Te Otinako 19:1 - Te B'aib'ara

¹ Ao a kiitana Rebirim Iteraera, ao a roko n rereuan Tinai ni moanibongin te katenua n nam'akaina i mwiin kitanakin Aikubita.

Te Otinako 19:1 ပူးပေါင်းရင်းမြစ်များ

Te Otinako 12:2

“E na riki te nam'akaina aei b'a ami moan nam'akaina i Buku n te ririki.

Te Otinako 12:51

N te bong anne, ao te UEA e kairiia aia baronga Iteraera ni kaotinakoia mai Aikubita.

Te Otinako 12:6

Ao i mwiina, n tairikin te katebwi ma aua ni bong n te nam'akaina, a na bane Iteraera n tiringiia maan.

Te Otinako 16:1

Ao a m'ananga nako te botannaomata are Iteraera mai Erim, ao n te katebwi ma nimaua ni bongin te kauoua n nam'akaina i mwiin kiitanakin Aikubita, ao a roko n te Rereua are Tin are mena i marenan Erim ma Tinai.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Te Otinako 40:2

Ko na katea Au Um'antabunrianna ike N na memena iai ni moanibongin te moan n ririki.

Etekiera 20:10

Ma ngaia are, I kaotinakoia ao I kairiia nakon te rereua.

Warekaia Iteraera 1:1

Ni moanibongin te kauoua n nam'akaina i nanon te kauoua n ririki i mwiin kitanan Aikubita irouia Iteraera, ao E taetae te UEA nakon Moote i nanon te Um'antabunrianna are e mena iai i nanon rereuan Tinai. E taku,

Warekaia Iteraera 10:12

Ma ngaia are, a kab'aranakoi aia auti n rianna Iteraera, ao a kiitana Rereuan Tinai. Ao i mwiin te tai ae maan, ao e tei te nang n Rereuani B'aran.

Warekaia Iteraera 3:14

Ao E taku te UEA nakoni Moote n Rereuan Tinai,

Warekaia Iteraera 33:15

A kitana Rebirim, ao n tokina a roko n Rereuan Tinai.

Te Tua-Kaua 1:6

“Kaain Iteraera, ngke ti kateimaeka n te Maunga are Tinai, ao E tuangiira te UEA ae Atuara ni kaangai: ‘E a bati n tau maanimi n tiku ikai.

Te Tua-Kaua 4:10

Kam uringa te tai are kam tei iai i matan te UEA n te Maunga are Tinai? Ao E taku te UEA, Kairiia mai Iteraera nako ikai. I tangiria n taetae nakoia b'a a aonga n ongotaeka nako Iu i nanon aia tai ni maiu, ao a na manga reireiniia aia ataei b'a a na ongotaeka naba i Rou.

Te Tua-Kaua 4:15

Ao ngke e taetae te UEA nakoim man te ai, ao bon akea rab'atana. Ma ngaia are, kam na taratara raoi

Te Tua-Kaua 5:2

E karaoa ana Boraraoi te UEA ma ara botannaomata n te Maunga are Tinai.