Te Otinako 18:11 - Te B'aib'ara

¹¹ I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Te Otinako 18:11 ပူးပေါင်းရင်းမြစ်များ

1.Uea 17:24

Ao e taku neierei, “Bon Ana burabeti te Atua ngkoe. I a bon ataia ngkai b'a ko bon taetae mairoun te UEA.”

2.Uea 5:15

Ao e okirikaaki Naaman ma ana mataniwi nakon Eritai. E tei Naaman i matan Eritai, ao e katanoata ni kaangai, “I a bon ataia ngkai b'a bon ti te Atua n te aonnaba aei Atuaia Iteraera. Teuae ko karineaki! taiaoka butim'aea au b'aintangira aei.”

1.Rongorongo 16:25

E korakora te UEA ao ti bon riai n anganna ara nebonebo ae moan te bati! Bon ti Ngaia te Atua ae e riai taromauriana iroura

2.Rongorongo 2:5

E na riki b'a te Tembora ae moan te kakannato, i bukina ngke E kakannato riki Atuara nakoia anti ake tabem'aang.

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Neemia 9:16

A aki ongotaeka ara bakatibu ake a taningabono a m'aninga taekan taian kakai ake ko a tia ni karaoi i bukiia, ao a iangoia b'a a na okira Aikubita ma ni manga riki naba b'a taian toro.

Neemia 9:29

Ko kauringiia b'a a na rairaki nakoim ao a na kunea te maiu ni koaua ngkana a ongotaeka nakon am tua nako. Ma a bon rangi n rawa ao a teimatoa ni kaakaraoa te bure.

Taian Areru 119:21

Ko boaiia akana kainikatonga, a na reke kaiia, akana aki ongeaba nakon am Tua.

Taian Areru 135:5

I ataia b'a E kakannato te UEA, E kakannato riki nakoia anti ni kabaneia.

Taian Areru 31:23

Kam na bane n tangira te UEA, ngkami akana ana Aomata akana onimakinna; E kawakinia akana kakaonimaki te UEA, Ma E kabatia kain ane kainikatonga.

Taian Areru 95:3

B'a bon te Atua ae kakannato te UEA, ao E m'aaka i aoia atua ni kabaneia.

Taian Areru 97:9

Bia Ngkoe, te UEA, Ko tautaeka i aonnaba ni bane; Ko rangi ni kakannato nakoia anti ni kabaneia.

Te Otinako 1:10

Ao ane a na kaaina aia taanga ni buaka ara kairiribai n tain te buaka ma ni manga buakaniira ma ni biri nako mai abara. Ti riai ni kakaaea katokan rikirakeia.”

Te Otinako 1:16

“Ngkana kam kabungiia aine aika Ebera, ao kam na tiringa te tei ngkana te mm'aane, ma kam na kamaiua ngkana te aine.”

Te Otinako 1:22

Ao n tokina ao e kanakoa ana katanoata te uea nakoia ana aomata ni kaangai, “Anaia naati mm'aane ni kabane aika a tib'a bungiaki, aika Ebera, ao karenakoia nako nanon te Naire, ma kam na kamaiuia aine.”

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 12:12

N na ri nanon te aba are Aikubita nakon te tairiki, n tiringiia karimoa mm'aane; natiia aomata ma maan, ao N na katuaaia antin Aikubita. Bon te UEA Ngai.

Te Otinako 14:18

Ngkana I konaiia, ao a na bon ataia iai kaain Aikubita b'a bon te UEA Ngai.”

Te Otinako 14:8

Ao e tao rimwiia Iteraera ake a m'ananga nako ma te kakatonga te uea, i bukina ngke a boni kataningamatoaaki i roun te UEA ae te Atua.

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Te Otinako 5:2

Ao e kaeka te uea ni kaangai, “Antai te UEA aei, ao bukin tera ngkai N na ongotaeka i Rouna? I rawa ni kanakoi ngkami ma ami aomata!”

Te Otinako 5:7

Akea te uteute ae kam na anganiia tooro b'a a na kamatoai aia buriki iai. Kairoroia b'a a na bon kakaei aia uteute n taabo n aki akaaka,

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Warekaia Iteraera 33:4

Ma ngaia are, ngke a tabe n tauniia maate, ao a tarataraia Iteraera ngke a tabe ni kakatonga ni m'anangaia ni kiitana abaia.

Ruka 1:51

E karaoi m'akuri aika m'aaka ni baina, E kamaaeia nako akana kainikatonga n iangoan nanoia.

Iakobo 4:6

Ma E kabatia te akoi n anga; ao anne bukin are e kaangai te B'aib'ara.” “E rawa nakoia akana kainikatonga te Atua; Ma E angania akana nanorinano te akoaki.”

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”

1.Tamuera 2:3

I kona n tuangiia aomata aika kamoamoa ni kaangai, “Katoka ami kamoamoa! Bon akea te b'ai teuana ae raba mairoun te UEA, ao e baairei baika ti karaoi.”