Te Otinako 16:25 - Te B'aib'ara

²⁵ Ao e taku Moote, “Kang aikai n te bong aei, b'a bon te Taabati te bong aei, te bong ni motirawa ae katabuaki i bukin te UEA, ao kam na bon aki kona ni kunea te am'arake i tinanikun aia maeka.

Te Otinako 16:25 ပူးပေါင်းရင်းမြစ်များ

Neemia 9:14

Ko mwiokoia b'a a na karinea te Taabati ae e tabu, Ko reireina am toro are Moote b'a e na reireiniia am tua.

Te Otinako 16:23

ao e taku nako ia, “E a tia n tua te UEA b'a bon te bong ni motirawa nakon te ingabong. Te bong ae katabuaki i bukina. Kam'ai n te bong aei, akana kam tangiri ni kaburoi, ao nikiraia kam na kaawakin i bukin te ingabong.”

Te Otinako 16:24

Ao a kaawakin taian nikira nakon te bong are i mwiina, ao a aki roko n te buakaka ke n ino.

Te Otinako 16:26

Kam na rikorikoi kanami i bukin onobong te bong, ma bon akea n te kaitiua ni bong are te bong ni motirawa.”

Te Otinako 16:29

Uringnga b'a I a tia n anganingkami te bong ni motirawa Ngai ae te UEA, ao bon anne bukina are I aki toki n anganganingkami iai kanami ae tau i nanon te ka onoua ni bong i bukin uabong. B'a a na bane aomata n aki nakonako man te tabo are a mena iai n te kaitiua ni bong, ma n aki kiitan aia auti.”