Te Otinako 16:28 - Te B'aib'ara

²⁸ Ao E taku te UEA nakoni Moote, “E aera ngkai kam aki kan ongo Au babaaire ngkami aika au aomata?

Te Otinako 16:28 ပူးပေါင်းရင်းမြစ်များ

2.Uea 17:14

Ma a aki kan ongo Iteraera, a taningabono n ai aroia aia bakatibu are a rawa n taromauriia te UEA ae Atuaia.

2.Uea 17:15

A katinanikua ana taeka ni kauring te UEA ma ana babaaire, ao a kaaki taekan te boraraoi are e a tia ni karaoia ma aia bakatibu. A taromauri bouananti ake akea maneia, ao a boni kakeai manenaia. E a tia n tuangiia b'a a na aki katotoongia botannaomata ianena ake i rarikiia ni b'aai aika a karaoi, ma a aki ongo Iteraera b'a a boni katotoongia naba.

Taian Areru 106:13

A kai m'anuoki ana m'akuri; ao a aki tataninga ana taeka.

Taian Areru 78:10

A aki kawakina aia boraraoi ma te Atua; A rawa n ongeaba nakon ana tua.

Taian Areru 78:22

i bukina b'a a aki onimakinna, ao a aki kakoauaa ae E na kamaiuia.

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 16:27

Ao a nako tabeman b'a a na rikoi kanaia n te kaitiua ni bong, ma bon akea ae reke i rouia.

Te Otinako 16:29

Uringnga b'a I a tia n anganingkami te bong ni motirawa Ngai ae te UEA, ao bon anne bukina are I aki toki n anganganingkami iai kanami ae tau i nanon te ka onoua ni bong i bukin uabong. B'a a na bane aomata n aki nakonako man te tabo are a mena iai n te kaitiua ni bong, ma n aki kiitan aia auti.”

Itaia 7:13

Ao i mwiina, I taku: Ongora, ngkami ni kabane aika ana utu ni uea Tawita. Kam a tia ni kataa au taotaonaki n nano. Ngkai kam a tia ni kataa ana taotaonaki n nano te Atua ngkai kam rawa n buubutii te b'ai ni kakoaua.

Itaia 7:9

Ma i mwiin ae e aki raka riki nakon onobwi ma nimaua te ririki, ao e na mauna Iteraera. Ao a na konaaki Aati ma ana mataniwi ngkana a aki onimakinai.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Ieremia 9:6

A bane aomata n aonikaiia raoia nako ao bon akea temanna i buakoia ae kakoauaai b'a te Atua Ngai.

Etekiera 20:13

Ma a kakaitaraai Iteraera i nanon te rereua. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. Ao I a baaireia b'a N na kamaunaia Iteraera n te rereua ae Au moan tai ni kamaunaia ao ai Au kabanea naba.

Etekiera 20:16

I taekina aei i bukina ngke a aki ti katinanikui au Tua ma au Reirei, ma a kamatauningaa naba au Taabati ao a taromaurii taiani bouannanti.

Etekiera 5:6

Ma a kakaitaraai kaain Ierutarem ao a rawa n ongotaeka irou. A katinanikuia au tua nako ao a tia n korakora riki aia bure nakoia botannaomata nako akana i rarikina.

Warekaia Iteraera 14:11

Ao E taetae te UEA nakoni Moote ni kaangai, “I a tia ni karaoi b'aai aika a ab'ab'aki i bukiia aomata aikai, ao a rawa i Rou ngke a aki onimakina m'aakau.

Warekaia Iteraera 20:12

Ao E taku te UEA nakoni Moote ma Aaron, “A aki kubarai aomata i bukina ngke ko aki onimakina m'aakau. Ma ngaia are, Tiaki ngkoe, ae ko na kairiia aomata nakon te aba are I a tia ni berita iai b'a N na anganingkami.”

Mareko 9:19

E taku Iesu nako ia, “Te botannaomata ae akea ana onimaki; tao maan ra ae N na titiku iai i rarikimi? Ao tao maan ra taotaonakin nanou nako imi? Uota mai te teinimm'aane nako Iu!”