi ni buakaka aei? E tang raraan tarim mai buakon te tano, b'a kaanga ai aron te b'anaa ae e tangira irantangaakina.

Neemia 9:9

Ngke a mena ngkoa ara bakatibu i Aikubita, ao Ko noora rawawataia; Ao ngke a nakon Taari are Uraura, Ko ongo tangiia i bukin buokaia.

Iobi 35:9

Ngkana a karawawataaki aomata, a ngirangira; ao a tangira temanna b'a e na buokiia.

Taian Areru 102:1

Te UEA, ongo au tataro, ao ongora ni b'anaan au bubuti!

Taian Areru 102:2

Tai karabako mairou n te tai ae I reke iai n te kaangaanga. Katanimaia taningam nako iu, ao bareiko n ongo irou ngkana I weteiko iai.

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 18:6

Ngke e kai nanou, ao I wetea te UEA, ae Atuau b'a E na buokai. E ongo b'anaau man ana tembora, ao E ongora n tangu.

Te Otinako 1:14

A kam'akuria n aia waaki ni kateitei, ao n ribanai abaia, ao bon akea aia nanoanga teutana nako ia.

Te Otinako 4:19

Ma i m'aain aei, E a tia n tuangaki Moote iroun te UEA ni kaangai, “Ko na kiitana abaia kaain Miria ao okira Aikubita. A bane n tia ni mate aomata nako ake a tangiria n tiringko.”

Te Otinako 6:5

I a tia ngkai n noora aron rawawataia Iteraera irouia kaain Aikubita, ao N na karaoa nanon Au berita.

Te Otinako 6:9

Ao ngke e tuangiia Iteraera taekan te baei i bukiia, ao a rangi ni b'ara nanoia iai ao a rawa ni kakoaua.

Te Otinako 7:7

ao a taetae nakon te uea. N te tai anne, ai wanibwi ana ririki ni maiu Moote ao Aaron wanibwi ma tenua.

Itaia 19:20

Aio are e na kauringiia kaain Aikubita ae e meemena irouia te UEA ae Moan te M'aaka. Ao a na buubutiia buokaia ngkana a reke n te kaangaanga, ao e na kanakoa temanna b'a e na kamaiuia mairouia aia kairiribai.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Warekaia Iteraera 20:16

Ao ngke ti bubutiia te UEA buokara, ao E kaeka ara tataro, ao E kaotinakoira man te aba arei. Ngkai ae ti katei auti n rianna n tian abam i rarikin te kaawa are Kateti.

M'akuri 7:30

Ao ngke a koro angaun te ririki, ao e kaoti te anera nakoni Mote n uran te ai n te kai n te rereua are i rarikin te maunga are Tinai.

Te Tua-Kaua 24:15

Kam na kabooia n te bongina, i bukina b'a a maiu ni kainano ao a tangira te m'ane i bukin maiuia. B'a ngkana kam aki kabooia n te tai ae riai, ao ane a na ngurengure nakon te UEA i bukimi, ao E na katuaaingkami te UEA.

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.

Tani Motiki-taeka 4:3

Bon iai ana kaanibuaka Iabin aika taian biti aika m'aitiia 900, ao e karawawataai maiuaia Iteraera i nanon 20 te ririki, ni karokoa a bubutiia te UEA buokaia.

1.Tamuera 12:8

I mwiin nakon Iakob'a nako Aikubita, ao a tang ami bakatibu nakon te UEA i bukin buokaia, ao E kanakoa Moote ma Aaron te UEA. Ao a kairiia ami bakatibu mai Aikubita ao E katekatekaia n te aba aei.

1.Tamuera 9:16

“I a tia n noora rawawataia Au aomata, ao I ongo aia wewete ni kani buokaki. Nakon te ingabong, ao N na kanakoa te m'aane man te baronga are Beniamin, ae na kamaiuia aomata mairouia kaain Biritia. I tangiriko b'a ko na kab'aroa b'aan te oriwa i aon atuuna ni kaotia b'a e na riki b'a aia tia kairiiri.”