Te Otinako 19:18 - Te B'aib'ara

¹⁸ Ao e rabunaki ni kabane te maunga are Tinai n te bubu, i bukina b'a E a ruo te Atua i aona n rab'atanna n te ai. Ao e aetorake te bubu arei kaanga bubun te ai ni kanaiai, ao a rangi n ruru ni maaku aomata ni kabane.

Te Otinako 19:18 ပူးပေါင်းရင်းမြစ်များ

Karikani B'aai 11:5

Ma ngke E ruorikaaki te UEA n noora aia kaawa ae buubura are a tia ni karaoia ma tauana,

Karikani B'aai 15:17

Ao ngke e a bung taai, ao e a roo, ao a karina ni kaoti te b'aata ae bubu, ao te ai, ao a buti i marenan taian m'akoro ni man akekei.

Karikani B'aai 19:28

E taraa aon Tootom ma Komora ma te m'arua ni kabutaa, ao e noora te bubu ae aetorake mai aon te aba, ae kaanga te bubu man te ai ae korakora.

Neemia 9:13

Ko ruorikaaki i Tinai mai karawa, ao Ko anganiia am aomata tuua ma reirei aika a raoiroi aika a boraoi ma n eti.

Taian Areru 104:32

E tara aonnaba, ao e m'aeiei; E riingi maunga, ao e ti rake te bubu.

Taian Areru 114:4

A ewewe maunga n ai aroia kooti; a kibakiba tabuki n ai aroia tiibu aika ataei.

Taian Areru 114:7

Ko na ruru, ngkoe ae aonnaba, i matan te Uea ae Atuan Iakob'a, ngkana e a roko ni kaan

Taian Areru 144:5

Te UEA, Ko na raeua karawa ni kaukia ao ruo; Ko na riingi maunga, ao a na tii nako taiani bubu mai iai.

Taian Areru 18:9

Ko kauka karawa kanga ai aron te roki, Ao E ruo rikaaki; Ao te nang ae roro i aani waena.

Taian Areru 68:9

Te Atua, Ko kabatia te karau ni kab'aka, Ao Ko kamaiua abam ae e a nimamate kain aona.

Taian Areru 77:18

E ongo te aba rebwen am Baa n te ukeukenanti; Ao e kaota aonnaba ootan te iti; E ruru aon te aba ao e m'aeiei.

Taian Areru 77:19

Ko nakonako ri buakon naao; Ko ri nuukani kabini marawa, Ao a aki noraki m'anekam.

Te Otinako 19:13

E na kona naba ni karebanaaki n atiibu, ke ni katebeaki n taiani kanoa ni katebe, n te aro ae ana bon akea ae na riingnga. E na karaoaki te tua aei nakon te aomata, ao te man naba; a na bon tiringaki. Ma a na tam'arakea te maunga aomata ngkana e tang te bu.”

Te Otinako 19:17

Ao e tuangiia aomata Moote b'a a na otinako man aia maeka b'a a na kaaitibo ma te Atua, ao a bane n tei i oin te maunga.

Te Otinako 20:18

Ao a maaku aomata ao a kararoaia nako ngkana a ongo rebwen te baa, tangin te buu, ma n noora te iti ma te bubu man te maunga.

Te Otinako 24:17

Ao e karaoa arei Moote n tiku ikekei i nanon abwi te ngaina ma te bong.

Te Otinako 3:2

Ao E kaoti aneran te UEA nako ina n te buakoako n aroka ae e ura. E noora te buakoako n aroka Moote b'a e ura, ma e aki bue.

Te Otinako 34:2

Katauraoiko nakon te ingabong n te moaningabong b'a ko na tam'arakea te Maunga are Tinai ni kawarai i taubukina.

Itaia 6:4

Ao a ruru bouan nako mataroan te Tembora, ao e on te Tembora n te bubu.

Itaia 64:1

Bwenauai taiani karawa! Ruorikaaki, te UEA; karurui taiani maunga.

Ieremia 4:24

A ruru taian maunga;

Ab'akuka 3:6

Ngkana E toki ni m'akuri ao e m'aeiei aon te aba; a ruru ni maaku botannaomata i matana. Maunga ake ngkoa ana maenako ao tabuki ake a teimatoa ana inako, ake tabuki ake E nakonako i aona n taai ake ngkoa.

Tekaria 14:5

Ao ane a na biri nako aomata man Ana maunga te UEA, ri nanon te m'arua aei, are e roota Atere. Ane ko na biri nako n taabo nako, n aroia aomata nako ngkana a oreaki n te m'aiei i nanon ana tai ni uea Utia i aon Iuta. Ao i mwiin anne, E na kaoti te UEA ae Atuau ma Ana anera aika a tabu.

Mataio 24:7

B'a ane na tei rake te aba teuana ni buakana te aba teuana, ao te tautaeka teuana ni buakana te tautaeka teuana; ao ane a na roko roongo ma m'aeiein te aba n taabo nako.

Te Tua-Kaua 33:2

E roko te UEA man te Maunga are Tinai E anga te oota mai Etom nakoia ana Aomata, ao e oota nako mimitongina man te Maunga are B'aran. Teuana tengaa Ana tautia aika raona, ao te ai i baina are te angaatai.

Te Tua-Kaua 5:22

E taetae te UEA nako ira ngkoa n te b'anaa ae korakora man te nang ae ura ngke ti bootaki i aon te maunga. E anganiira te UEA tuua aikai, ao bon ti aikai ao akea riki. Ao i mwiina, E koroi i aon atiibu aika uoua aika raababa ao E anganai.

Te Tua-Kaua 5:4

Ao E taetae nakoimi te UEA mai nanon te ai,

2.I-Tetaronike 1:7

ao E na anganingkami, ngkami akana kam karawawataki, kabebeteami ma ngaira, ngkana E kaoti ara Uea are Iesu mai karawa ma ana anera aika m'aaka,

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

Ebera 12:18

B'a kam tuai roko ni kaania te maunga are konaki n riingaki are e ura iai te ai; ao kam tuai ni kaania naba te baere roroo ma te baere rotongitong ma te ang are te ukeukenanti,

Ebera 12:26

are e kam'aeieia te aba b'anaana n te tai arei, ao E taetae ngkai ni kangai, “Ai ti teuana riki kam'aeieian tiaki ti aonnaba i Rou, ma kam'aeieian naba karawa.”

2.Betero 3:10

Ma ane e na roko ana bong te Uea n ai aron rokon te tia iraa; n te bong anne ao e na mauna iai karawa ma te rurunga ae korakora, ao a na bue b'aai ma ni mauna nako aroia; ao aonnaba ma kanoana a na kuneaki.

Te Kaotioti 15:8

Ao e kaonaki te Tembora n te bubu mani mimitongin te Atua, ao mani m'aakana; ao akea temanna ae kona n rin n te Tembora ni karokoa ae a toki b'aai ni kamamate ake itiua ake aia b'ai anera ake itiman.

Te Kaotioti 9:2

E kauka bonotani matan te b'angab'anga are ruo ri kaaki nako Abuto, ao e oti nako mai iai te bubu ae ai aroni bubun te tabo ni kanaiai ae korakora, ao e karooaki taai ma te ang n te bubu ae nako man te b'angab'anga arei.

Tani Motiki-taeka 5:5

e b'aro te karau mai karawa e ruru te aonnaba, ao a m'aeiei maunga.