Te Otinako 15:2 - Te B'aib'ara

² Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.

Te Otinako 15:2 ပူးပေါင်းရင်းမြစ်များ

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Karikani B'aai 49:18

“I tataningaa am m'akuri ni kamaiu te UEA.

2.Tamuera 22:3

Bon te b'a Ngkoe ae kamaiuau. Bon otangau Ngkoe, au b'ai ni buaka ae e korakora, au tabo ni katantan. Ko kamaiuai ao Ko kaawakinai b'a N na aki ikoaki.

2.Tamuera 22:47

Ko boni maiu te UEA! N na neboiko! Bon au b'a Ngkoe ae e korakora. N na neboiko i bukin am m'akuri ni kamaiuai.

2.Tamuera 22:51

Ko anga taian tokanikai aika a mimitong nakon am uea ae e rineaki. Bon akea tokin am kakaonimaki nakon Tawita ao i bukiia ana kariki n aki toki.

2.Tamuera 7:24

Ko a tia ni rinea Iteraera b'a Am aomata n aki toki, ao Ko a tia n riki b'a Atuaia.

2.Tamuera 7:5

b'a e na nako ni kawara Tawita n anganna te rongorongo ae e kaangai: Tawita bon au tia m'akuri ngkoe, ma ngaia are, ko na ongora nakon te b'ai ae I taekinna. E aera ngkai ko na karaoa te tembora ibuku?

1.Uea 8:13

I a tia ngkai ni karaoa te Tembora ae e mimitong ike ko na konaa ni maeka i nanona n aki toki.”

1.Uea 8:27

E aki tau karawa i bukin nnen ni maeka te UEA ae te Atua. Ao Ko nang kanga riki ni maeka n te aonnaba i nanon te Tembora ae I karaoia?

1.Rongorongo 16:14

Bon te UEA Atuara, ao e uota te eti nako aon te aonnaba ni kabuta.

Taian Areru 109:1

Te Atua, I kamoamoako; tai tiku ni kainab'aabu!

Taian Areru 118:14

E kakorakoraai te Atua ao E kamarurungai; E a tia ni kamaiuai.

Taian Areru 118:21

Te UEA, I neboiko, i bukina ngkai Ko kaekai au tataro ao ko kamaiuai

Taian Areru 118:28

Bon Atuau Ngkoe, ao N na katituaraoiko; N na kaotiota kakannatom.

Taian Areru 132:5

Ni karokoa ae I karekea te tabo ae E na maeka iai te UEA, ae te Atua ae M'aaka ae Atuan Iakob'a.

Taian Areru 140:7

Bon iai m'aakam ni kamaiuai, ko kamoai raoi n taiani buaka ni kabane.

Taian Areru 145:1

N na neboiko, Atuau, ae te Uea; N na kamoamoako n aki tootoki.

Taian Areru 18:46

E maiu te UEA; E na kamoamoaki te tia kamanoai! E na neboaki te Atua ae au tia kamaiu.

Taian Areru 22:10

E tiku taekau iroum man te tai are I bungiaki iai; ao ai kaman Atuau Ngkoe.

Taian Areru 22:3

Ma te Atua ae Ko tabu Ngkoe, ae ko tekateka i aon am kaintokanuea b'a te Uea ae Ko kamoamoaaki irouia Iteraera.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 28:8

Te UEA boni korakoraia ana Aomata, ao nena ni kamaiu te uea ae rineaki i rouna.

Taian Areru 30:1

I neboiko te UEA, b'a Ko kamaiuai; ao Ko tukiia aiau b'a a na aki b'ainingareai.

Taian Areru 34:3

Kam na neboa te UEA ma ngai, Ao ti na bane ni karietata arana.

Taian Areru 48:14

Aio aron Atuara n aki toki; E na kairirira n taai nako.

Taian Areru 59:17

N na neboiko, te tia kamanoai. Boni nneu ni katantan te Atua, ae Ngaia ae tangirai.

Taian Areru 68:20

Atuara bon te Atua ae maiu te aba i rouna; te UEA Ngaia ae te Uea, ae kamaiura man te kabuanib'ai ae ti na mate iai.

Taian Areru 99:5

Kam na neboa te UEA ae Atuara; taromauriia i matan ana kaintokanuea! Moan te tabu Ngaia!

Taian Areru 99:9

Kam na neboa te UEA ae Atuara, ao taromauriia n ana maunga are tabu! Moan te tabu te UEA ae Atuara!

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Te Otinako 4:22

Ao i mwiina, ko na tuangnga te b'ai are I taekinna, “Iteraera bon Au karimoa te mm'aane,

Te Otinako 40:34

Ao i mwiina ao e a rabuna te Um'antabunrianna ike E memena iai te UEA n te nang, ao e kaona nanona raaititin te UEA.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 25:1

Bon Atuau, Ngkoe, te UEA! N na neboiko i bukin karaoan b'aai aika a kamimii aika ko a tia ni baairei ma ni berita iai man taai ake ngkoa.

Itaia 45:17

Ma Ngai ae te UEA, N na bon teimatoa ni kaawakina Iteraera ma ni kararoa man te kamaamaaeaki.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Ieremia 3:23

Ti taromaurii bouannanti i aon taian tabuki ao e korakora karongoaara, ma bon akea manenaia boni Ngkoe ae Ko konaa ni kamaiura.

Ieremia 31:33

Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.

Ieremia 32:38

A na riki b'a Au aomata, ao N na riki b'a Atuaia.

Ab'akuka 3:13

Ko otinako ni kamaiuia am aomata, Ko kamaiuia am uea aika ko rineia Ko oroia rikaaki taan kairiiri aika a buakaka ao ko kamaunaia taan rimwiia.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Ruka 1:77

Ko na kaotia nakoia ana aomata b'a a na kamaiuaki iroun te Atua ni kab'araan aia bure.

Ruka 2:30

B'a a tia matau n nora am kamaiu nako ia aomata,

Ioane 4:22

Ngkami I-Tamaria kam taromauria ae kam aki ataia; ma ngaira I-Iutaia ti taromauria ae ti ataia: b'a e roko te kamaiuaki ri nanon te botannaomata ae I-Iutaia.

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

M'akuri 4:12

Bon ti Iesu ae mena i rouna te kamaiu, ao akea riki; b'a bon akea te ara riki teuana i aani karawa ae a anganaki aomata, ae ti kona ni kamaiuaki iai.

2.I-Korinto 5:19

Tera ae ti nanonna b'a te Atua irouni Kristo, E raoiakiniia kaain aonnaba nako Ina, n aki tau mwin aia bure; ao E mwiokoira n taekan te raoi.

I-Ebeto 2:22

Ni katiteuanakimi ma Ngaia ao kam a kateaki naba ma raomi nako n onimaki b'a ana auti te Atua ae na mamaeka iai iroun Tamneina are Raoiroi.

Te Tua-Kaua 10:21

Aanga ami nebonebo nakoina, b'a kam a tia n nooria ni karaoi kakai aika kakamaaku i bukimi.

I-Biribi 2:11

ao b'a a na bane neewe n taku b'a te UEA Iesu Kristo, b'a E aonga n neboaki te Atua ae te Tama iai.

I-Biribi 4:13

I konai b'aai ni kabane ni kaitarai iroun Teuare kakorakoraai.

I-Korote 2:9

b'a e bane ni mena te aro n Atua i nanoni Kristo, ni maiuna n aomata.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!

Te Kaotioti 19:1

I mwini baikai ao I ongo te bae kanga te b'anaa ae korakora ae b'anaaia kaain te botaki ae ab'ab'aki i karawa, ae kaangai, “Neboa te UEA! Ana b'ai Atuara te kamaiu, ma te neboaki, ma te m'aaka,

Tani Motiki-taeka 5:21

ao a uotaki nako ana tautia iroun te Karaanga are Kition are mangkoangkoa. N na m'aati ma te ninikoria.