Te Otinako 15:16 - Te B'aib'ara

¹⁶ A taonaki n te maaku ae moan te korakora. A noora korakoran te UEA, ao a tei n akea angin nanoia i bukin te maaku ni karokoa banen raoi am aomata ni m'ananga i rarikiia ake am aomata ngkoa ake Ko kainaomataia man te toronaki.

Te Otinako 15:16 ပူးပေါင်းရင်းမြစ်များ

Karikani B'aai 35:5

Ao ngke a tabe ni manga m'ananga nako Iakob'a ma natina mm'aane, ao a bane n rootaki n te maaku aomatan kaawa ake a uakaan ma ngaiia, ao akea te b'ai ae kataia ni karaoia nakoia.

2.Tamuera 7:23

Bon akea riki te botannaomata n te aonnaba ae ti te bo ma Iteraera, te botannaomata are Ko kamaiua man te tautoronaki i Aikubita b'a a na riki b'a oin Am b'ai. Ko moanna n ataaki ni karaoan kakai aika a kamimii ngkana Ko kairoroia botannaomata ma antiia b'a a na kiitana abam, b'a a aonga ni konaa ni maeka ikai Am aomata.

Taian Areru 105:38

A kukurei I-Aikubita irouia ngke a nako, B'a a makuia.

Taian Areru 74:2

Ururinga am Bootaki n aomata, ae Ko rineia ngkoa i bukim, Ae Ko kainaomataia man te tautoronaki b'a a na riki b'a am Aomata. Ururinga te maunga are Tion, are nem ni maeka.

Taian Areru 89:14

Ko katea ueam i aon te eti ma te motikitaeka ae e raoiroi; E ri moam te tangira ma te kakaonimaki b'a kanga taan ua-rongorongo i bukim.

Te Otinako 11:7

Ma e na bon aki kaukau naba te kamea nakoia Iteraera ke aia man. Ao kam na ataai iai b'a bon te UEA Ngai, ae E kaokoroia kaain Aikubita ma Iteraera.’ ”

Te Otinako 15:13

Ko kakaonimaki nakon Am berita, ao Ko kairiia aomata ake Ko kamaiuia; Ko kaawakiniia ni korakoram ni karokoa rokoia i abam are tabu.

Te Otinako 15:5

A rabunaki n taari ae nano; a inako nako kabina n ai aron te atiibu.

Te Otinako 15:6

“E kakamaaku m'aakan baim are te atai te UEA, e urua te kairiribai ni kamaerikirikia.

Te Otinako 18:8

Ao e a karakini b'aai ni kabane Moote nakon Ietero ake E karaoi te UEA nakon uean Aikubita, ao kaain Aikubita i bukin kamaiuaia Iteraera. E boni kaongoraea naba taiani kangaanga ake a kaaitibo ma ngaai aomata i aoni kawaia, ma aron te UEA ni kamaiuia.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 23:20

N na kanakoa te anera b'a e na kaawakiningkami ma ni kairiingkami nakon te aba are I a kaman anganingkami.

Te Otinako 23:22

N na riki b'a te kairiribai ae tiritiri nakoia ami kairiribai ngkana kam ongotaeka raoi nako ina.

Te Otinako 23:27

N na kakamaakuia botannaomata aikai ma ni kamangaongaoiia ami kairiribai n te aro are a na biri nako mai roumi.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Itaia 51:10

Bon tiaki ngkoe ngkoa are ko kaoraa taari are e nano ao ko karaoa te kawai i bukiia am Aomata are a na toua ma ni kaawakinaki raoi iai i nanona ni karokoia n iterana are teuana?

Itaia 63:12

E M'aati m'aakan te UEA i rarikin Moote. E na neboaki te UEA n aki toki i bukin bwenauaakin taari.

Ieremia 31:11

N na kamaiuia mairouia aia kairiribai ake a na konaa ni kab'akaia.

Etekiera 16:8

Ngke I a manga nooriko riki, ao ko a bon tau nakon te iein. Ma ngaia are, I a rabuniko n niiniirau. Ao i mwiin anne, I karaoa au berita ae e matoa b'a bon au b'ai ngkoe ao Ngai ae te UEA ae te Atua N na kaawakiniko.

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

Te Tua-Kaua 11:25

Bon akea ae na kona ni kaaitaraingkami. E na karaoia aomata ni kabane te UEA b'a a na maakuingkami, n aron are E a tia ni berita iai.

Te Tua-Kaua 2:25

N na karikiia kaain botannaomata ake tabeua b'a a na maakuingkami. Ane a ruru ni maaku ngkana iai ae taekiningkami, ao ane a na rangi ni maaku ngkana kam kaoti.’ ”

Te Tua-Kaua 2:4

Ao anganiia aomata kaetieti aikai: ‘Taratara raoi, b'a kam nang ri nanon te aba are abaia ami koraki, ake kanoan Etau n te tai ae aki maan. A maakuingkami,

Te Tua-Kaua 32:6

Bon te UEA tamami, Iteraera, are E boni karikingkami, ma kam kabooa mwiin karikami ni m'akuri ni baba.

Te Tua-Kaua 32:9

ma E kaawakina Iteraera te UEA.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Iotua 2:9

ao e taku nakoia, “I ataia b'a e a tia n anganingkami te UEA te aba aei. A bane ni maakui ngkami kaain te aba aei.

Iotua 4:24

E na ataaki m'aakan te UEA ni baikai i rouia kaain aonnaba, ao kam na neboa te UEA ae Atuami n aki toki.”

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

1.Tamuera 2:9

Ko kaawakiniia am aomata aika kakaonimaki ma ni kabane aika buakaka a na mate i nanon te rotongitong. Ti aki kona n tokanikai ni bon oin korakorara.

1.Tamuera 25:37

Ao ngke e a toki angin mangingina, ao e a karakin b'aai ni kabane neierei nakoina. E a reke naba i rouna te marei ao e a ti aki konaa naba ni kakam'akuri.