Te Otinako 18:20 - Te B'aib'ara

²⁰ Ko riai n reireiniia Ana kaetieti te Atua, ma n tuangiia aroia ni maiu, ma baika riai ni karaoi.

Te Otinako 18:20 ပူးပေါင်းရင်းမြစ်များ

Taian Areru 143:8

Ko na kaururingai ni katoa ingaabong n taekan am Tangira ae Teimatoa, B'a I onimakiniko. I tataro nakoim; kaota te kawai ae N na toua.

Taian Areru 32:8

E kaangai te UEA, N na kaota te kawai ae ko na nako iai; N na riki b'a am Tia Reirei, ao N na tarataraiko.

Te Otinako 18:16

Ngkana a roko i rou uoman aomata n taekina bobuakaia, ao I tuangiia Ana babaaire ma Ana tua te Atua.”

Itaia 30:21

E ngae ngkana kam rairaki nakon te angaatai ke te angamaing, ao kam na bon ongo naba te b'anaa ae e kaangai, “Aio te kawai! Kam na iria ngkai.”

Ieremia 42:3

Buubutia te UEA b'a E na tuangiira b'a ia ae E tangirira b'a ti na nako iai ao tera te b'ai ae E tangiria b'a ti na karaoia.”

Ieremia 6:16

E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

Etekiera 3:17

Etekiera ae natin te aomata, I a tia n rineiko b'a ko na teirake n taratara i bukiia Iteraera. Ma ngaia ae, ko na ongora nakon te b'ai ae I taekinna, ao i mwiina ko na taetae i buku ni kauringiia.

Mika 4:2

Ao a kaangai aomata, “Ti a rierakea ana tabuki te UEA, are e mena iai ana Tembora Atuaia Iteraera, b'a E na reireiniira baika E tangirira b'a ti na karaoi. Ti na nakonako i nanon kawai ake E a tia n rinei. A roko ana taeka n reirei te UEA mai Ierutarem, ao E taetae nakoia ana aomata mai Tion.”

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Mareko 13:34

E kabotauaki b'a kaanga ai aron te aomata are kitana mwengana ao e m'ananga nako, ao e anganiia ana toro te mwiokoaki i aoni b'aai nako;

Te Tua-Kaua 1:18

Ao ngke I a tia n anganiia taani moti kaetieti aikai, ao I a manga kab'arab'araa nakoimi ana Tua te UEA.

Te Tua-Kaua 4:1

Iteraera, kam na ongora n taian tua, ao taian reirei aikai. Ngkana kam ongotaeka nako iai, ao kam na maiu, ao ane kam na rin n te aba are e anganingkami te UEA b'a abami. Bon te Atua Ngaia are a taromauriia ami bakatibu,

Te Tua-Kaua 4:5

Bon akea te botannaomata teuana ae raoiroi riki ana tua nakon tuua aika E a tia n tuangai te UEA ae Atuau b'a N na anganingkami. Ngkana kam kakaonimaki nakon tuua aikai ngkana kam rin n te aba, ao kam bon kaotingkami iai nakoia botannaomata tabeua b'a kam wanawana. Ao n te koaua, ao aomata ake a ongo ami tua a na bon kaangai, A bon rangi ni wanawana te botannaomata arei, ao tera te b'ai ae karakai arora nakoia botannaomata tabeua? E raka arora i bukina b'a iai Atuara ae memena i rarikira n taai nako ma ni kaekai ara tataro nako.

Te Tua-Kaua 5:1

Ao e weteia ni kabane Iteraera Moote, ao e taku nakoia: N nang tuangngkami taian tua ma reirei aika kam na iri nanoia, ma ngaia are, kam na kakauongo raoi.

Te Tua-Kaua 5:27

Moote, naako waerake ni kaaniiko ma te UEA n ongo i Rouna. Ao manga okirira n tuangiira, ao ti na karaoi b'aai ni kabane akana E taekin.

Te Tua-Kaua 7:11

Ma ngaia are, kam na kakoaua raoi b'a kam ongotaeka nakon ana Tua ma ana Reirei aika I anganingkami n te bong aei.

1.I-Tetaronike 4:1

Te kabanea ngkanne: taari, ti butingkami ma ni kaungaingkami iroun te Uea are Iesu, b'a ngkai kam a tia n reirei mai roura aromi ni maiu ae riai ae kakukureia te Atua, n aron ae kam b'ainna ngkai ni maiumi, ao kam na kabatia riki karaoana ni maiumi.

1.Tamuera 12:23

Ngkana I katoka au tataro i bukimi, ao I aki ongotaeka iai nakon te UEA! N na reireiningkami n taai nako aromi ni maiuakina te raoiroi.