Te Otinako 15:7 - Te B'aib'ara

⁷ Ko tewenakoia am kairiribai ni mimitongin am tokanikai; ao e tii nako uran unim ni kabuokiia n ai aron te uteute ae m'au.

Te Otinako 15:7 ပူးပေါင်းရင်းမြစ်များ

Iobi 9:4

E rangi n rabakau te Atua ao E m'aaka, ao bon akea te aomata ae kona n teirake ni kaitaraa.

Taian Areru 148:13

A na bane ni kamoamoa aran te UEA! E kakannato arana i aon aara nako; E m'aaka i aonnaba ma karawa.

Taian Areru 59:13

Ko na kamateia n unim, n akea ae na tiku ni maiu; Ao ane a na ataia aomata nako b'a E tautaeka te Atua, i aoia Iteraera ao ana tautaeka e raababa nako nakon ni kabutaa aonnaba.

Taian Areru 68:33

are buti i aoni baona i karawa, are te karawa ngkoangkoa. Ongora ni b'anaana, ae te b'ana ae korakora.

Taian Areru 83:13

Atuau, kauamaaeia kanga ai aroni bubun aontano, ke te maange ae ukaki nako n te ang.

Te Otinako 14:27

Ma ngaia are, e arora baina Moote i aon taari, ao e a manga okira arona taari ngke e a ing mainiku, ao a kataia n rawei maiuia, ma E kab'ab'aia te UEA i taari.

Te Otinako 5:12

Ao a nakonako toro i aon Aikubita ni kabutaa ni kakaaea te uteute.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Itaia 37:17

Ko na bon noora ana m'akuri Tennakeriba ni kabuakakako, ngkoe te Atua ae e maiu.

Itaia 37:23

Tennakeriba, ko a kamaraiaaki, ko takaarua, ao ko ngare ni kakaniko nako iu, Ngai ae Atuan Iteraera ae e tabu.

Itaia 37:29

I a tia n noora kainikatongam ao unim ae e rangi ni korakora irou. Ao ngkai N na kaaki te matau i b'airim, ao te b'ai ni bwe i nanoni wiim, ao i mwiina, N na kaokingkami. nakon te tabo are kam nako mai iai.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Itaia 37:38

Ao n te bong teuana e tabe n taromauri n ana tembora antina are Nitiroka, ao a roko naba natina m'aane ake uoman ake Aterammereka ao Tiaretera n tiringnga n aia kabaang. A biri nako nakon te aba are Ararata, ao e a manga uea natina te m'aane are Etaraaton.

Itaia 47:14

Bon akea te b'ai ae a konaa ni karaoia aomata aika a onimakini taian itoi kaanga taian uteute i nanon te ai ae e ura. Bon akea naba ae e konaa ni kateimatoa n aangnga, i rarikin te ai ae e ti am'arake ma n te uteute.

Itaia 5:16

Ma e neboaki te UEA ae Moan te M'aaka, i bukina ngke e a tia ni kaotia b'a antai ngaia ngke e uota te eti.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Ieremia 10:6

Ara UEA, ae E korakora ma ni m'aaka bon ti Ngkoe te Atua.

Mika 4:11

A bootaki botannaomata aika a m'aiti b'a a na buakaniko. A kaangai, “E na riai ni kamaunaaki Ierutarem! Ti na noora te kaawa b'a e na bon urubekebeke raoi.”

Tekaria 14:3

E na buakan taian botannaomata aikai te UEA kanga ai aron te tia buaka ae e un i nanon tain te buaka.

Tekaria 14:8

I nanon bongin te aumaiaki ma te aumeaang, e na raanga te ran are e anga te maiu mai Ierutarem, ao iterana mairouia a na raanga nakon Taari are Mate i maiaki ao iterana e na raanga nakon Taari are te Mereterenian i maeao.

Tekaria 2:8

Ao i mwiin anne, e tuangai te UEA ae Moan te M'aaka ae e mimitong b'a N na taetae ni kaangai nakoia botannaomata ake a tia ni kurib'aia ma ni kimoaa Tion: E tamaroa Tion iroun te UEA ae kaanga matana. Ngkana iai te b'ai ae kam karaoia nakon Tion kam na boni karaoia naba nakoina.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

M'akuri 9:4

E b'aka Tauro i aontano, ao e ongo te b'ana ae kaangai nakoina, “Tauro, Tauro, ko aera ngkai ko b'ainikirinai?”

Te Tua-Kaua 33:26

Kaain Iteraera, bon akea te atua temanna ae ai aron Atuara; taian nang Ana kaanibuaka ngkana E m'ananga i aon taiani karawa ngkana E na kawariira ni buokiira.

Te Tua-Kaua 4:24

E na un te UEA ngkana kam taromauri atua tabeman, ao E kona n riki b'a te ai n tiring b'aai ni kabane ake i m'aain kawaina.

Ebera 12:29

b'a Atuara ai aron te ai ae kamamate.