Te Otinako 15:20 - Te B'aib'ara

²⁰ Ao e anaa ana timbere Nei Miriam are m'anen Aaron, ao a bane aine ni iria ni katangtang n te timbere ma ni m'am'aie.

Te Otinako 15:20 ပူးပေါင်းရင်းမြစ်များ

Karikani B'aai 31:27

E aera ngkai ko m'am'anaai, ko birinako ao ko aki tuangai? Ngke tao arona b'a ko tuangai anne, ao N na bon kanakoko ma te kukurei, ao te anene ma te katangitang n taian timbere, ao taian aabi.

2.Tamuera 1:20

Kam na aki taekinna i Kata ke ni kabutanakoa rongorongona i nanon kawain te kaawa are Atikeron. Ane e na kukurei antin Biritia te aine ao e na kibakibarake ni kim'areirei.

2.Tamuera 6:14

E m'am'aie i bukin te UEA ma nanona ni kabane, ma akea ana kunnikai b'a ti te riinen.

2.Tamuera 6:16

Ao e taratara Nei Mikara are natin Tauro te aine man te winto ao e matakuakina te Atiniberita ngke e uotaki nako nanon ana Kaawa Tawita. Ao e rangi ni b'ainrang ngke e noora Tawita ngke e kibakiba rake ni m'am'aie nakon te UEA.

2.Tamuera 6:5

Ao iai tabeman Iteraera aika a katangitang n taian aabi aika uarereke ao b'aai ni katangitang ake tabeua ake iai karaiia, ao te raea, te timbere, katineti, ao te timbara. Ao a kukurei Tawita ma te koraki ake tekorakina, ao a taua ma nanoia n ruoia nakon te UEA.

2.Uea 22:14

Ao a nako m'aane ake niiman akekei n taetae ma Nei Ureta are te burabeti. Buun Nei Ureta bon Tiarum are natin Tikewa, are te tia tararuai ana kunnikai te uea. E maeka Nei Ureta ni m'akoron Ierutarem are mai meang, ao ngke a kaaitibo ni mwengana

1.Rongorongo 15:16

Ao i mwiina, e tuangiia taani kairiiri Tawita b'a a na rineia kanoan Rewi tabeman b'a a na anene ma ni katangitang n taian aabi aika a uarereke, ao b'aai n katangitang riki tabeua, ao taian timbara.

1.Rongorongo 6:3

Amram bon tamaia Aaron, Moote, ao Miriam. Iai natin Aaron m'aane aika aman: Nataba, Abiu, Ereata, ao Itama.

Neemia 6:14

Ao i mwiina I buubutiia te Atua b'a e na katuaaea Tobia ma Taneb'arata i bukin te b'ai are a tia ni karaoia. I tataro b'a e na katuaaea te burabeti are Nei Noaria te Atua ao burabeti ake tekorakina ni ikotaki, ma koraki ake a tia ni kataia ni kakamaakai.

Taian Areru 149:3

Kam na kamoamoa arana n te b'ab'atere; katangi b'aai ni katangitang n neboia iai.

Taian Areru 150:4

Kam na kamoamoaa ni katangan taian turam ao n te b'ab'atere. Kam na kamoamoaa ni katangani b'aai ni katangitang riki tabeua.

Taian Areru 30:11

Ko a tia n onea nanokawakiu nakon te kukurei ae bati; ko uota nako rawaawatau, ao Ko kaonai n te kim'areirei.

Taian Areru 68:11

E kanakoa ana taeka te Uea, ao a bati aine ake a kabutaa nako te taeka anne:

Taian Areru 68:25

A ri moa taan anene, ao a rimwiaki irouia ateiaine ake a ororei ni katang aia b'ai ni katangitang, ao taani katangitang mai buki.

Taian Areru 68:26

Kam na neboa te Atua n aia tai ni bootaki ana Aomata; Neboa te Uea, ngkami akana kam riki mairoun Iteraera!

Taian Areru 81:2

Tabeka te anene ao katanga te timbere, ma te aabi ae kamaiu tangina, ma te raea.

Te Otinako 2:4

Ao e teitei karimoan te ataei arei are Nei Miriam, n taua raroana mai rouna n taataraa te b'ai ae na riki nako ina.

Te Minita 3:4

te tai n tang ao te tai ni ngare, te tai n nanokawaki ao te tai ni kukurei,

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Mika 6:4

I kaotinakoingkami mai Aikubita; I kamaiungkami man te tautoronaki; I kanakoa Moote, Aaron, ao Miriam b'a a na kairingkami.

Warekaia Iteraera 12:1

E ngae ngke bon te aomata ae rangi n nanorinano Moote nakoia aomata ni kabane n te aonnaba, Miriam ma Aaron a moanna ni ngurengureakinna,

Warekaia Iteraera 12:2

“Bon akea riaina b'a e na iein Moote ma ainen Itiobia arei!

Warekaia Iteraera 20:1

Ao a roko Iteraera n te Rereua are Tin n te moan nam'akaina, ao a katea aia maeka i rarikin te kaawa are Kateti. Bon arei te tabo are e mate iai Nei Miriam, ao e taunaki naba iai.

Warekaia Iteraera 26:59

are buun natin Rewi te aine are Iokebeta, are e bungiaki ngkoa i Aikubita. Natin Amram ma Iokebeta ake teniman bon Aaron, Moote, ao Miriam.

Ruka 2:36

Ao iai te burabeti ae Nei Anna, are natini B'anuera ae kaain te baronga are Atera; e a kara, ao e a tia n tekateka ma buuna i nanon itiua te ririki ma ngke a moa n iein.

M'akuri 21:9

Iai aman natina aine aika tuai n iein, aika tataetae ni burabeti.

1.I-Korinto 11:5

Ao te aine ae tataro ke ae taetae ni burabeti, n aki rabuna atuna, ao e kamatauningaa atuna; bon akea okorona ma te aine are e a tia ni korobuatauaki.

1.I-Korinto 14:34

a na tai taetae aine n te botaki n ekaretia nako; b'a e aki kariaiakaki b'a a na taetae; ma a na tauaki aroia, n ai aron taekana naba n te Tua.

Tani Motiki-taeka 11:34

Ao ngke e a okira mwengana Iebeta i Mitib'a, ao te moan aomata are e otinako ni butim'aia bon natina te aine. E katanga te timbere, ao e b'ab'atere i bukin ana tokanikai tamana, ao bon ti ngaia natina.

Tani Motiki-taeka 21:21

Kam na tataningaia ataeinainen Tiro ake a na ruruoia. Kawaekoaingkami n otinako n raweia raomi i buakoia ataeinaine, ao uotiia nakon ami auti b'a buumi.

Tani Motiki-taeka 4:4

Bon te burabeti Nei Tebora are buun Rabitota ao bon te tia kairiiri naba irouia Iteraera i nanon boong akanne.

1.Tamuera 10:5

Ao i mwiina, kam na manga nako Kibea, ike a kaemb'a iai aia taanga ni buaka kaain Biritia. Ao ngkana kam tabe ni m'ananga nakon te kaawa, ao ane kam na kaaitibo ma koraki n burabeti aika ruorikaaki man te tabo n taromauri. Ane a na nakonako man taetae ni burabeti ao tabeman ane a na nakonako i moaia ma ni katangtang n taian aabi aika uarereke, ma taian turam aika uarereke, ao taian kaib'ab'aa.

1.Tamuera 18:6

E a tia n tiringa Koria Tawita, ao e a b'ara te buaka, ao a bane n okirikaaki Iteraera nakon mwengaia. Ao ngke a tabe ni m'ananga n oki Iteraera, ao a otinako aine man kaawan nako Iteraera ni butim'aea te uea are Tauro. A anenei anene ni kukurei ao a m'am'aie n tangin taian timbere ma taian aabi.