Te Otinako 15:21 - Te B'aib'ara

²¹ Ao e anene Nei Miriam nako ia: “Anene nakon te UEA b'a E a tia ni karekea te tokanikai ae mimitong; E a tia n tewenakoia taian aoti ma taan toka i aoia aoti i taari.”

Te Otinako 15:21 ပူးပေါင်းရင်းမြစ်များ

2.Tamuera 1:20

Kam na aki taekinna i Kata ke ni kabutanakoa rongorongona i nanon kawain te kaawa are Atikeron. Ane e na kukurei antin Biritia te aine ao e na kibakibarake ni kim'areirei.

2.Tamuera 6:14

E m'am'aie i bukin te UEA ma nanona ni kabane, ma akea ana kunnikai b'a ti te riinen.

2.Rongorongo 5:13

Tebubua uangaun te ibonga aika a raoniia taani katangitang aikai, ao a katangi taian buu. A neboa te UEA ni katangi b'aini katangitang ma n anene: “E raoiroi te UEA, ao akea tokin ana tangira.” Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.

Taian Areru 76:6

Atuan Iakob'a, ngke Ko b'anaa n un ao a b'aka ni mate aoti ma ake a toka i aoia.

Te Otinako 15:1

Ao a anenea te anene aei Moote ma Iteraera nakon te UEA: “N anene nakon te UEA i bukina ngke E a tia n reke i Rouna te tokanikai ae kakannato; E a tia n karenakoia taian aoti ma taan toka i aoia nako nanon taari.

Te Otinako 15:4

“E tewenakoia aia taanga ni buaka kaain Aikubita i taari; A b'ab'a i Taari are Uraura ana aobitia ake a bane aroia.

Te Kaotioti 14:3

ao a anenea te anene teuana ae kanga te anene ae boou, i nanoaan te kaintokanuea ao i mataia baike a maiu ma unimm'aane; ao akea temanna ae kona n reireia te anene arei, b'a ti te koraki ake 144,000 ake a tia ni kamaiuaki mai buakoia kaain aon te aba.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,

Tani Motiki-taeka 5:3

Kam na ongora uea ma taan tautaeka, ngkai I tabe n anene i bukin te UEA, ae Atuan Iteraera.

1.Tamuera 18:6

E a tia n tiringa Koria Tawita, ao e a b'ara te buaka, ao a bane n okirikaaki Iteraera nakon mwengaia. Ao ngke a tabe ni m'ananga n oki Iteraera, ao a otinako aine man kaawan nako Iteraera ni butim'aea te uea are Tauro. A anenei anene ni kukurei ao a m'am'aie n tangin taian timbere ma taian aabi.

1.Tamuera 18:7

Ao a anene: E a tia Tauro n tiringiia tengaa te kairiribai; Tawita e tiringiia tebwina tengaa te kairiribai!