Te Otinako 17:6 - Te B'aib'ara

⁶ N na tei i m'aaim i aon te b'a are n te Maunga are Tinai. Ko na orea te b'a, ao ane na tiinako te ran man te b'a i bukin nimaia aomata.” Ao e karaoa arei Moote i mataia aia taani kairiri Iteraera.

Te Otinako 17:6 ပူးပေါင်းရင်းမြစ်များ

Neemia 9:15

Ngkana a baki, ao Ko kanakoa te kariki mai karawa, ao ngkana a taka, ao Ko katiinakoa te ran man te b'a. Ao i mwiina, Ko tuangiia b'a a na taua te aba are Ko a tia ni karaoa am berita ae e matoa iai.

Taian Areru 105:41

E katabwena te b'aa, ao e ti nako te ran, Ao e raanga nako nanon te rereua b'a kanga te karaanga.

Taian Areru 114:8

Are onika te b'aa b'a te neinei n ran, ao te atibu b'a te koburakenran.

Taian Areru 46:4

Iai te karaanga ae uota te kim'areirei nakon te kaawa are ana tabo ni maeka ae tabu te Atua are Moan te M'aaka.

Taian Areru 74:15

Ko kaawa nako ranin taiani karaanga ma koburakenran; Ko kakeai ranin karaanga aika ab'ab'aki.

Taian Areru 78:18

A aki manrerei ngke a kataa te Atua ngke a tua b'a e na karekeaki kanaia are a tangiria.

Taian Areru 78:20

E koaua b'a E orea te b'a, ao e raanga nako te ran ae korakora b'arona; Ma E kona naba ni karekea te am'arake i bukira? E kona ni karekea te iriko-maiu nakoia ana botannaomata?”

Taian Areru 81:7

Ngke kam reke n te kaangaanga, ao kam weteai ao I kamaiungkami. I buokingkami man au tabo ni karabai are n te angibuaka ma te baa. I kataingkami i rarikini koburaken raan i Merib'a.

Te Otinako 14:16

Tabekaarake okom, ao aroria i aon taari. Ane e na bwenauaaki taari, ao a na kona Iteraera n nakonako i nanon taari i aon te tano ae m'au.

Te Otinako 16:10

Ao e taetae Aaron nakoia te botannaomata arei ni kabane, ao a tei ni kaaitaraa te rereua Iteraera ni kabane, ao e karina ni kaoti raitiitin ootan te UEA nakoni Moote.

Itaia 48:21

E kairiira i nanon te rereua ao e karaanga nako te ran man te b'a ni katoki nanoia aika a taka.

Warekaia Iteraera 20:8

ao tuanga te b'a anne b'a e na anganiko te ran. Ao anne arom ni karekea te ran nako ia Iteraera ma aia nanai ni man.”

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

1.I-Korinto 10:4

ao a bane naba n nima te moi n Tamnei ae ti te arona, are E anganiia te Atua ni m'aakana. B'a a moi man te b'a are e iririia, are te b'aa are mairoun te Atua; ao te b'aa arei boni Kristo.

Te Tua-Kaua 1:2

Tebwi ma teuana te bong kawaran Kaatetib'aania mai Oreb'a n te kawai are Tabukin Teira.

Te Tua-Kaua 8:15

Kam na uring naba arona ngke E kairingkami n te rereua are rangi ni korakora ma ni kakamaaku, ike a mena iai taiani naeta, ao tikaobian aika kamamate. Bon akea te ran, ma E katabwena te b'a te UEA, ao e tiinako te ran, ao kam a mooi iai.

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.