Te Otinako 16:3 - Te B'aib'ara

³ ao a taku nako ia, “Ti bia kaman tiringaki iroun te UEA ngke ti boni mena i Aikubita. Ngke ti mena n te tabo ike ti tekateka ma karara taian irikomaiu ni katoki nanora n aekaki n am'arake nako ake ti tangiri. Ma ko uotiira mai b'a ti na mate ni baki i nanon te rereua aei.”

Te Otinako 16:3 ပူးပေါင်းရင်းမြစ်များ

2.Tamuera 18:33

Ao e a ruru Tawita. Ao i mwiina, e waerake nakon te ru are i etan mataroan te kaawa n tang iai. Ao e b'aeb'aeti ngke e tabe ni m'ananga ao e taku, “Natiu ae Abetarom! Natiu ae Abetarom! Natiu, natiu ae Abetarom! Tera ngke I mate n onea mwiim! Abetarom, natiu, natiu!”

Iobi 3:1

Ao n tokina, e a taetae Iobi ni karereantia te bong are bungiaki iai

Iobi 3:10

Karereantia te tairiki anne i bukina ngke e karika bungiakiu b'a N na noori taiani kanganga ma karawawata.

Iobi 3:20

Bukin tera ngkai n na maiuakina te maiu ae kangaanga mani kammaraki?

Taian Areru 107:5

A mate ni baki, ao a taka, ao a b'ara nanoia.

Taian Areru 78:19

A taetae n eekaanako te Atua ao a kaangai, “E kona n reke te am'arake iroun te Atua n te rereua?

Taian Areru 78:25

A kang kanaia anera, A anganaki iroun te Atua b'aai ni bane ake a tangiri.

Te Otinako 14:11

Ao a taku nakoni Moote, “E raoiroi riki ngke ti taunaki n taian ruanimate ake i Aikubita, nakon ae ko kairira mai b'a ti na mate i nanon te rereua! Noora te b'ai ae ko a tia ni karaoia ngkai nako ira, ngkai ko uotiira nako mai Aikubita!

Te Otinako 17:3

Ma a bon rangi ni bora n taka aomata, ma ngaia are, a boni ngurengure naba nakoni Moote, ao a taku, “E aera ngke ko kaotinakoira mai Aikubita? Ko na tiringiira ma ara ataei ao ara man n te taka?”

Te Otinako 2:23

A bon teimatoa naba Iteraera ni ngurengure i mwiin maten uean Aikubita i bukina ngke a kairoroaki b'a a na riki b'a tooro. Ao a tang ni buubuti buokaia,

Te Otinako 5:21

Ao a taku mm'aane akekei, “E a tia ngkai te UEA n iangoia b'a E na katuaaingkami ni kauoman ngkai kam a tia ni kauna te uea nako ira. Ao ngkai e nang tiringiira.”

Ieremia 2:6

A rawa ami bakatibu ni buubutiai buokaia, e ngae ngke I a tia i kamaiuia mai Aikubita ma ni kairiia i nanon te rereua ae e kamaamate ae akea kain aona, ike akea ae maeka iai ke ni kataia ni m'ananga i nanona.

Ieremia 42:14

Ti na nako Aikubita, ike e m'aiti iai te am'arake ao akea naba te bubuaka iai.”

Ieremia 44:17

Ti a tia n berita b'a ti na taromauria te anti are Nei Atiterota, are te Ueanaine i Karawa, ao bon anne raoi te b'ai ae ti na karaoia. Ti na kabuoka te b'ai ni kaboiarara nakoina ao n anga te karea are te wain nakoina, n arora, ma ara bakatibu, ao ara taani kairiiri ngke ti maeka ngkoa i Ierutarem ao kaawan Iuta nako. A a bon rangi ni m'aiti karara. Ti a maiu ni kaub'ai, ao bon akea te b'ai teuana ae e buakaka ae a tia n riki nakoira.

B'aeb'aeti 4:9

E raoiroi riki mateia ake a mate n te buaka nakon mateia ake a mate n te baki, b'a akea kanaia are a na maiu iai.

Warekaia Iteraera 11:15

Ngkana arom aei nako iu, ao e raoiroi riki ngkana Ko tiringai ngkai b'a e aonga n toki rawawatau!

Warekaia Iteraera 11:20

A ngurengure nako iu, ao a tangiria n okira Aikubita. Ao ngkai a nang kang iriko ni karokoa marakin birotoia.

Warekaia Iteraera 14:2

ao a ngurengure nakon Moote ma Aaron ao a taku, “E raoiroi riki ngke ti mate i Aikubita, ke n te tabo teuana i nanon te rereua!

Warekaia Iteraera 14:3

E boni kairiira n nako Kanaan te UEA b'a ti na bane n tiringaki ma n tauaki ara aine ma ataei b'a taenikai? E raoiroi riki ngke ti mena i Aikubita.”

Warekaia Iteraera 16:13

E bon buakaka arom ngkai ko a tia n anaira mai abara ake a tamaroa i Aikubita b'a ti na mate n te rereua aei. Ao ngkai ko a manga kani b'aotiniira n aki akaaka!

Warekaia Iteraera 16:41

Ao n te bong are i mwiina, ao a manga ngurengure naba Iteraera nakoni Moote ma Aaron, ao a taku, “Kam a tia n tiringiia Ana aomata te UEA ngkami akana uoman!”

Warekaia Iteraera 21:5

ao a ngurengure nakon te Atua, ao a taku nakon Moote, “Ko bon kaotinakoira mai Aikubita b'a ko na tiringiira n te rereua? Bon akea te ran ikai, ao a aikoa rin am'arake aika buakaka aikai!”

M'akuri 26:29

Ao e taku B'auro, “E kimototo ke e ananau, bon au tataro nakon te Atua b'a ko bia riki n arou, ngkoe ma aomata ni kabaneia aika ongora i rou n te bong aei, ma ti taurekereke aikai b'a kam na aki kabaeaki iai!”

1.I-Korinto 4:8

Kam a kaman rauaki! Kam a kaman riki b'a kaub'ai ngkami! Kam a tia n riki b'a uea, ao ngaira b'a aomata aika akea wareia. Kam bia bon riki b'a uea ngkami, b'a ti aonga n uea naba ma ngkami.

2.I-Korinto 11:1

Kam bia taon nanomi nakon nanobabau ae teutana; kam na bon taon nanomi nako iu.

Te Tua-Kaua 28:67

N te ingabong koraki kam na uti n noori b'aai aika rangi ni kakamaaku, ao ane kam na kaangai n tatabemaningkami, “Tera ngke e a bong!” Ma ngkana e a bong, ao ane kam na manga maaku ao kam na kaangai, “Tera ngke e a ngaina!”

Te Tua-Kaua 8:3

ma ngaia are, E karaoingkami b'a kam na baki. Ao i mwiina E anganingkami te maana, te aekaki n am'arake ae a bon tuai man ongongo taekana ami bakatibu. E reireiningkami te UEA b'a a aki ti kainanoa te am'arake aomata i bukin maiuna--a kainanoa Ana taeka ni kabane te UEA ake E taekin.

Iotua 7:7

Ao e taku Iotua, Ara UEA ae moan te rietaata, e aera ngkai Ko uotiira ri aon te Ioretan nako ikai? Ko na anga ngaira nako nanoni baiia Amoraite? Ko na tiringiira? E raoiroi riki ngke ti tiku i mainikun te karaanga?