Te Otinako 18:7 - Te B'aib'ara

⁷ Ma ngaia are, e a kaman butim'aia Moote, e bobaraaki i mataia ma ni kaboria ao n inga ma ngaiia. Ao a i titirakiniia i bon irouia b'a a uara, ao i mwiina, a kaai n rinnako n ana auti n rianna Moote.

Te Otinako 18:7 ပူးပေါင်းရင်းမြစ်များ

Karikani B'aai 14:17

Ngke e oki Aberam i mwiin tokanikaina n te buaka i aon Ketoreraomera ma uea ake tabeman, ao e otinako uean Tootom ni butim'aia n te M'arua are Tiawe (e ataaki b'a Ana M'arua te Uea).

Karikani B'aai 18:2

ao euta atuuna, ao e nooria teniman mm'aane aika teitei. Ni bon te tai are e nooria naba iai, ao e a teirake naba ni biri n otinako ni kawariia, ao e bobaraaki ni kabo matana ma aontano,

Karikani B'aai 19:1

Ao ngke a roko anera ake uoman i Tootom n te tairiki arei, ao e tekateka Roota i mataroan te kaawa are buubura arei. Ao ngke e nooriia uakekei, ao e teirake ni kawariia, ao e bobaraaki i mataia

Karikani B'aai 29:13

ao ngke ongo rongorongon ai natina are Iakob'a, ao e biri nako ni kaitibo ma ngaia, e rab'atia, ao e kiiti ma ngaia ao e kairiia nakon ana auti. Ao ngke e a tia Iakob'a n tuanga Raab'an b'aai ni kabane ake a tia n riki,

Karikani B'aai 31:28

Ko aki anganai naba au tai ni kiiti ni kabo ma tibuu, ao ni kiiti naba ni kabo ma natiu aine. Bon te m'akuri n nanobaba ae ko a tia ni karaoia.

Karikani B'aai 43:26

Ao ngke a okira ana auti Ioteb'a ngke e a tawanou, ao a uoti aia b'ai nako nanon ana auti ma ni bobaraaki nako aontano i matana.

Karikani B'aai 45:15

Ao i mwina, e rab'atiia tarina ake tabeman, ao e inga ma ngaiia. Ao i mwiin aei, ao a tib'a taetae tarina ma ngaia.

Karikani B'aai 46:29

ao e a tokara ana ka ni buaka Ioteb'a, ao e a nako ni kaitibo ma tamana i Koten. Ao ngke a kaitibo, ao e a rab'ata roroan tamana Ioteb'a, ao e tang n te tai ae maan.

2.Tamuera 11:7

nakon ana bareti Tawita, ao e titirakinna Tawita ni kaangai, “E uara Ioaba, e marurung? A uara kaain te taanga ni buaka? Ao e uara te buaka?”

1.Uea 2:19

Ao ngke e a nako Nei B'atateb'a ni kawara Toromon, ao e teirake Toromon ngke e roko tinana, ao e boobaraaki nakoina. E tekateka ao e kawaekoa teuana riki te kaintokanuea i bukin tinana b'a e na tekateka i angaataina.

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Te Otinako 18:6

E a kamani kanakoa ana taeka nakoni Moote b'a a na roko ni kawaria.

Te Otinako 33:7

E tataneiai Moote ni kaakatea ana auti n rianna ni kararoa ma aia maeka. E aranna b'a “te auti ni kabowi”, ao a nako iai aomata akana a tangiria ni kan ongo te rongorongo mairoun te UEA.

Te Otinako 4:27

Ao E kanakoa Aaron te UEA b'a e na kaaitibo ma Moote n te rereua. Ma ngaia are, e kaaitibo Aaron ma Moote n te Maunga are Tinai ao a kamauri n inga n irab'ati.

Warekaia Iteraera 22:36

Ao ngke e ongo B'araka b'a e a roko B'araam ao e m'ananga ni butim'aia n te kaawa are Ire, are mena n tian Moaba are mai meang.

Ruka 7:45

Ko aki kaota aroni butim'aeau n te kaboria, ma neiei e aki toki arona ni kaota karineau i rouna ni kaboriana ma waeu ma ngke I moa n rin.

M'akuri 20:37

Ao a bane ni katu rannimataia n tang, ao a b'akara aon roroani B'auro ni kaboria ma ngaia.

M'akuri 28:15

Ngke a ongo taekara taari ake i Rom, ao a roko ni butim'aira tem'angina n ana tabo ni m'akete Abia, ao tem'angina n te tabo ae aranaki b'a Auti-n-iruwa-aika-tenua; ao ngke e nooriia B'auro ao e katituaraoa te Atua, ao e kauungaki nanona i rouia.

Tani Motiki-taeka 11:34

Ao ngke e a okira mwengana Iebeta i Mitib'a, ao te moan aomata are e otinako ni butim'aia bon natina te aine. E katanga te timbere, ao e b'ab'atere i bukin ana tokanikai tamana, ao bon ti ngaia natina.

1.Tamuera 17:18

Ao aikai tebwina taian tiiti ae ko na uoti nakon mataniwiia taani buaka. Ao ongora b'a tera aroia tarim ao n uota rikaaki te b'ai ae kanikinaea aroia b'a uara.

1.Tamuera 17:22

Ao e katuka te aomata temanna ma ana b'ai ao uotana ao e birinako nakon te bobuaka n titirakiniia tarina b'a a uara.