Te Otinako 18:4 - Te B'aib'ara

⁴ Ao e taku naba, “E a tia ni buokai ma ni kamaiuai te Atua ae Tamau man tiringakiu iroun uean Aikubita.” Ma ngaia are, e arana natina te mm'aane are temanna b'a Erietera.

Te Otinako 18:4 ပူးပေါင်းရင်းမြစ်များ

Karikani B'aai 49:25

Bon Atuan tamami ae buokingkami, Te Atua ae Moan te M'aaka ae kakab'aiaingkami N te karau mai eta ao te ran mai aan te aba, Ao taiani kakab'aia aika kao ma ataei aika m'aiti,

1.Rongorongo 23:15

ao a atongaki aia kariki b'a kanoan Rewi.

1.Rongorongo 23:17

A m'aiti natin Reabia are bon ti natin Erietera te m'aane.

Taian Areru 18:1

I tangiriko, te UEA, ae korakorau.

Taian Areru 18:48

Ao E kamaiuai mairouia taan ribaai. Eng, Ko katokanikaiai i aoia aiau, Ao Ko kawakinai mairouia taan tiritiri.

Taian Areru 34:4

I tataro nakon te UEA, ao E ongo irou: E kamaiuai mani b'aai ni kabane aika I maaku iai.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Te Otinako 10:28

E taku B'arao nakon Moote, “Naako mai rou! N na aki manga oki n noora matam! N na tiringko ngkana I a manga nooriko!”

Te Otinako 2:15

Ao ngke e ongo te uea te b'ai are e a tia ni karaoia Moote, ao e tangiria n tiringnga. Ma e biri nako Moote ao e nako abaia kaain Mirian. Ao ngke e tabe n tekateka Moote i rarikin te m'anib'a n te bong teuana,

Te Otinako 2:22

Ao ngke e riki natina te mm'aane, ao E taku Moote, “N na aranna b'a Keritiom, b'a kiona ngke bon te ianena ngkoa ngai n te aba aei.”

Te Otinako 4:20

Ma ngaia are, e katokaia buuna ma natina Moote i aon te aati ao e m'ananga ni kaineta Aikubita, ma okona i nanon baina are e mena iai m'aakan te Atua.

Taniera 6:22

E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

M'akuri 12:11

Ngke e a oki ana iango Betero, ao e taku, “I a ataia ngkai b'a E kanakomaia ana anera te UEA, ao E kamaiuai mai nanoni bain Erote, ao mani b'aai ni kabane ake a kaantaningai I-Iutaia b'a a na karaoi.”

M'akuri 7:29

Ngke e ongo aei Mote ao e biri nako mai Aikubita nakon te aba are Mirian. E a tib'a roko i Mirian; ao e karikiia natina mm'aane aika uoman iai.

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

Ebera 11:34

a katoka korakoran uran te ai, a rawei maiuia man te tiringaki n te kabaang, a kakorakoraki ngkana a mamara, a riki n ninikoria n te buaka, ao a katae aia kai aia taanga n tautia I-anena;

Ebera 13:6

Ma ngaia ae ti na aki maaku ni kangai: “Te Uea bon te tia buokai; N na aki maaku; Tera ae e kona te aomata ni karaoia nako iu?”