Te Otinako 15:9 - Te B'aib'ara

⁹ E taku te kairiribai, ‘N na kakioia ma n raweia. N na tib'ai kaub'aia ma n anai b'aai ni kabane aika I tangiri; N na buuta au kabaang ma n anai b'aai ni kabane ake i rouia.’

Te Otinako 15:9 ပူးပေါင်းရင်းမြစ်များ

Karikani B'aai 49:27

“Beniamin kaanga ai aron te kameanti ae unun. E tiritiri ma ni kaakang n te ingabong ma te tairiki.”

2.Tamuera 22:38

I teimatoa ni kakiokioia au kairiribai ni karokoa a reke irou ao I uruan aroia.

1.Uea 19:2

Ao e kanakoa te reta neierei nakon Eria ae e kaangai, “Ko tiringiia au burabeti. Ao ngkai N nang manga tiringko. Bon au tataro b'a a na katuaaeai anti n te aro ae e rangi ni korakora ngkana I aki tiringko n taina naba aei nakon te ingabong.

1.Uea 20:10

ao e taku, “N na boni kamaunaa Taamaria ni kabane. E na bon akea nikirana naba teutana are e na konaa n uotaki rikaaki i nanon baiia tautia. Ngkana I aki karaoa aei, ao I tataro b'a e na karekea kaiu te anti n te aro ae moan te kamaamate.”

Te Otinako 14:5

Ao ngke e a kaongoaki te uea b'a a tia ni birinako Iteraera, ao e a manga bita nanona ma ana aobitia, ao e taku, “Tera ngkai ae ti a tia ni karaoia? Ti a tia ngkai ni kabirinakoia Iteraera, ao ai akea ngkai ara toro!”

Taeka n Rabakau 16:19

E raoiroi riki ngkana kam nanorinano ao kam kainano nakon ae kam na kaub'ai mani b'aai aika kam anai ma te kairoro.

Itaia 36:20

Bon akea mai buakoia anti aikai aika a kamaiuia aia aomata mai roun uean Aturia. Kam taku b'a E na konaa ni karaoa ae e raoiroi riki te UEA ae Atuami?

Itaia 53:12

E na anganna te UEA kaniwangana te karineaki ao te m'aaka ngkai e kareana maiuna. A taku tabem'aang b'a te tia bure ngaia, ma e karawaawataaki i bukin ara bure nako ao e buubutia te Atua kab'araan ara bure.

Ieremia 46:17

Angan uean Aikubita arana ae e boou, “Te Tia Taetae Ae Akea Nanona”.

Ab'akuka 3:14

Ko ewara te mataniwi n te taanga ni buaka ni kanoan am kainikatebe Ngkana e roko ni kamaenakoira n ai aron rokon te ang ae korakora, ni kamoamoa n ai aroia ake a karabaia ni karawawataia aika kainano.

Ruka 11:22

Ma ngkana e niniaki iroun ae aintoa riki nako ina ao e konaaki i rouna, ao teuanne e na anai ana b'ai n un teuare konaaki, ake e onimakin, ao e na tib'atib'ai nakoia raona.

Tani Motiki-taeka 5:30

“A kunea te b'ai ae kakaawaki Titera ma ana taanga ni buaka are a na uotia rikaaki tao te aine aika uoman i aon temanna te m'aane, ma taiani kunnikai aika rangi n tikiraoi are a na kunnikaia iai aine aikai.”

1.Tamuera 30:8

Ao e titirakina te UEA Tawita ni kaangai, “N na riai n rimwiia taan kurib'ai? Ao N na kauiaia?” Ao E kaeka ni kaangai, “Naako rimwiia; ko na kauiaia ao ko na kamaiuia taenikai.”