Te Otinako 16:4 - Te B'aib'ara

⁴ Ao E taku te UEA nakoni Moote, “Ngkai N nang kab'aka te am'arake mai karawa kaanga te karau i bukimi ni kabane. A na otinako aomata ni katoa bong n rikoi kanaia ae bon tau i bukin anne. Ao N na kona ni kataia n te aro anne b'a a na iri au kaetieti ke a na aki.

Te Otinako 16:4 ပူးပေါင်းရင်းမြစ်များ

Neemia 11:23

ma ngaia are, e babaaireaki aron te katangitang ma taani katangitang n te bongi teuana ma teuana iroun uean Botia.

Neemia 9:15

Ngkana a baki, ao Ko kanakoa te kariki mai karawa, ao ngkana a taka, ao Ko katiinakoa te ran man te b'a. Ao i mwiina, Ko tuangiia b'a a na taua te aba are Ko a tia ni karaoa am berita ae e matoa iai.

Neemia 9:20

Am tangira ae e roko raoi boni ngaia ae e reireiniia, ao Ko anganiia te maana b'a a na kanna ao te ran b'a a na nimma.

Taian Areru 105:40

Ngke a bubuti, ao E kanuaia n te am'arake ae bati mai karawa, ake taiani mannikiba.

Taian Areru 78:23

Ma E taetae nakon taian nang, Ao E tua b'a a na uki mataroani karawa;

Te Otinako 15:25

Ao e kakorakora n tataro Moote nakon te UEA, ao E kaota te m'akoro ni kai te UEA nako ina, ao e karenakoa te kai Moote nako nanon te ran; ao e a riki naba ni mam te ran arei. Ao te UEA, E anganiia ikekei taian tua are a na maiuakinna, ao E boni kataia naba ikekei

Te Otinako 16:15

Ao ngke a nooria Iteraera, ao a aki ataia b'a tera, ao a titiraki i bon i rouia, ao a taku, “Tera te b'ai aei?” Ao e taku Moote nako ia, “Bon aei te am'arake ae e a tia te Atua n anganingkami b'a kanami

Taeka n Rabakau 30:8

Ko na karikai b'a te aomata ae e raoiroi ao ko na aki karikai b'a te aomata ae e rangi ni maiu ni kainano ke n rangini maiu ni kaub'ai. Ko na ti anganai baika I kainanoi.

Mataio 6:11

Ko na anganira karara ae ti a tau iai n te bong aei.

Ruka 11:3

Anganira karara ae ti kainanoia n te bongi teuana ma teuana.

1.I-Korinto 10:3

A bane ni kana te am'arake n Tamnei ae ti te arona, are E anganiia te Atua ni m'aakana

Te Tua-Kaua 8:16

Ao E anganingkami naba te maana, te aekaki n am'arake ae a tuai ma ongongo taekana ami bakatibu. E kataingkami te UEA b'a kam aonga n onimakinna, b'a E aonga ni karaoa ae raoiroi nakoimi rimwi.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”