Te Otinako 16:6 - Te B'aib'ara

⁶ Ao e taku Moote ma Aaron nakoia Iteraera ni kabane, “Nakon te tairiki aei, ao kam na ataia b'a bon aei te UEA are kaotinakoi ngkami mai Aikubita.

Te Otinako 16:6 ပူးပေါင်းရင်းမြစ်များ

Taian Areru 77:20

Ko kairiia am Botannaomata irouni Moote ma Aaron, kanga ai aron te tia kawakin-tiibu ngkana e kaira te nanai n tiibu.

Taian Areru 81:11

“Ma e aki kan ongo irou au botannaomata; Iteraera e aki kan ongeaba naba.

Te Otinako 12:51

N te bong anne, ao te UEA e kairiia aia baronga Iteraera ni kaotinakoia mai Aikubita.

Te Otinako 16:3

ao a taku nako ia, “Ti bia kaman tiringaki iroun te UEA ngke ti boni mena i Aikubita. Ngke ti mena n te tabo ike ti tekateka ma karara taian irikomaiu ni katoki nanora n aekaki n am'arake nako ake ti tangiri. Ma ko uotiira mai b'a ti na mate ni baki i nanon te rereua aei.”

Te Otinako 16:8

Ao e taku Moote, “Bon te UEA ae na anganingkami te iriko are kam na kanna nakon te tairiki, n ai aron m'aitin te kariki ae kam kakanna n te ingabong, i bukina b'a E a tia n ongo m'aitin ngurenguremi nako Ina. B'a ngkana kam ngurengure nako ira, ao kam boni ngurengure iai nakon te UEA.”

Te Otinako 32:1

Ao ngke a nooria aomata b'a e a rangi ni maan Moote i aon te maunga, ao a nako nakon Aaron ao a taku, “Karaoa taamnein antira are e na kairiira ma ni kaawakiniira. E kaotinakoira Moote mai Aikubita, ma bon akea temanna ae ataia b'a tera ae e a tia n riki nako ina.”

Te Otinako 32:11

Ao e kataia Moote ni butiia te UEA ae te Atua b'a E na bita nanona: Ara UEA. Ko kamanenaa ngkoa korakoran m'aakam ni kaotinakoia aomata aika mai Aikubita. I butiko b'a Ko na aki un i rouia ngkai ma ni karaoi taekaia.

Te Otinako 32:7

E taku te UEA nakon Moote: Kawaekoako n oki rikaaki! A riki b'a kaanga baaba aomata ake ko kaotinakoia mai Aikubita.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Warekaia Iteraera 16:28

Ao e taku Moote nako ia aomata, “E a tia n rineai te UEA, ao E tuangai b'a N na karaoi baikai, bon tiaki au iango. Ao kam na noora koauana n te tai aei:

Warekaia Iteraera 16:30

Tera ngke E karaoa te m'akuri teuana te UEA ae bon tuai man nonoraki mai m'aaina, ao tera naba ngke e a ti tabwena naba te tano, ao a b'aka naba mm'aane aikai ma aia utu nako nanona, ao a manga taunaki naba iai ngke a boni maiu, ma aia b'ai ni kabane? Ao ane kam na ataia n te aro anne b'a ngaia a bon tia uaakai n tannako mairoun te UEA!”