Te Otinako 18:10 - Te B'aib'ara

¹⁰ ao e taku, “E neboaki te UEA are E kamaiuko mairoun uean Aikubita ma kaaina! E neboaki te UEA are kamaiuia Ana aomata man te tautoronaki!

Te Otinako 18:10 ပူးပေါင်းရင်းမြစ်များ

Karikani B'aai 14:20

E na neboaki te Atua ae Moan te Rietaata are E anganiko te tokanikai i aoia am kairiribai.” Ao Aberam e angan Merekitereka teuana te katebwina man b'aai ake e uoti rikaaki man te buaka.

Karikani B'aai 24:27

Ao e taku, “E na neboaki te UEA, ae Atuan au toka are Aberaam, ae bon kakaonimaki ni kakoroa bukin ana Berita ma au toka. E a tia ni kairai raoi te UEA nakoia ana koraki au toka.”

2.Tamuera 18:28

Ao e weewete Aimaati ni kaangai, “Ti tokanikai! Ti tokanikai!” Ao i mwiina, e bobaraaki ni karinanoa nakon Tawita ao e kaangai, “Te uea ae ko karineaki, neboa te UEA ae Atuam! E a tia n anganiira te tokanikai i aoia ana kairiribai.”

1.Uea 8:15

Ao e taku: Neboa te UEA ae Atuan Iteraera. E kaotinakoia ana Aomata man te aba are Aikubita n taai ake ngkoa. Ao i mwiina riki, E kakoroa bukin ana Berita ni karika tamau are Tawita b'a uean Iteraera. Ao e taku naba te UEA b'a E tuai n rinea te kaawa are e na karaoaki iai te tembora.

1.Uea 8:56

Neboa te UEA. E a tia ni kaawakina ana berita ma n anganiira te rau. E a tia ni koro bukin ana berita ni kabane ake E berita iai nakon ana toro are Moote.

Taian Areru 41:13

E na karaoiroaki te UEA, ae Atuaia Iteraera! E na karaoiroaki ngkai ao n aki toki! Amen! Amen!

Ruka 1:68

E na neboaki te Uea, ae Atuaia Iteraera! b'a E kawariia ana aomata ao E kamaiuia,

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

1.I-Tetaronike 3:9

B'a tera katituaraoan te Atua ae ti kona n anganna i bukimi, i bukin te kim'areirei ni kabanea ae ti kim'areirei iai i bukimi i matan te Atua?

1.Betero 1:3

E na karaoiroaki te Atua ae Taman ara Uea are Iesu Kristo, b'a man ana nanoanga ae bati ao ti a anganaki te maiu ae boou ma te kaantaninga ae nene ni manga-utin Iesu Kristo man te mate;

1.Tamuera 15:6

Ao a maeka kaain Kenaite i rarikin te tabo arei, ao e taku Tauro nakoia, “A bon rangi n akoi ami aomata nakoia Iteraera ngke a otinako ara botannaomata mai Aikubita, ao I aki tangiriko b'a ko na mate ngkana ti tiringiia kaain Amareka. Ma ngaia ae, kam na kiitana ikai ni kararoaingkami mairouia.” Ao a nako kaain Kenaite,

1.Tamuera 25:32

E taku Tawita nakon neierei, “E na neboaki te UEA, ae Atuaia Iteraera, are E kanakomaiko n te bong aei b'a ko na kawarai!