Te Otinako 19:10 - Te B'aib'ara

¹⁰ ao E taku te UEA nako ina, “Ko na nakoia aomata ao n tuangiia b'a a na kabanea te bong aei ao te ingabong ni kaitiakia i bukin te taromauri. A na riai ni uati kunnikaia,

Te Otinako 19:10 ပူးပေါင်းရင်းမြစ်များ

Karikani B'aai 35:2

Ao e taku Iakob'a nakoia ana utu ma aomata ni kabane ake a mena i rarikina, “Kanakoi antiia ianena akana a mena i roumi; kaitiakingkami, ao karin i aomi kunnikai aika itiaki.

2.Tamuera 19:24

Ao e kaaitibo naba ma Tawita Mebiboteta are tibun Tauro te m'aane. E a tia n aki kakaitibo ma Tawita n te tai ae e maan n te aro are e tuai man tebotebo ke ni koreaki buaina ke ni uaati kunnikaina man te tai are e nako iai Tawita.

2.Rongorongo 29:34

A bon aki tau m'aitiia ibonga i bukin kanakoan kuniia taiani man, i bukina b'a a bon m'aiti taian ibonga ake a tuai reke aia tai n ri nanon te bootaki i bukin kaitiakaia. Ma i bukina ngke a m'aiti kanoan Rewi ake a tia ni kaitiakia, a buokiia ibonga ni karokoa banen kuniia taiani man.

2.Rongorongo 29:5

ao e taku: E a bo te tai ni kaitiaka ana Tembora te UEA ae Atuaia ara bakatibu. Kam na moan nako ngkami kanoan Rewi nakon te bootaki b'a kam na kaitiakingkami, ao i mwiina kam na manga nako nakon te Tembora ao kam na kaotinakoi b'aai n kabane aika a baareka ao aika a aki tau i bukin te UEA.

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Nakoaia Ibonga 11:25

aika man aika kawakawa ni kabane aika a manga ukia, ke aika a nnai kanaia mai birotoia ni manga kanti,

Nakoaia Ibonga 15:5

E na uatiia kunnikaina, ao e na tebokia te aomata ane e riinga ana kainiwene,

Warekaia Iteraera 11:18

Ko na tuangiia Iteraera b'a I a tia n ongo ngurengureia i bukin akean tannaia, ao i bukina naba ngke a bon totoki nanoia ni baika a tangiri i Aikubita. Ma ngaia aei, ko na tuangiia b'a a na tabuia b'a N nang karokoa tannaia nakon te ingabong.

Warekaia Iteraera 19:19

Ngkana e tia aei n te katenua ni bong, ao n te kaitiua ni bong, ao kam a itiaki. Ao i mwiina, kam na tebokingkami, ma ni uati ami kunnikai, ao kam a kona n taromauri nakon te tairiki anne.

Warekaia Iteraera 31:23

ao i mwiin anaakina ni kaotinakoaki, tatauriia n te ran ni kaitiakia. A na riai b'aai ni kabane n tataauriaki n te ran. Karaoi b'aai ni kabane n aron Ana mwioko te UEA nakoni Moote.

Warekaia Iteraera 31:24

Uaati ami kunnikai n te kaitiua ni bong, ao i mwiin anne, kam a itiaki ao kam a kona n okira te maeka.”

Warekaia Iteraera 8:21

Ao a tatauriia kanoan Rewi i bon i rouia n te ran ni kab'ara bure, ao a uati kunnikaia. Ao i mwiina, e kairiia Aaron nakon te baonikarea, ao e anga te karea i bukin kab'araan aia bure, ao e karaoia b'a a na kariaiakaki ni karaoan Ana m'akuri te UEA.

Warekaia Iteraera 8:7

tatauriia n te ran ae na teboki aia bure ni kanakoi. Ao tuangiia b'a a na imana rab'ataia ni kabane ma n uatii kunnikaia.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Iotua 3:5

E kaangai Iotua nako ia, “Kam na tabui ngkami b'a e na karaoi kakai te UEA nakon te ingabong i buakomi.”

Iotua 7:13

Tei rake! tabuia am aomata ao katauraoia i m'aain rokoia i matau. Tuangiia b'a a na katauraoia i m'aain te ingabong, b'a iai au taeka Ngai ae te UEA ae Atuaia Iteraera nakoia ae kaangai, ‘Iai b'aai i buakon ami b'ai Iteraera are I tuangngkami ngkoa b'a kam na kamaunai. Kam na bon aki konaa ni kaaitaraia ami kairiribai ni karokoa kam a tia ni karenakoi baikanne ni kabane.’

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.

1.Tamuera 16:5

Ao e taku Tamuera, “Eng, boni ngaia. I roko b'a n na angakarea nakon te UEA. Katauraoingkami b'a kam na ira te angakarea ma n airi ma ngai.” Ao e kaooa naba Iete Tamuera ma natina m'aane b'a a na ira te angakarea, ao e tuangiia, ao e kairiia b'a a na ira te angakarea.