Te Otinako 19:8 - Te B'aib'ara

⁸ Ao i mwiin arei, ao a bane aomata n taku, “Ti na karaoi b'aai ni kabane akana E taekin te UEA,” ao e kaota arei Moote nakon te UEA.

Te Otinako 19:8 ပူးပေါင်းရင်းမြစ်များ

Neemia 10:29

Ma ngaia ae, ti anga ngaira nako aan ana kamaraia te UEA ae Atuara, ngkana ti a manga aki ongotaeka naba nakon ana tua ao ana reirei ake ti anganaki iroun ana toro are Moote.

Te Otinako 20:19

Ao a taku nakoni Moote, “Ti rangi ni kakauongo ngkana ko taetae nako ira, ma ti rangi ni maaku ngkana E taetae te Atua nako ira, b'a ti na mate iai.”

Te Otinako 24:3

Ao e anga taian tua Moote nakoia aomata ao a berita ni kaangai, “Ti na karaoi b'aai nako akana e a tia ni mwiokoira iai te UEA!”

Te Otinako 24:7

Ao i mwiina, e wareka ana Tua te UEA n te b'anaa ae e korakora nakoia aomata, Ao a taku, “Ti na ongotaeka iroun te UEA ma ni karaoi b'aai nako ake E mwiokoira iai!”

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Iotua 24:21

Ao a taku aomata nakon Iotua, “Tiaki taromauriia anti tabem'aang ma ti na taromauriia te UEA n ti ngaia.”

Iotua 24:24

Ao a kaeka aomata nako Iotua, “Ti na taromauriia te UEA ae Atuara, ao ti na ongotaeka i rouna.”