Te Otinako 15:17 - Te B'aib'ara

¹⁷ Ko uotiia ni kariniia, ao Ko unikia i aon te maunga, te tabo ike Ko a tia n rineia te UEA i bukin Am auti, te Tembora are Ko boni kateia.

Te Otinako 15:17 ပူးပေါင်းရင်းမြစ်များ

2.Tamuera 7:10

I a tia n anganiia au aomata aika Iteraera oin abaia ike a na konaa ni maeka ma te rau iai, ao a na aki manga ruru ni maaku riki. A na aki manga roko aomata aika a buakaka n aki karauaia, n aron are a tia ni karaoia ngkoa

1.Uea 8:13

I a tia ngkai ni karaoa te Tembora ae e mimitong ike ko na konaa ni maeka i nanona n aki toki.”

Taian Areru 114:2

E karika Iuta b'a ana tabo ae tabu ao e tautaeka i aon Iteraera.

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Taian Areru 68:16

E aera, ngkoe te maunga ae a bati tabuki bukin aom, ngkai ko tara te maunga are E rineia te Atua b'a nena ni maeka? E na maeka iai te UEA ae te Atua n aki toki!

Taian Areru 76:2

E mena mwengana i Ierutarem; E maeka i aon te maunga are Tion.

Taian Areru 80:15

Nako mai ao buokiia am aomata aika Ko a tia ni kamaekaia ikai ma ni karikirakeia b'a te botannaomata ae korakora!

Taian Areru 80:8

Ko uota te kai ae te kureebe ni kaotinakoia mai Aikubita; Ko kakioia nako botannaomata tabeua ao ko unikia iai b'a ana abanna.

Te Otinako 15:13

Ko kakaonimaki nakon Am berita, ao Ko kairiia aomata ake Ko kamaiuia; Ko kaawakiniia ni korakoram ni karokoa rokoia i abam are tabu.

Te Otinako 23:20

N na kanakoa te anera b'a e na kaawakiningkami ma ni kairiingkami nakon te aba are I a kaman anganingkami.

Te Otinako 25:8

I tangiria naba ni karaoa te tabo ae e onoti are I konaa ni maeka iai i buakoia au aomata.

Te Otinako 32:34

Ngkai ko na kairiia aomata nakon te tabo are I a tia n tuangko, ao e na kairiko Au anera. Ma N na katuaaia i bukin aia bure aei ngkana e roko te tai arei.

Ieremia 2:21

Bon te kureebe ngkoa ngkami aika kam rineaki, ma ngkai a akea te b'ai ae e na reke iroumi ma ai ti taian kureebe aika a uarereke aika a buakaka.

Ieremia 31:23

E taku te UEA ae Moan te M'aaka ae Atuaia Iteraera: I berita b'a N na kainaomataia kaain Iuta ma ni kairiia rikaaki nakon aia kaawa ni koaua. Ao ngkana I karaoa aei, a na manga taetae riki ni kaangai, “Ti tataro b'a E na kakab'aia mwengana te UEA, te maunga ae e tabu i Ierutarem ike e tei iai ana Tembora.”

Ieremia 32:41

N na kukurei ni karaoa ae e raoiroi nako ia, ao N na katea aroia b'a a na riki raoi b'a kaain te aba aei ni koaua.

Etekiera 37:26

I berita raoi b'a N na kakab'aiaia Iteraera n te rau ae akea tokina. N na kakawakiniia ma ni karikiia b'a te botannaomata ae e korakora. E na tei au Tembora i aon Iteraera n taai nako,

Etekiera 37:28

A na bane n ataia botannaomata n te aonnaba ae e mena au Tembora i Iteraera ao I a tia n rineia Iteraera b'a Au aomata.

Te Tua-Kaua 33:19

E na kabatiai ami b'ai taari, ao a na reke kaub'aimi man tanon te bike. Ma ngaia are, kam na kaoiia baronga ake tabeua b'a a na raoningkami n ami bootaki ao n ami angakarea nakon te Atua.

Iotua 22:19

Ngkana kam taku b'a e aki raoiroi abami i bukin taromaurian te UEA ao e raoiroi riki ngkana kam karekei abami i buakora b'a kam aonga n taromauri n um'an te UEA ae i roura ngkai nakon ae kam na katea riki teuana bon i aon naba ikai ao bon iai baonikarean te UEA ae Atuara aei.