Te Otinako 18:23 - Te B'aib'ara

²³ Ngkana ko karaoa Ana kaetieti te Atua n aron aei, ao ko na bon aki kurakai iai, ao a na okiri aia auti aomata ma te kukurei b'a a toki iai mangaongaoia.”

Te Otinako 18:23 ပူးပေါင်းရင်းမြစ်များ

Karikani B'aai 18:33

Ao ngke E a bane ana maroroo te UEA ma Aberaam, ao E a nako, ao e a okira ana auti Aberaam.

Karikani B'aai 30:25

Ao i mwiin bungiakin Ioteb'a, ao e taku Iakob'a nakon Raab'an, “Ko nang kainaomataai, b'a I aonga n okira mwengau.

2.Tamuera 18:3

Ma a taku tautia, “Ko na aki. Ko na aki iriira ni buaka! E na bon ti te bo naba ngkana ti riki ni biri nako mairouia ara kairiribai, ke ngkana a tiringiia iteran ara taanga ni buaka. E raoiroi riki ngkana ko tiku n te kaawa ao ko karoorokoa buokara ngkana ti tangiria.”

2.Tamuera 19:39

Ao a ri nanon te karaanga ana tautia Tawita, ngke e tiku Tawita b'a e na kaboo ma Baretirai ma ni katekeraoia. Ao e oki Baretirai nakon mwengana,

2.Tamuera 21:17

Ma e roko Abitiai are ai natin Tawita, are tarin Ioaba ni buokia n tiringa kaain Biritia arei. Ma a tua ana tautia Tawita ni kangai, “Ti a aki kariaia b'a ko na manga ira te buaka! Ko na anga te oota nakon ara botannaomata, ao ti tangira te oota anne b'a e na teimatoa n ura.”

Te Otinako 16:29

Uringnga b'a I a tia n anganingkami te bong ni motirawa Ngai ae te UEA, ao bon anne bukina are I aki toki n anganganingkami iai kanami ae tau i nanon te ka onoua ni bong i bukin uabong. B'a a na bane aomata n aki nakonako man te tabo are a mena iai n te kaitiua ni bong, ma n aki kiitan aia auti.”

Te Otinako 18:18

Ko a boni kakorakaiko n reitaki ma aomata. E bon rangi ni bati tabem iai ngkana ti ngkoe.

Te Otinako 18:22

Ko na kam'akuriia b'a taani moti i bukiia aomata, i aon tuua aika a tia ni kamatoaaki. Ao a kona ni uoti taiani kangaanga nako im, ma a kona ni baairei taiani kamangaongao i bon irouia aika uarereke. Ko na rangi ni bebete iai ngkai a i buokanib'aia rawawatam.

Te Otinako 18:24

Ao e karaoa ana reirei Ietero Moote,

M'akuri 15:2

E bo te kauntaeka ae ab'ab'aki i marenaia uakekei ma B'auro ao B'arenaba i bukin te baere a taekinna uakekei; ao a rineaki ngkanne B'auro ma B'arenaba ma raoia tabem'aang mai Antioka b'a a na nako Ierutarem nakoia taan tuatua ma unimm'aane i bukin te baere a kauntaeka iai.

I-Karatia 2:2

I nako b'a tuangau n te kaotioti are roko i rou; ao I tuangiia te euangkerio are I tataekinna i buakoia aomata aika tiaki I-Iutaia; ao I karaoa aei nakoia uake a atoatongaki b'a taani kairiri, ngke ti ngai ma ngaiia, b'a a kaawa ni matebuaka au m'akuri ake I a tia ni karaoi n taai aika nako, ao aika I karaoi ngkai.

1.Tamuera 8:22

Ao E taku te UEA, “Karaoa te b'ai are a tangiria. Karekea aia uea.” Ao e tuangiia aomata Tamuera b'a a na okiri mwengaia.