Te Otinako 18:12 - Te B'aib'ara

¹² Ao i mwiin arei, ao Ietero e a uota te karea ae b'anin ao karea riki tabeua n anga nakon te Atua: ao a bane n iria Aaron ma taani kairiia Iteraera b'a a na kana te iriko ae tabu arei ni bon aron aia taromauri.

Te Otinako 18:12 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 26:25

Ao e karaoa te baonikarea Itaaka ikekei, ao e taromauria te UEA. Ao i mwiina, e katea ana auti n rianna ikekei, ao a manga kena riki te m'anib'a teuana ana toro.

Karikani B'aai 26:30

Ao e a karaoa ana baka n am'arake Itaaka ma ngaiia, ao a am'arake ma ni mooi.

Karikani B'aai 31:54

E tiringa te man, ao e anga b'a te karea i aon te maunga, ao e kaoiia ana aomata nakon ana baka n am'arake, ao a tiku ni kangainaa i aon te maunga.

Karikani B'aai 4:4

Ao e a manga uota ana tiibuteteei ae te moani bungiaki teuare Abera, ao e tiringnga, ao e anga m'akorona ake a raraoi b'a ana karea. Ao E kukurei te UEA iroun Abera i bukin ana karea,

Karikani B'aai 43:25

Ao a katauraoi aia b'ai n tangira i m'ain rokon Ioteb'a n te tawanou, b'a a tia n tuangaki ae a na katawanou n am'arake ma ngaia.

Karikani B'aai 8:20

Ao e karaoa te baonikarea Nooa i bukin te UEA, ao e anaa kakatemanna te man ae kawakawa mai buakoia maan aika kawakawa ake a itiaki, ao mani mannikiba naba ake a itiaki, ao e kabuoki ni kab'anini b'a taiani karea i aon te baonikarea.

2.Tamuera 9:7

Ao e taku Tawita, “Ko na aki maaku. N na akoiko b'a ngaia tamam Ionatan. N na anganiko te aba are ana b'ai tibum are Tauro. Ao i rarikin anne, ko na am'aam'arake i rarikiu n au taibora.”

2.Rongorongo 30:22

Ao Etekia e kaaitauia kanoan Rewi i bukin karaoan taian m'akuri ae e raoiroi, are kairiia aomata i nanon waakin te bootaki. A bukamarua te Toa taan taromauri i nanon itiua te bong n anga taian karea, ao ni kang taian am'arake ake a tabu, ao n neboa te UEA are Atuaia aia bakatibu.

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Iobi 42:11

Ao a bane n roko tarin Iobi ma m'anena ni kawaria n am'arake ni kukurei ma ngaia n ana auti. A kaota reitakiia n te rawawata, ma ni kabebetea i bukin taiani kangaanga ake E karokoi te UEA i aona. Ao Ngaiia n tatabemaniia nako, a anganna tabeua te m'ane, ao te m'am'a te koora.

Iobi 42:8

Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Te Otinako 18:13

Ao n te ingabong are i mwiina, ao e tabe Moote ni katoka te mangaongao i marenaia aomata, ao e rangi n tabetabe man te ingabong ni kabongnga.

Te Otinako 2:16

ao a roko itiman natin Ietero are ibongan Miria, b'a a na kamoiia ana tiibu ma ana kooti tamaia.

Te Otinako 2:20

Ao e taku Ietero, “Ao e ngaa te mm'aane anne? E aera ngkai kam kiitanna ikekei? Kanakomaia b'a e na am'arake.”

Te Otinako 20:24

Kam na karaoa te baonikarea man te tano i buku, ao kam na kabuoka i aona te karea ae ami tiibu, ao ami kao b'a ami karea ae na kabuokaki ni kabane b'a taiani karea n raoi. N na bon kawaringkami ni kakab'aiaingkami n taabo ni kabane ake I a tia ni katabui b'a ami tabo n taromauri.

Te Otinako 24:11

E bon aki katuaaia taani kairiiri aikai te Atua e ngae ngke a nooria. Ma ngaia are, a am'arake ma ni mooi.

Te Otinako 24:5

E bon kanakoia naba tabeman rorobuaka b'a a na kabuoka te angab'ai ao te karea are te kaomm'aane b'a te raka n angab'ai nakon te UEA.

Te Otinako 3:1

N te bong teuana, ao Moote e tararuaia ana tiibu ma ana kooti taman buuna are Ietero are ibongan Mirian. Ao e iangoia Moote b'a e na kairiia maan ri nanon te rereua nako Tinai, te maunga are e tabu.

Te Otinako 33:7

E tataneiai Moote ni kaakatea ana auti n rianna ni kararoa ma aia maeka. E aranna b'a “te auti ni kabowi”, ao a nako iai aomata akana a tangiria ni kan ongo te rongorongo mairoun te UEA.

Taniera 10:3

I aki am'arake ni kang am'arake aika a raraoi ke taian iriko ni man, ke ni mooi n te wain, ke ni kaara iran atu ni karokoa banen tenua te wiiki.

Warekaia Iteraera 10:29

Ao e mena ikekei Obaba are kaain Miria are taman buun Moote, ao e taku Moote nako ina, “Ti nang nako nakon te tabo are E a tia ni berita iai te UEA nako ira. E a tia n taku b'a a na akea te kangaanga ae ti na bo ma ngaia. Ma ngaia are, ko na iriira b'a ti na bon tararuaiko raoi b'a a na akea naba te kangaanga iroum.”

Ruka 14:1

N te Taabati teuana, ngke E rin Iesu b'a E na am'arake n ana auti te B'aritaio temanna ae kakannato, ao a tarataraia te koraki ake a mena ikekei.

Ruka 14:15

Ngke e ongo taeka aikai temanna i buakoia aomata ake a rarikiriki n am'arake ma Iesu, ao e taku nako Ina, “E a kab'aia te aomata are na am'arake n uean te Atua!”

1.I-Korinto 10:18

Kam na tarai aroia te botannaomata ae Iteraera: tiaki b'a a buokanib'ai n te taromauri n anga-karea aia koraki ake a kang am'arake ake karea?

1.I-Korinto 10:21

Kam aki kona ni moi man ana m'angko te UEA ao man aia m'angko taimonio. Kam aki kona n uaia n am'arake n ana taibora te UEA ma aia taibora naba taimonio.

1.I-Korinto 10:31

Ma ngaia aei, b'a ngkana kam am'arake ke kam moi, ke kam karaoa riki te b'ai teuana, ao kam na karaoi ni kabane i bukin neboakin te Atua.

Te Tua-Kaua 12:7

Kam na aki manga anga te karea n taabo nako ike kam tangiria ni karaoia iai, ma E nang rinea te tabo teuana te UEA i aon Iteraera ike kam na taromauriia iai.

Te Tua-Kaua 27:7

I mwiin anne, kam na anga te karea n raoi, ao kam na tib'aa te am'arake are tabu n te tabo are kam karaoa iai te bootaki i bukin karinean te UEA.