Te Otinako 19:6 - Te B'aib'ara

⁶ aika aomata aika a katabuaki b'a au b'ai n ti Ngai, ao kam na m'akuri i buku n ai aroia ibonga.”

Te Otinako 19:6 ပူးပေါင်းရင်းမြစ်များ

1.Uea 3:8

Ao ngkai, N na tautaekaniia am Aomata aika a rineaki, e ngae ngke a aikoa konaa ni warekaki m'aitiia.

1.Uea 8:53

Ngke Ko kaotinakoia ara bakatibu mai Aikubita, ao Ko tuanga Moote are am toro b'a e na taetae nakoia ni kaangai, E a tia n rineingkami te UEA ae te Atua mai i buakoia aomatan te aonnaba b'a ana Aomata ni koaua.

1.Rongorongo 17:22

Ko a tia n rinea Iteraera b'a am aomata n aki toki, ao Ko a tia n riki b'a Atuaia.

Taian Areru 114:2

E karika Iuta b'a ana tabo ae tabu ao e tautaeka i aon Iteraera.

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Te Otinako 22:31

Bon au aomata ngkami aika kam rineaki, ma ngaia ae kam na aki kang irikon taiani kao ke ami tiibu aika a tiringaki irouia maan aika moaanti. Ma kam kam'arakeia iai ami kamea.

Te Otinako 28:36

E nib'aaki ao e koreaki i aon te koora ae itiaki ae irariki te taeka ae kaangai, “Ana b'ai te UEA”.

Itaia 43:4

Ko rangi n tangiraki irou, Ao bon anne bukina ngke I kaaki taekaia botannaomata ma taian aomata i bukin kamaiuam.

Itaia 61:6

Ma ana riki ngaia b'a ana ibonga ao ana tia m'akuri te UEA ae Atuara. A na b'aina kab'aiaia botannaomata nako, ao a na tanoata taekaia.

Itaia 62:12

Ao i mwiina, ane ko na weweteaki, ‘Ana Aomata Ni Koaua Te UEA, Ake E Bon Kamaiuia!’ E na ataaki ami kaawa b'a te tabo ni maeka ae e raoiroi ao te kaawa ae e onrake n taian aomata.”

Itaia 66:21

N berita nakoia b'a a na riki tabeman mai buakoia b'a taian ibonga ao tabeman b'a taan i buobuoki n au Tembora. Bon aio au taeka Ngai ae te UEA.

Ieremia 13:11

E rangi n nim ni matoa te kawaerake aei i aon koream, ao bon anne arou n taua taian abanuea aika Iteraera ma Iuta. I tangiria b'a a na riki b'a au aomata. I tangiria b'a a na riki b'a aomata aika a tanoata taekaia, n te aro b'a a aonga n neboai ma ni karineai botannaomata ake tabeua, ma a rawa n ongotaeka i Rou.

Ieremia 2:3

Bon ti ngkami au b'ai, kaanga moan m'akoron te tai, ao I rangi ni katuaaia koraki aika a karaoa ae e aki raoiroi nako imi.

Ieremia 7:23

Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

Nakoaia Ibonga 19:2

kaangai nako ia Iteraera:

Nakoaia Ibonga 20:24

Bon te UEA Ngai ae Atuami, ao I a tia ni beritana abaia nako imi are e kaub'ai n te miriki ma aia karewe manibeeru. I a tia n rinei ngkami b'a kam na kaokoro ma ngaiia.

Nakoaia Ibonga 20:26

Boni Ngai te UEA ae Atuami ae tabu. Kam a tia n rineaki b'a au aomata, ao kam riai n tabu naba.

Nakoaia Ibonga 21:23

ma a aki kona n rin n te tabo are e tabu ke ni karaoi m'akuri nako Iu i aon te baonikarea. Uringnga b'a boni Ngai te UEA are I katabuia ibonga.

Amota 3:2

“Bon ti ngkoe ae I a tia n rineiko man kawakiniko mai buakoia te botannaomata; ao bon anne bukina ngkai I bati ni karawawataingkami n ami bure mani katuaaingkami i bukiia botannaomata.”

Akai 2:5

n aron are I a tia berita iai nakoia ami bakatibu ngke I kaotinakoia mai Aikubita. Kam na aki raraoma. E na mena iroumi Tamneiu iroumi ikai.

Warekaia Iteraera 16:3

ma Aaron ao a taku, “E aera ngkai kam a bon rangi ni karietatai ngkami? Boni ngaira naba Ana aomata te Atua aika tabu, ao E boni mena naba i roura ni kabane. E aera ngkai kam taku b'a ti ngkami n onimakinaki?”

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

1.I-Korinto 3:17

Ngkana e urua ana um'antabu te Atua te aomata, ao ngaia e na uruaki iroun te Atua: b'a e tabu ana um'antabu te Atua, are boni ngkami.

Te Tua-Kaua 14:21

Kam na b'ainaki iroun te UEA ae Atuami, ma ngaia are, ngkana kam kuba ni kunea te man ae mate, ao kam na aki kana irikona. Kam na anganiia ianena ake a maeka i abami, ke kabooa nakoia ianena akana roko i abami. Kam na aki kaburoa te kooti teteei i nanon rannimamman tinana.

Te Tua-Kaua 26:19

E karikiia botannaomata ni kabane te UEA, ma E na karikingkami b'a te botannaomata ae rangi ni kinaaki, ao e na reke iroumi te neboaki ma te karineaki ae m'aiti nakoia. Ti ngkami ae kam na b'ainaki iroun te UEA ae Atuami, n aron are a tia ni berita iai.

Te Tua-Kaua 28:9

Ngkana kam ira te UEA ma n ongotaeka i rouna, ao E na karikingkami b'a ana Aomata aika raka, n aron are a tia ni berita iai.

Te Tua-Kaua 7:6

Iteraera, bon ana Aomata te UEA ae Atuami ngkami aika kam rineaki. A rangi ni m'aiti botannaomata n te aonnaba aei, ma E ti rinea Iteraera b'a ana Aomata aika bon Ana b'ai.

1.I-Tetaronike 5:27

I tuangngkami iroun te Uea b'a e na warekaki te reta aei nakoia taari ni kabaneia.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 1:6

ao E karaoira b'a ibonga n ueana, aika taani beku iroun Atuana ma Tamana: ana b'ai te neboaki ma te m'aaka n tautaeka n aki toki! Amen.

Te Kaotioti 20:6

E a kab'aia ane e reke nena n te moa ni manga-maiu; bon ana aomata ni koaua te Atua. Akea m'aakan te mate are te kauoua i aoia aomata aika ai aroia aikai: a na riki b'a ana ibonga te Atua ma Kristo, ao a na uea ma Ngaia tengaa te ririki.

Te Kaotioti 5:10

ao Ko karaoia b'a ana ibonga te Atua n ueana; ao a na uea i aonnaba.”