Te Otinako 18:1 - Te B'aib'ara

¹ Ao Ietero are ibongani Mirian, are tamani buun Moote, e ongo aron b'aai ni kabane ake E a tia ni karaoi te UEA nakoni Moote ma Iteraera ngke E kaotinakoia mai Aikubita.

Te Otinako 18:1 ပူးပေါင်းရင်းမြစ်များ

Taian Areru 105:43

Ma ngaia are ngke E kairiia nako ana Aomata, Ao a anene n takaakaa ni kim'areirei.

Taian Areru 105:5

Kam na uring ana m'akuri ake a kamimii ake E karaoi, Ana kakai ma ana moti ake a tia,

Taian Areru 106:2

Ai antai ae kona n tataekina taekan ana m'akuri te UEA aika ab'ab'aki? Ao ai antai ae kona ni kaota karaoiroana ni kabanea?

Taian Areru 34:2

N na karaoiroia i bukini baika E a tia ni karaoi; A na kukurei akana karawaawataaki ngkana a ongo taekana!

Taian Areru 44:1

Te Atua, ti ongo n taningara, Ti kaongoaki irouia ara bakatibu taekan am M'akuri ake Ko karaoi ni boong ake ngkoangkoa:

Taian Areru 78:4

Ti na aki karabai mairouia ara ataei; Ti na tuangiia kaain te roro ae i mwira taekani m'akan te UEA ma m'akuri aika ab'ab'aki ma ni kamimii ake E a tia ni karaoi.

Te Otinako 2:16

ao a roko itiman natin Ietero are ibongan Miria, b'a a na kamoiia ana tiibu ma ana kooti tamaia.

Te Otinako 2:18

Ao ngke a oki natin Ietero aine akekei nakon mwengaia, ao e a titirakiniia tamaia ni kaangai, “E aera ngkai kam moantaai n oki n te bong aei?”

Te Otinako 2:21

Ao e kukurei Moote n tiku iroun Ietero, are e a manga anga rimwi natina te aine are Nei Tibora b'a e na mare ma Moote.

Te Otinako 3:1

N te bong teuana, ao Moote e tararuaia ana tiibu ma ana kooti taman buuna are Ietero are ibongan Mirian. Ao e iangoia Moote b'a e na kairiia maan ri nanon te rereua nako Tinai, te maunga are e tabu.

Te Otinako 4:18

Ao e nako Moote nakon taman buuna are Ietero ao e butiia ni kaangai, “Taiaoka ma kariaia b'a N na okira Aikubita b'a N na nooria ngkana iai nikiraia au aomata aika a maiu.”

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Tekaria 8:23

Ane a na taua bain te I-Iutaia tengaun aomata man botannaomata aika a kakaokoro aia taetae ao a na kaangai, “Ti na iriko. Ti a tia n ongo b'a E tei Atuami i bukimi.” Bon aei Au taeka Ngai ae te UEA ae Moan te M'aaka!

Warekaia Iteraera 10:29

Ao e mena ikekei Obaba are kaain Miria are taman buun Moote, ao e taku Moote nako ina, “Ti nang nako nakon te tabo are E a tia ni berita iai te UEA nako ira. E a tia n taku b'a a na akea te kangaanga ae ti na bo ma ngaia. Ma ngaia are, ko na iriira b'a ti na bon tararuaiko raoi b'a a na akea naba te kangaanga iroum.”

M'akuri 14:27

Ao ngke a roko i Antioka, ao a botiia kaain te ekaretia, ao a karakini b'aai ni kabane ake E karaoi te Atua i rouia, ma arona ngke E kauka mataroan te onimaki nakoia aomata aika tiaki I-Iutaia.

M'akuri 15:12

A bane n aki karongoa aomata ngke a ongora irouni B'arenaba ma B'auro, ngke a karakin taekani kanikina ma m'akuri aika kamimii ake E karaoi te Atua i rouia i buakoia aomata aika tiaki I-Iutaia.

I-Rom 15:18

B'a N na ninikoria n taekina te baere E a tia ni karaoia Kristo i rou n au taeka ma au m'akuri i bukini kairaia aomata aika tiaki I-Iutaia, b'a a aonga n ongeaba nakon te Atua.

Iotua 2:10

Ti a tia n ongo rongorongon te UEA ngke e kaoraa Taari are e Uraura i m'aaimi ngke kam kiitana Aikubita. Ti ongo naba rongorongomi ngke kam tiringiia uean Amoraite ake Taion ma Oka, ake i mainikun te Ioretan.

Iotua 9:9

Ao a karakina aia rongorongo ae kaangai, “Ti bon roko man te aba ae raroa kinokino, b'a ti a tia n ongo taekan te UEA ae Atuami ma baike e karaoi ni kabane i Aikubita,

Tani Motiki-taeka 1:16

Aomata ake kaain te kaainga are Ken boni ngaiia kanoan ai taman Moote. A uaia ni kiitana Ieriko ma kaain Iuta, ao a tiku ni maeka i rarikin Arata n Rereuan Maiaki n aki raroa ma kaain Amareka.

Tani Motiki-taeka 4:11

Ao n te tai aei, e maeka Ebera are kaain te kaainga are Ken i rarikin te kaawa are Oke i Taanannim, e aki rangi n raroa mai Keteti. A nako kaain te kaainga are Ken mairoun Obaba, taman buun Moote, ma e a tia ni m'aing nako Ebera ma ni katea ana kaemb'a ni kararoa ma te kaainga.