Te Otinako 19:24 - Te B'aib'ara

²⁴ Ao E taku te UEA, “Naako ruuo ni kairamai Aaron. Ma ibonga ma aomata a na aki ri aon te tia are e a tia ni koreaki nako Iu, b'a N na katuaaia ngkana a ri aona.”

Te Otinako 19:24 ပူးပေါင်းရင်းမြစ်များ

1.Rongorongo 13:9

Ma ngke a roko n ana tabo ni kaaki kun ni uita Kiton, ao e tura nako waen te kaom'aane, ao e kanakoa baina Uta n taua te Atiniberita b'a e na aki b'aka.

Te Otinako 19:12

Korea te tia ni katobibia te maunga b'a akea ae na ri aona, ao tuangiia b'a akea ae na tam'arakea te maunga ke ni kaaniia. Ngkana iai ane roko waena iai, ao e na bon kamateaki;

Te Otinako 19:25

Ao e ruo rikaaki Moote nakoia aomata, ao e tuangiia b'aai ni kabane ake E taekin te UEA.

Te Otinako 24:1

E taku te UEA nakon Moote, “Nako mai nako iu i aon te maunga aei. Kaira Aaron, ao ai uana naba ma natina mm'aane ake uoman ake Nataba ao Abiu, ao itingaun mai buakoia taani kairiri aika Iteraera. A riai n taua raroaia ngkana a taromauriai,

Te Otinako 24:9

Ao a kaai n tam'arakea te maunga Moote ao Aaron, ao ai uana naba ma Nataba ao Abiu ao taani kairiiri ake itingaun

Nakoaia Ibonga 10:3

Ao e taku Moote nakon Aaron, “Aio te b'ai are e nanonna te UEA ngke E kaangai, “A na bane ni karinea tabuu akana a m'akuri i Rou; N na kaota mimitongiu nako ia au aomata; ma e aki kakarongoa Aaron.

Mataio 11:12

Man ana tai ni m'akuri Ioane ni karokoa ngkai, ao e aki toki n ekakinako Uean te Atua; ao aomata aika iowawa a tia ni kataia n taua ma te matoa.

Ruka 13:24

Kakorakoraingkami b'a kam na rin n te mataroa are wariki; b'a I taku nako imi b'a a bati aika ukoukora te kan rin iai, ma a aki kona.

Ruka 16:16

A teimatoa bonganan taeka ake a koreaki n te Tua ma aia boki burabeti ni karokoa kaotin Ioane are te tia B'abetito; ao man te tai arei, ao e tataekinaki te rongorongo ae raoiroi ae taekan Uean te Atua, ao a bane aomata ni kakorakoraia n rin iai.

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

I-Rom 4:15

B'a irian te tua bon te reke ni kai; ma ike akea te tua iai, ao akea naba riaoana iai.

I-Karatia 3:19

Tera ngkanne manenan te Tua? E roko te Tua b'a raon te boraraoi, ao e bongana i bukin taiani bure, ni karokoa rokon Temanna n ana kariki Aberaam, are E anganaki te taeka n akoi. E anganaki te aba te Tua irouia anera ni bain te aomata ae te tia itoman i marenan te Atua ma aomata.

I-Karatia 3:22

Ma e taku te B'aib'ara b'a a bane aomata nako ni mena i aani m'aakan te bure; ma ngaia are ana taeka n akoi te Atua bon i bukiia akana onimakina Iesu Kristo.

Ebera 12:29

b'a Atuara ai aron te ai ae kamamate.

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.