Te Otinako 17:15 - Te B'aib'ara

¹⁵ Ao e katea te baonikarea Moote, ao e aranna ni kaangai, “Bon au man n tokanikai te UEA.”

Te Otinako 17:15 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 12:8

Ao i mwiin anne, ao e a manga m'ananga nako aiaki nakon te aba are tabukibuki are i mainikun te kaawa ae buubura are Betaera, ao e katea ana maeka i marenan Betaera are i maeao ma Ai are i mainiku. E katea naba ikanne ana baonikarea, ao E taromauriia te UEA.

Karikani B'aai 22:14

Ao e arana te tabo arei Aberaam b'a “E karekea te UEA.” Ao a kaangai aomata ni boong aikai, “E na karekeaki i aon ana Maunga te UEA.”

Karikani B'aai 33:20

E katea te baonikarea ikekei, ao e aranna b'a Era-eroe-Iteraera, Atuaia Iteraera.

Taian Areru 60:4

Ko a tia ni kanakoa am Taeka ni Katauraoi nakoia ake iai karineam irouia, b'a a aonga ni maiu man te kabuanib'ai ngkana e roko.

Te Otinako 24:4

Ao i mwiina, e korei b'aai nako Moote ake taekin te UEA. Ao e uti Moote n te ingabong are i mwiina. E karaoa te baonikarea i oin te maunga ao e katea te atiibu ae rangi ni buubura i bukiia barongan nako Iteraera n tatabeua nako.

Te Otinako 27:1

Karaoa te baonikarea man te kai ae te aketia ae uoua ma te kuata ni miita raababana ma ab'akina ae teuana ma te katenim'akoro rietana,

Te Otinako 32:5

Ao ngke e nooria Aaron b'a a rangi ni kukurei aomata iai, e manga katea te baonikarea i matan te bouannanti ao e taku, “Nakon te ingabong, ti na karaoa ara bootaki are karinean te UEA.”

Tani Motiki-taeka 6:24

Ao e karaoa te baonikarea Kiteon i bukin taromaurian te UEA, ao e aranna b'a “E kamaunanakoi makura te UEA.” Ao bon are e tei naba ngkai i Obera, te kaawa are i abaia kaain te kaainga are Abietera.