Te Otinako 19:4 - Te B'aib'ara

⁴ “Kam bon noori b'aai ake I karaoi Ngai ae te Atua nakoia kaain Aikubita, ma arou ni uotingkami kaanga te ikare ngkana e uotiia natina i aoni baina ni kiba, ma ni uotingkami nako ikai nako Iu.

Te Otinako 19:4 ပူးပေါင်းရင်းမြစ်များ

Itaia 40:31

Ma e na manga reke te korakora ae boou irouia akana a onimakina te UEA. A na korakora kaanga ikare a na betiraoi i aoni baiia ni kiba; a na nakonako ao a na biribiri ao a na aki kua.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Otea 11:1

Ngke e uarereke ngkoa Iteraera, I tangiria, ao I wetea natiu te m'aane ni kaotinakoa mai Aikubita.

Akai 2:5

n aron are I a tia berita iai nakoia ami bakatibu ngke I kaotinakoia mai Aikubita. Kam na aki raraoma. E na mena iroumi Tamneiu iroumi ikai.

Maraki 2:10

Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?

Te Tua-Kaua 1:30

E na kaira te kawai te UEA ae Atuara, E na buaka i bukira, n aron are ti nooria ngke E karaoi b'aai ni kabane nakoia kaain Aikubita.

Te Tua-Kaua 1:31

Ao kam bon ataia b'a E boni kaawakiniira te UEA n taai nako ngke ti mena n te rereua, n aromi ngkana kam uouota natimi temanna.”

Te Tua-Kaua 29:1

Ma ngaia are, e a kabanea ana taetae Moote i bukin tuangakiia aomata te b'ai ae a riai ni karaoia i bukin kaawakinan te boraraoi ma te UEA are E karaoia nakoia i Moaaba, are bon raon are E a tia ni karaoia te UEA n te Maunga are Tinai.

Te Tua-Kaua 29:2

Ao e wetea te botannaomata are Iteraera Moote ao e taetae nakoia ni kaangai: Ngke kam mena ngkoa i Aikubita, ao kam noora te UEA ni karaoi taiani kakai are a karika te kangaanga nakon te uea ma ana aobitia, ao kaain abana ni kabane.

Te Tua-Kaua 4:9

Kam na rangi n taratara raoi b'a kam na aki m'aninga b'aai ake E a tia ni karaoi te UEA nakoimi. Kam na teimatoa ni bon kakauringingkami i bon iroumi, ao tuangiia natimi ma tibumi naba.

Iotua 23:3

Kam a tia n noori b'aai ni kabane aika E karaoi te UEA nakoia botannaomata aika kam rin i buakoia. E a tia ni buaka te UEA ae Atuami i bukimi.

Te Kaotioti 12:14

Ao e anganaki neierei bain te ikare aika uaai aika ab'ab'aki, b'a e na kibakiba nakon te rereua nakon ana tabo, ike e na tararuaki iai i nanon tenua ma te iterana te ririki, ao ike e raroa nako iai mairoun te naeta.